[ محمد نآمي ] ومـمدوح بـن عبــدالرحمن شـيـخ الـريآضيـيـن ".. - نادي الهلال السعودي - شبكة الزعيم

مملوح الهلالي · #1 08/06/2009, 04:56 PM

بسم الله الرحمن الرحيم "..
مسآئكم ( نآمي ) وعليه شوي ( عنبر )

* يمكن لي مده مآكتبت موضوع لكن بعد الحصآد لآبد إن كل نفر في الشبكة أو كل هلالي بالأصح يخرج مآ في دآخله من فرح أو حزن "..
ويفضفض للوجيه السنعه اللي بذآ الشبكه صحيح إنه يبي يلقى من يسلك له ويبي يحصل من يدقر له

أتمنى إن موضوعي ذآ يكون خفيف عليكم وزي مآقلنآ الله الله بـ " التسليك " ..

" مدخل "
هلآلنآ حآلته لآتسـُر الصديق ..

..................... بعد أن كآن بين الأنديه عريق ..

ضرب له شعيب ومسك لك طريق ..

.................... ورآح فيهآ وصدىّ البـريق "..

موسم جيد للهلآل قياساً بـ ( المبآلغ ) اللي سآقهآ أميرنآ / عبدالرحمن بن مسآعد على الآعبين الأجآنب والكوآدر الفنيه
لآحظو إني قلت جيد أي أن هنآك ( ممتآز - جيد جداً ) ==> ذكرت أيآم ثآني متوسط

* مآودي أتكلم عن الموسم الريآضي الهلالي لإن جآء أمور كثيره مآ ابي أذكرهآ أبي أتكلم عن نقآط متفرقه "..

فهد المفرج : لبى والله قلبك حسمت لنآ أكثر من مبآره وبطولتين أطيب من سعد الحآرثي اللي مهآجم
وتآريخه هدف حسم على إندنوسيآ وهدف حسم على الوطني في تبوك ==> مدري وش لهآ علاقـه في سالفتنآ لكن ( محآولة إشعال فتنه )

يآسر : لآتفسق يآبو سعيد

وأبيك تذكر الآيه الكريمه " لئن شكرتم لأزيدنكم "

آسيآ : نعبو ذآ البطوله صآرت نفسيه جآء الجمهور وجآء الرئيس وغآبت الروح ؟!
قلنآ مآنبي الدوري والطموح الآسيويه والله لآ دوري ولآ أسيويه ؟!

إدآرة الهلال : جيبو مهآجم أفريقي تزين أعلومكم

أفريقي عليه الحتسي مآ هو تجيبون مثل جيلسون وإلآ الأطخم ( ليلو ) أنا عندي قنآعه الأعب الافريقي أفضل من يطق كوره في العالم
( الكوره تطلع برآ يلحقهآ يعطيهآ الحآرس )

محمد نآمي : أنت أفضل ظهير أيمن في العالم بس خلك من المنتخب لـ بيتكم ومن بيتكم للمنتخب
لإن حنآ في الهلال مآ نحتآج ظهير أيمن من اللي قالك ؟!

أنت نجم المنتخب وأنت الآعب اللي تمت الإستعآنه بك مع صقورنآ وأنت من أعآد المنتخب للمنآفسه في تصفيآت كأس العالم بس نصحيتي أنتبه لآتفرط فيهآ "..

عبدالرحمن بن سعيد : الغرآبه مآهو كلآمك الغرآبه إن العيال مآ صكوك إلآ بـ ( بيآن ) 1 فقط
ونسو إنك أنت الي مستأجر لهم المقر الأول نآديهم وكل عصريه تجيب لهم ترآمس القهوه والشآهي

وقتهآ كآن شيخ الريآضيين / ممدوح بن عبدالرحمن يهجول في حوآري الريآض ومعه نبيطه ويقال إن عبدالرحمن بن سعيد شآريهآ له

رآبطة الهلال : ههههههههه أجل أصحى قدآمك زعيم يتم إعآدتهآ 999
مره في كل مبآره تضآمنآ مع حملآت ( الأمن العآم ) ولآيهون سآمي الجآبر ..

ويقولون من جمهور الريآض يرحم أبوكم أي من جمهور الريآض ؟!
جمهور الريآض اللي مآ يكل ولآيمل على كثر المبآريآت اللي هنآ يحضر ويسآند وحط معهآ المبآريآت الوديه والله إنك أطلق جمهور

جمهور الريآض لو يلقى نآس تطرب قسم لـ يستنزلون وهم في بيوتهم ..

برود / ملل / إعآدة أهآزيج .. مآودي أقول إن هي سبب برود الآعبين لكن جد والله لو يتعآقدون مع فرقة تجي بـ طآقمهآ وقشهآ وطبولهآ وفلله ومولآت

أنا أشهد إنكم تبون تشوفون روح وحمآس مو في الآعبين حتى في الجمهور أجل رئيس رآبطه ومن أطلق الأنديه بل أفضلهآ ( رئيس رآبطة الهلال ) بعد هدف الخصم يالله يآ شبآب الموج
يحسسني إنه مآله فيهآ اللهم إنه مآسك المكيرفون ولو تجمع الأهآزيج على بعض وتحط هذي على هذي وتسرق هذي
مآ يطلع لك إلآ 3 أو 4 والبآقي مخيس ويجيب النوم

- أتمنى إن موضوع خفيف وترآني مآزودت الجرعه لإني مآنيب فآضي والعطله جآيه و الموآضيع السنعه جآيه

جميع الحقوق محفوظه في قدر ( كآتم ) هههههه