اتمنى ان يكون ((طقم الهلال الجديد )) كرمز للنادي لايتغير .......... - نادي الهلال السعودي - شبكة الزعيم

المجهر · #1 07/06/2009, 09:33 AM

مثل طقم برشلونه .... وريال مدريد .. ..او اي سي ميلان ...او الانتر ..او جوفنتس ... هذه الاندية العالمية الكبيره لاتغير زيي لاعبيها هو ثابت كرمز للنادي ...مثل الشعار تقريبا ...لايتغير .... معروف منذ السبعينيات الميلادية ... لايتغير ...الا نادرا على حسب زي الفريق المقابل ..او احوال الطقس ....

طيب وش فايدة هذا ؟؟؟؟؟؟؟؟؟؟؟؟

*** انه يزيده اعجاب لمحبيه ....فالتميز معروف بأنه يوحي بالأعجاب .....؟؟؟ حتى من غير مشجعيه ....!!!!

*** ايضاً يزيد من شعبيته خارج البلاد ( يلفت النضر ) لتميز وثبات الطقم ..........!!

*** يزيد من خوف الاندية الأخرى عندما تواجه الهلال ..لان ثبات شكل الشعار يزيد من ذاكرة ووعي المنافس بأنه يلعب الآن ..امام الهلال الفريق العملاق الذي لايقهر ...فيخاف ويحترم الفريق المقابل ولايجرؤ عليه كفايه ...ووالله اني اراه الموسم الماضي له اثر ظهر على الفرق ( نفسيا ) خاصه الفرق الكبيره !!

وطقم الهلال الآن جميل جدا ومميز ....

ولو اني اقترح ان يكون الشورت ابيض ....

انا مهتم جدا جدا بموضوع ثبات الطقم مهتم به كثيرا ...لاني ادرك جيدا ان له اهمية كبيره جدا جدا لنفسيات اللاعبين والجماهير والمنافسين ..وله ايجابيات لاتحصى ....!!! ... لكننا في السعودية نجهل الفوائد فيه ....

ســـــMـــــاوي · #2 07/06/2009, 09:43 AM

والله صدقت اخوي

يالييت يثبتوون على هذا

الايطــالي · #3 07/06/2009, 09:43 AM

ليش لا ~~

وزعــيــمــنــا

مـــو أقــل مــنــهـــم ~~

..سهم ياسر.. · #4 07/06/2009, 09:48 AM

اعني تبي الموديل يصير مقلم كله خطوط ؟ هههههه

|yAsSeR.20| · #5 07/06/2009, 09:50 AM

يا الغالي احنا من عرفنا الهلال و الطقم حقه الازرق و الابيض
و انت ظربت مثل بـ الميلان و الانتر و اليوفي يمكن لانه الطقم حقه مخطط
و هذي مستحيل نشوفها في الهلال لانه المخطط بـ الابيض و الازرق بكل امانة مو حلو
و انت شفته في اعتزال سامي الجابر .. زبده ردي حبيت اقولك لانه طقم الهلال ثابت من عرفناه

al9a6ee · #6 07/06/2009, 09:58 AM

مستعد أصمم لكم أكثر من شعار عليهم الكلام والعلم ..
مسألة وقت بس .. وان شاء الله تشوف التصاميم .. <- عجبته الفكرة ...
وكلامك سليم جداً ..
نبغى شعار ثابت .. او فكرة ثابتة بالشعار .. على الأقل .

$ الأسطورة SS $ · #7 07/06/2009, 09:53 AM

من قال الاندية الأأوروبية ما تغير طقهما ..!!

بعدين التغيير يكون مجبور من الشركة الراعية .. كأديداس أو نايك .

..........

عالعموم أتمنى أن يكون طقم الهلال الموسم القادم على مستوى الأندية الأوروبية ،، أو بالأحرى مستوى الشركة الراعية .

hilal_305 · #8 07/06/2009, 10:04 AM

ليش لالالالالا الزعيم ماهو اقل من الانديه الاوروبيه بل الزعيم افضل منها

يزيد بن بدر · #9 07/06/2009, 10:12 AM

------- اقتراح رائع جداً -------

MOHAMMED ABDULAZIZ · #10 07/06/2009, 10:12 AM

معليش يا اخوي انا اختلف معك يعني ريال مدريد دائما يتغير طقمه نفس الون صح ونقس الشركه لكن شكل الطقم يتغير تغير واضح

وتغير الاطقم له اهداف تجاريه واذا على النفسيه انا اعتقد ان الي يقابل الهلال يقابل كيان مو فنايل !!

وجهة نظرك فيها وجهة نظر ممكن تكون صح وممكن اكون انا صح لكن تغير الاطقم هي تجاريه بحته وعشان كذا يتم تغير الاطقم بشكل سنوي

وكل افرقة اوربا تغير الاطقم وعلى فكره ترا اليوفنتس كان طقمه زهري في الستينات اتوقع وصار فيه غلط في البضاعه وجابو طقم نيوكاسل وصار طقمهم اسود وابيض والان صار عندهم طقم لونه ذهبي

برشلونه كان طقمه الاحتياطي لونه سماوي وريال مدريد كان طقمهم الاحتياط لونه كحلي وهو على حسب الشركه الراعيه للملابس فما لها اي دخل في النادي ( طبعا هذا في اوربا واتوقع ان في السعوديه الوضع يختلف)

لكن انا اختلف معاك في وجهة نظرك : ) واتمنى انك تتقبل مروري

المجهر · #11 07/06/2009, 10:14 AM

الأعضاء الي ردوا مشكورين اكثرهم فهمني خطأ ...
انا لا اقصد التخطيط ..الي زي فنايل برشلونه او جوفنتس او غيره ....

انا اقصد الرسوم والألوان والأشكال بأي صفه كانت المهم انها تكون ثابته

مثل تصميم الطقم الموسم الماضي كان جميل جدا
اما بخصوص ان الشركات الراعية هي من تتصرف بالطقم ..فهذا ليس على اطلاقه ..فبستطاعة الأداره الهلالية الأتفاق مع الشركة ....والا لما رئينا برشلونه له ثلاثين سنه وهو بنفس الشعار ؟؟؟؟ معقول لم تتغير الشركة الراعيه منذ 30 سنه ؟؟؟؟!! هو والميلان والجوفنتس وساوباولو ..وفلومينزي البرازيلي ..بلميراس ..وبوكا جنيور .. وغيرهم الكثير ؟؟

mezwww · #12 07/06/2009, 12:36 PM

يعطيك العافية على الموضوع بس مع احترامي لسعادتكم ماهو أكبر هم الفريق ولا يضيف الجديد للفريق

osamsh · #13 07/06/2009, 03:02 PM

صدقت اخووووي واتنى يثبتوووون ع هذا

حلوَى · #14 07/06/2009, 03:06 PM

ومين قال ان الأندية الأوربية ماتغير أطقمها ؟

يا اما اننا مافهمناك أو انك مافهمتنا زين ...

والصراحة ودي السنة اللي تجي يصير الطقم مخطط ..

المدافع الصلب · #15 07/06/2009, 03:09 PM

اتمنى الثباااات على زي معيييييين يكون اساسي والتغيير في الزي اللي يكون احتياطي واتمنى ان يكون هناك اكثر من زي زي البرشا حوالي 3 او 4 يا ليت والله والاساسي ثااابت لا يتغير اتمنى ذلكـ..

الله يكتب اللي فيه الخييرررررررررر