بسم الله الرحمن الرحيم

ياشباب اشوف المواضيع اللي تتكلم ان الفرق الثانية قاعدة تنهي صفقاتها وتعد فرقها للموسم الجاي بينما ادارة الهلال نايمة في العسل ،،،
ولا المواضيع الاخرى اللي يقول نبي احمد الموسى او عبدالرحمن القحطاني وغيرهم من الاسماء
( تخيلوا لو عبدالرحمن بن مساعد (شبيه الريح ) دخل المنتدى ولقى زي هالكلام وش راح يكون ردة فعله وهو اللي قاعد يشتغل ليل ونهار علشانكم )

انا راح ارد على اللي يقول زي هالكلام بشوية منطق

اولا : يكفي ان شبيه الريح جاب افضل مدرب في فرنسا واللي الاندية الاوروبية تتهاوش عليه

ثانيا : الهلال مايحتاج بهالصيف الا ان ينهي صفقة واحدة وهي لاعب ظهير ايمن فقط ولاغير
اما غير هالمركز فانا اشوف انه اهدار للاموال من غير داعي فإذا جينا لجميع مراكز في الفريق الهلالي فسنجد اكثر من لاعب في المركز الواحد وراح ابدا من الحارس الى الهجوم ،،،

الحراسة : محمد الدعيع (عملاق اسيا ) - حسن العتيبي (افضل من الحراس الاساسيين الموجودين بالمملكة ) - فهد الشمري ( تصور الشمري الاحتياطي الثاني وغيرنا حارس احتياطي زي الناس مافيه )
- بدر الدعيع - خالد شراحيلي

الدفاع : اسامة هوساوي (الصخرة الهلالية ماشاء الله عليه ) - ماجد االمرشدي (افضل مدافع خليجي) - حسن خيرات ( بإذن الله راح يكون له مستقبل كبير ) - عبدالله الزوري (افضل ظهير ايسر بالمملكة
بلا منازع ) - سلطان البيشي (الظهير القادم بقوة ) - سعد الذياب (يقدم مستويات مميزة ) - محمد نامي (هذا فقط يحتاج لتغيير )

المحور: بقيادة المايسترو خالد عزيز - قيصر الروم رادوي - عبداللطيف الغنام ( الموسم هذا قدم مستويات متميزة ) - عمر الغامدي - صالح الدوسري ( كان نجم لكثير من مباريات هالموسم )
- عبدالله القرني ( نجم قادم بسرعة البرق الله يحفظه من العين قولوا آمين ) - سلطان البرقان (من زود لنعمة الحمدلله بدينا نطلع بعضهم اعارة )

الوسط: اووووه يالوسط عيني عليك باردة (اصلح معلق :s5s: ) محمد الشلهوب (افضل وسط ايسر بالمملكة ) احمد الفريدي - عبدالعزيز الدوسري ( والله لو ياخذ الفرصة ان تنسون التايب وخاف تنسون ابويعقوب ) - سلمان الفرج (نجم بمعنى الكلمة ) - نيفيز ( يارب يعيد ذكريات ريفالينو ) -عبدالعزيز الكلثم - مشعل الموري - ولاننسى الشباب اللي راح يتم تصعيدهم ان شاء الله (نواف العابد - راقي فلاتة )

الهجوم : ياسر القحطاني - عيسى المحياني - احمد الصويلح - محمد العنبر - سلمان المؤشر - وان شاء الله مهاجم اسيوي راح ينضم لهم (واتمنى تصعيد رائد الصويلح ومبارك البيشي )

وبعد كل هالاسماء عطني مركز غير الظهير الايمن نحتاج فيه الى لاعب ...

الرد على البلوي :
الكثير ضحك على كلام البلوي يوم قال ان الهلال ماراح ينافس على البطولات الموسم القادم و السبب ان لاعبي الهلال متقدمين في العمر (يعني شيبان )
مايدري البلوي ان عمر محمد نور 32 ولا نسى ان حمد المنتشري 31 بس اكيد مافات عليه ان مبروك زايد و تيسير آل نتيف تعدوا الثلاثين وطيب وش يقول عن صالح الصقري ولا يهونون مناف ابوشقير و سعود كريري ولا راح اتكلم عن طلال المشعل
وبعد هالكلام اتمنى منك يامنصور انك تفكر قبل ماتتكلم ( وعلى قولة خالد بن فهد يوم يقول لعدنان جستنيه العقل زين !!!! )
واتمنى انكم تسمحولي على هالاطالة ولكن لتوضيح الحقائق ،،،