بسم الله الرحمن الرحيم

من بداية الموسم ومباراة الهلال والرائد إلى نهاية الموسم ومباراة الهلال وأم صلال ( الله لا يذكرها بالخير هالمباراة ) بلغ عدد حظور جمهور الهلال 299000 الف مشجع هلالي بالنسبه للمباريات الي تقام على أرض الهلال في الرياض .

بتقولون وش دراك ؟ انت كل مباراة تجلس عند هالبوابات وتعد الجماهير ؟

اكيد لا وهالأرقام ما جبتها من راسي .. طبعاْ هالأرقام اكيده بحكم اني استنتجتها من موضوع المركز الإعلامي وهو عن تبرع نادي الهلال بـ 25 % من القيمة الإجماليه للتذاكر .

تبرع الهلال بـ مليون و 76 الف ريال وهذا ما يمثل 25 % من القيمة الإجماليه للتذاكر .. خذت الـ مليون و 76 الف وضربتها في 4 ( 25% + 25% +25 % +25 % ) طلع لي الناتج 6680000 ريال

قسمت 6680000 على 20 ( وهي سعر التذكره ) وطلع لي الناتج = 334000 تذكره بيعت

بالتأكيد فيه بعض المباريات الي على ارض الهلال يكون فيه جمهور للفريق المنافس .. فـ عشان يطلع الحساب مضبوط راح نطرح 35000 ( وهو عدد تقريبي لعدد التذاكر المباعه للجمهور المنافس ) من الناتج الإجمالي

334000 - 35000 = 299000 الف مشجع هلالي حضروا لمساندة الهلال هالموسم بالرياض

بوجهة نظرك :

هل هو عدد مقبول قياساْ على الظروف الي مر فيها الفريق ؟ او ان الجمهور مقصر بحق ناديه ومفترض ان العدد يكون أكبر بحكم ان الفريق لعب نهائيين ومباراة حاسمه بالأسيوية على ارضه بالاستاد ؟

تحياتي .

إقتباس الرسالة الأصلية كتبت بواسطة البدائع بلاد الروائع هلابكـ ياغالي اولآ == مشكور على هذا المجهود الرائع والطرح الجميل والفكرة الاروع ثانيآ == العدد اللي طرحته من التذاكر للجمهور المنافس كثير جدآ حيث ان الجمهور المنافس فقط ياتي باعداد كثيره في مباراة شقيقنا النصر وبقية الفرق جمهورها لايذكر ابدآ ثالثآ == العدد النهائي والمحصله النهائية تقول ان الحضور الجماهيري للهلال قليل جدآ اذا وزعنا هذا العدد على جميع مبارايات الرياض فقط كما ذكرت واخيرآ === نقول ان جماهير الهلال في الحضور للملعب في السنوات الماضية اكثر من ذلك بكثير ولكن ماهي الاسباب يجب ان نبحث عن الاسباب وتبحث الادارة بكل جديه عن الاسباب الحقيقية عن العزوف الجماهيري مشكور ياغالي شكرا ع الموضوع الرائع وتقبل ردي المتواضع البدائع بلاد الروائع ===

مرحبا فيك أخوي .. ومنور الموضوع بوجودك وردك الجميل

وشكراْ على الإطراء .. وهذا أقل شئ ممكن الواحد يقدمه لناديه

بالنسبه للجمهور المنافس .. فانا اشوف العدد مناسب لا هو قليل ولا مبالغ فيه .. يعني اذا خذنا بعين الأعتبار ان الهلال لعب هالموسم مع النصر مباراتين ( الدوري وكأس خادم الحرمين الشريفين ) ومع الأتحاد نهائي الدوري كان فيه جمهور إتحادي ومع الأهلي كان فيه جمهور أهلاوي .. يعني تقدر تقول العدد عادل

وزي ما ذكرت انت في بعض المواسم الماضيه كان الجمهور الهلالي لا ابالغ ان قلت تقريباْ ضعف الجمهور هالموسم .. لكن نطمح ان يكون هلالنا غير وجمهورنا غير الموسم القادم بأذن الله

يعطيك العافيه على المرور

..