أشوف رئيس النادي يتعاقد ... قلت خلني أتعاقد حتى أنا .. !! - نادي الهلال السعودي - شبكة الزعيم

مهدي الشمراني · #1 09/06/2009, 07:53 PM

مساء الخير

أولا .. أتمنى من الله أنه يوفق الإداره في جلب لاعبين يفيدون الفريق

في الموسم القادم ..

ثانيا .. مثل ما الإداره تقوم بصفقاتها السريه ... قلت حتى أنا خلني أسوي لي كم

صفقه تخدم الفريق ...!!! بس بطريقه جديده ..

صليت المغرب قبل شوي في مسجد الحاره ... وأنا راجع للبيت ... إلا إثنين عيال

صغار عمر الكبير يمكن 5 سنوات والصغير 4 سنوات ..

مروا من جنبي .. وأنا كملت طريقي .. بس شوي ورجعت لهم على طول ..

والسبب .. كانوا لابسين طقم الإتحاد .. وأنا لما تعديتهم ..

ما عجبني الوضع أبدا ..

سألت الكبير ... وين أبوك : ((( هذي تصريفه علشان أدخل بمدخل عليهم )) ..

(( أدري أن أبوه في المسجد )) ..!!

قال : في المسجد ..

قلت أنت تشجع الإتحاد : قال لا أشجع الشباب ..

قلت بيني وبين نفسي : (( أشوف جمهور الشباب بدأ يكثر هالأيام ))

وسألت الصغير : وأنت ؟؟

قال : أشجع الإتحاد ..(( حسيت أنه بيقول .. ما تشوف أنت ؟؟)))

قلت لهم : وش رأيكم أجيب لكم طقم الهلال أثنينكم .. طقم أصلي ..!!

طبعا بذي ... (( خذ سوالف )) بجيب لهم طقم أبو 40 أو 50 .. يكون حليو ..

أهم شئ ... الرقم 20 أو 10 ..

أذبح الصغار عند هالطقم ..

وقلت : بعطيكم كل واحد 10 ريال ..(( كثرت هاه ..))

شفت الكبير كأنه حك رأسه ... ومبتسم ..

وإن شاء الله يتم التعاقد معه ..؟؟ أقصد يتم ضمه للجماهير الهلاليه ..

أما الصغير .. (( قط كلمه .. كأني ما سمعتها .. ))

بس راح أحاول فيه ... (( تعرفون جاهل ما يعرف وين مصلحته ))

بس أحذر كل من يشوف موضوعي هذا ..

لا يوصل خبر لـــ منصور البلوي .. ؟؟

لأنه لو درى بالسالفه ذي ..

بكره أقرب رحله على الدمام ... ويتعاقد مع الصغار ..

يسويها ..!!!

تحياتي ..

مهدي

و ص ى 925 · #2 09/06/2009, 11:12 PM

معـــقـــوووووووووووووولة ؟

Medo · #3 09/06/2009, 11:16 PM

إقتباس


	معـــقـــوووووووووووووولة ؟

قسسسسسسسسسسسسسسسسسسسسسسسسسسسسم

جونيور الهلالي · #4 09/06/2009, 11:20 PM

هههههه ,,

آنتبه بس منصور البلوي لايدخل في الصفقة ’’

ويخرب عليك كل شي ,,

ومشكوور اخوي على الموضوع /

بس حب الهلال يجي من القلب مو بآلغصب ,

أبـ دحيم ـو · #5 09/06/2009, 11:24 PM

الله يعطيك العافيه اخوي مهدي

واعتذر لك على الرد السابق

مهدي الشمراني · #6 09/06/2009, 11:52 PM

إقتباس

الرسالة الأصلية كتبت بواسطة أبـ دحيم ـو


	اثر المنتدى فيه اطفال كبر عقلك ياخوي وترى موب لازم تنزل موضوع ؟

هلا بك أخوي ..

أعرف شخص .. إتحادي متعصب ..

راح يزور له قريب في حاره معينه من حواري جده ..

جاء بيدخل لبيت قريبه ... شاف شباب يلعبون كوره ..

عددهم كان مو بسيط .. يمكن يوصلون حوالي الــ 20 شخص ..

راح عندهم وكلمهم .. عن تشجيع الإتحاد .. ووعدهم بطقم الإتحاد ..

الــ 20 شاب اللي كانوا يلعبون .. كلهم ألحين إتحاديه ..

ومجانيين الإتحاد .. ويؤكد هذا الكلام قريبه اللي في ذيك الحاره ..

ويسألون عنه .. هالكلام قبل 8 سنوات .. يعني كانت أعمار الشباب وقتها

11 سنه و12 ... أقل أو أكثر ...

ألحين أعمارهم 20 و 21 ..

وأنت تقولي كبر عقلك ..

الله يسامحك ..

موضوعي .. كنت أبي منه هدفين ..

الهدف الأول ... ليه ما نحاول نشجع الصغار في تشجيع الهلال ..

أنت ما تشوف طقم الشباب منتشر في الأيام هذي ..

وعام 2003 و 2004 و 2005 .. كيف طقم الإتحاد منتشر بشكل عجيب

وهالسنه الشباب ..

وكله من الفئه اللي انا أتكلم عنها ..

الهدف الثاني ... تدخل البلوي في كل صفقه هلاليه ..

أكرر الله يسامحك ...

مشمر · #7 10/06/2009, 12:27 AM

إقتباس

الرسالة الأصلية كتبت بواسطة أبـ دحيم ـو


	اثر المنتدى فيه اطفال كبر عقلك ياخوي وترى موب لازم تنزل موضوع ؟

لا تعصب
فيه شيء اسمه هزااااااااااااااااااااار

عاشق ميسي الهلالي · #8 09/06/2009, 11:25 PM

انتبه اهم شيء لاتوصل لمنصور البلوي
احسم الصفقه قبل

ysserino · #9 09/06/2009, 11:35 PM

بيمر الوقت وبيشجع هذا الصغير الهلال

لان الهلال يجبرك انك تشجعه .

محمد الهلالي00 · #10 09/06/2009, 11:40 PM

والله احسن له يشجع الهلال .. النادي الملكي

Mo0o0oDE · #11 09/06/2009, 11:43 PM

هههههههههههههه

يسلمووو على هالموضوع النآآآآيس ..
عاد انا ولد اختي قالي شبابي < قلت كفو والله اجل في جيل لشباب جااااي ..
واهمس في اذنه تحب ياسر يقول ايه وارجع اقوله ترى ياسر هلالي وانا هلالي وذا تقولي انا هلالي لك هديه .....
هههههههههه جات المباراه حقت الهلال وصار هلالي ^^

يعطيك الف عافيه
موضوع نآيس بجد

تحياتي