|
هداف الدوري السعودي ،،وأخرتها ولا شي واضح من العنوان أنا أتكلم على مين ( ناصر الشمراني ) أموت وأعرف ليه المدرب ما خذه معاه ، يا جماعة والله لو أن السعران لاعب بداله يمكن سوى شي هذا اللاعب عاله على الهجوم وكم أتمنى ما أشوفه أساسي في المباراة الجاية وكان المفروض أصلا بين الشوطين يرجع يكمل المباراة في بيتهم والدليل شوفوا يوم نزل هزازي والله الهجوم تحرك شوي وكانت في فرصة بتروح على ياسر يعني في حركة واضحة صارت يا جماعة إذا كلامي فيه شي غلط علموني أو نوروني تكفون لكن الشكوى لله |
يا اخي ناصر الشمراني منظم لمنتخب من قديم ولا سجل ولا هدف واتمنا اننا نشوف هزازي في المبرات القادمه |
والله مدري وش اقولك مدري وش يحس فيه بويسرو يوم ينزله اساسي ضيع فرصتين والله محققات لاعب يشوووووووووووت كذااا على السبهلله لا يطالع المرمى ولا شي من جد شوووف هزاازي وش سوى اتمنى في المباراة الجااي وما اشووفه يوطوط في التشكيله الأساسية |
الله يخلي كوماتشو يارجال يحطه قدام المرمى وبعدين تراه هداف على الحزم وطقت الحزم يتشطر عليهم هذا غير البلنتيات ياليت الشلهوب يلعب المباراه الجايه نبي فرص قدام الباب نور للأسف ينقل كوره لكن مانشوف فرص منه |
8 8 الشمراني ماتوفق مع المنتخب .. !! وبعدين الشمراني هداف من قبل لا يجي كماتشو !! بس مالله وفق !! بس مب معنا كلامي أني موافق على وجود الشمراني ( كأساسي ) .. حاليا ً وحتى في نادي الشباب السعران مقدم نفسه بشكل أفضل منه .. !! ( الهجوم يبي واحد يشوت بالرجل اليسرى مع ياسر .. زي مالك وسعد ) !! صعبه تحط أثنين قدام المرمى وكلهم يشوتون برجل وحده .. وأنتم لاحظتوا كيف كان يواجه الشمراني والقحطاني صعوبه إذا كان بالجهه اليسرى .. لازم يرجعون ويخلصون .. !! وهذا يبطئ اللعب .. !! شكرا ً أخوي .. ! |
دائمآ ناصر الشمراني مع المنتخب ما يسوي شئ اما مع ناديه تشوفه يلعب برووح لان الدلع اللي ياخذه من البلطان ما ياخذه من الاتحاد السعودي هو ضيعنا في بداية مشورانا الاسيوي و جاء يخربها بعد على النهايه الله يستر منه و ان شاءالله نشوفه براا في المباريات القادمه |
تمنيت السعران اساسي علشااانه لالالاعب نقوله بالعاميه غثيث يعني مشاكس ويستاهل لو نلعبه لكن الاسبوع القادم حاسمه واتمنى بجوار القناص ..الصقر هزازي |
حبيبي .. فيه ميزه في الشمراني .... ماهيب في ياسر ولاهزازي ولاالسعران ولا سعد ولامالك الشمراني سريع جدا جدا جدا ... يعني زي ماشفنا اليوم ... الهجمه اللي ضاعت منه الكوري مهب عارف يلحقه ومتى تظهر فعالية الشمراني ؟؟ في الكرات السريع من الدفاع للهجوم في حالة الهجمات المرتده يستفيد من سرعته وينفرد في الحارس وانا مع بيسيرو في ضمه وانا متأكد لو انه مسجل اليوم كان صار احسن لاعب عندكم بس فكروا بواقعيه ... حتى ياسر ضيع اليوم هجمه نفس هجمة الشمراني بالضبط الله يوفق المنتخب بكامل نجومه |
والله انا اقوول انو بيسرو يحط السعران بدل الشمراني افـــــــــــضل بس الظاهر ان المدرب يبي يرعب المنتخب الكوري بالاسم ... |
فيه لعيبة يسموهم لعيبة اندية بس هاذا هو الشمراني والله ان السعران اشوفه مهارياً ونايف مهارياً اكثر من الشمراني الشمراني سريع واذا خشو عليه لاعبين ضاعت علومه يعني يبي له مساحات علشان يلعب صح بس هما مقفلين ملعبهم وجته فرصه وارتبك المفروض يسقطها وهوه مغمض وتجي هدف بس الله ما اراد له ان يبدع مع المنتخب لكن انشاء الله يطور مستواه وينافس كل مهاجمين الاخضر |
اعتقد الشمراني كان مقدم مباراه حلوه .. وعلى فكره هزازي ضيع فرصه اسهل وبراسه .. ومزعجينه بهزازي راس الذهبي ومدري ايش .. اخرتها ضيع كوره ما تضيع .. الله يستر بس ! |
هدااااف الدوري السعودي ...ههههههههههه كل اهدافه بلنتيات ... |
ايه والله لو نزل هزازي من بداية المباره والسعران الشوط الثاني كان تغيرت امووور كثيره |
مع بالغ احترامي ترانا ملينا لا قدر الله لو ما تأهلنا راح نكرر اسطوانة لو استثمرنا الفرص الضائعة لما انتظرنا العون من احد وعلى شان ما يصير الكلام هذا أتمنى من بيسيرو أن يكون نايف هزازي أو السعران بجانب القناص أفضل وشكرا |
لاعب فاشل لكن شغل المجاملات لازالت موجوده في المنتخب تقولون هداف الدوري صحيح هالكلام لكن اخذ هذا اللقب في مرمى نجران وغيره من الانديه الصغيره مع احترامي لها |
| الوقت المعتمد في المنتدى بتوقيت جرينتش +3.
الوقت الان » 01:06 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd