|
هل يملك الهلال اللاعبون الذين يناسبون طريقة جيريتس الهجومية ؟ كثير منا تابع فريق مارسليا الفرنسي هذه الأيام خاصه بعد خبر التعاقد مع جيرتس .... تابعته ووجدت لاعبيه قمه في الحماس واللعب الرجولي السريع جدا والحماسي ...وهذا طبعا يساعدهم على الرجوع السريع للخلف اذا فقدوا هجماتهم ...لأنكم تعرفون بان جيرتس مدرب هجومي ..بل هجومي مغامر ...!!! لكن السؤال : يجب على اللاعبين ان يتحلوا برجوع سريع جدا للخلف لكي لايصابوا بهجمه مرتده ربما تنتج عنها اهداف ..وهذا ايتطلب حماس شديد ..مع امكانيات لياقية ....؟؟؟ فهل الهلال يملك خاصية الحماس في اللعب والياقة البدنية العالية .... انا شخصيا متفائل جدا بشيء واحد فقط منهم .... ان الطاقم اللياقي الهلالي في هذا في الموسم الماضي قد تغير الآن ...هذا مايجعلني اتفائل ولو قليل ....!!! وارى ان هذه الخطوه موفقه بشكل كبير جدا ...!!!!!!!!!! |
أخــي الــعــزيز .. الهلال لايملك لاعبين يمتازون بالسرعه والقتاليه غير الهوساوي ورادوي والمرشدي وعزيز .. وهذا غير كافي لخطة المدرب جيريتس .. انا أتمنى مشاهدة سوريا لاعب قطر القطري أو بدر المطوع بسبب رجوعهم والبحث عن الكوره .. واتمنى تسريح ويلي عاجلاً لعد قدرته على الصناعه .أو التسديد أو المقاتله على الكوره .. فقط التحرك بي جميع نواحي الملعب والتعاقد مع لاعب أنقره التركي .. لايحضرني أسمه .. وفي حال عدم التعاقد مع لاعب محلي بخانة الظهير .. أبعاد رادوي أو نفيز وأحضار لاعب بالوسط مثل القحطاني وغيره والتعاقد مع ظهير أيمن منتخب الساحل العاج .. وشكراً لك تنبيه لا أتمنى رحيل رادوي ..ولكن مصلحة الهلال أهم .. ويوجد لاعبين مثل الغامدي عزيز الغنام البرقان الدوسري .وغيرهم .. |
تو الموسم مابعد بدأ والمدرب مابعد جاء لكن لكل مدرب تكتيكه وخطته واسلوبه حسب امكانيات اللاعبين الموجودين وان شاء الله نجوم الزعيم راح يتأقلمون مع الخطه |
العناصر الموجوده في الهلال اليوم غير قادره ابدا على تنفيذ طريقة جريتس ولو تم تطبيق طريقة جريتس بالعناصر الحاليه فسوف نتلقى خسائر بالأربعه والثلاثه كما حدث في مباراة الشباب والاتحاد العام الماضي لأننا بالغنا في الهجوم على حساب الدفاع لأنه لا يوجد عناصر تقوم بالمهمتين معا |
لننتظر الايام القادمة وما يحدث بها وهي كفيلة باحتياجات المدرب |
صحيح جيرتس هجومي بدرجه عاليه ، وصدقني الكل سيكون في الموسم المقبل قتالي ، والكل سيلعب للشعار وللجمهور وكما وعد اميرنا المحبوب بهذا الشيء ودفــاعنا قوي جداً ( واعني بذلك قلبي الدفــاع ) وان شاء الله قادرين على تطبيق كل مايطلبه المدرب منهم وانا متفائل بالجهاز اللياقي الجديد سيكون كفئ كما ذكرت اخوي :) وكل التوفيق لزعيمنا |
ان شاء الله نشوووف هلالال غير الموسم القاددددم الله يكتب اللي فيه الخيررر لـ هلالنـــآآآ |
نصبر ونشوف اكيد ماراح يسكت المدرب اذا شاف اللاعبين مو مناسبين لخطته مع اني انا نفسي متخوفه من نفس النقطه اللي ذكرتها |
تحياتي لك اخوي وبأذن الله نوفق مع المدرب الجديد وطريقته الهجومية وانا متأكد ان نجومنا قادرين على تطبيق خطة المدرب لان الاغلبية يمتلكون الامكانيات والموهبة والفكر ولكن من وجهة نظري ان الفريق راح يعاني بداية الموسم ويمكن تستمر المعاناة لاكثر من ثمانية الى عشرة مباريات حتى يتعود الفريق على الطريقة .. لانه مثل ماتعرفون ان الفريق يلعب بطريقة 4-5-1 من ستة سنوات تقريبا وهذا يعني ان اللاعبيين متعودين وحافظين هذة الطريقة وتفرعاتها ... اتمنى اننا لانقسو على الفريق في بداية الموسم لاني اتوقع هزة في الفريق والله اعلم تحياتي لك وتقبل مروري |
الحين ابي اسألك وش فايدة المعسكرات ؟ وش فايدة التدريبات ؟ وش فايدة مدربين اللياقه ؟ ياحبيبي كل شي يجي بالتمرين والمعسكرات يعني لاعبين مارسيليا هاللي تقول يملكون ويملكون كانوا قبل جيرتس بالمركز 11 وكل الانديه تلزخهم وترقعهم ماسألت نفسك وش اللي غيرهم بعد ماجاْ جيرتس وطاقمه |
كل اللاعبين السنة الجاية بيكونوا قتاليين و لياقتهم عالية وعندهم سرعة في الإرتداد ولاتنسى إن كل فريقنا دوليين والاخوان اللي يقولون ماعندنا لاعبين يناسبون طريقة جيريتس وش رايكم نبيع كل الفريق ونشتري غيره! |
بوجود نامي والخثران والغنام والذياب والثلاثي المرح (العنبر والصويلح وفهد سرور) لن يتغير حال الهلال ولن يحقق الاسيوية وسوف يتراجع الا اذا ابعد من لايخدم الفريق فهناك لاعبين شبعوا كرويا وماديا وجماهيريا ولم يعد لديهم شي يقدمونه مثل الشلهوب لكن ادارة النادي تجامل كما فعلت ادارات النادي السابقة فهي لاتبعد من انتهت صلاحيته ولا تبعد اشباه اللاعبين ولذلك لن يعود الهلال كما كان ابدا,,, |
نعم الهلال يملك اللاعبين الذين يناسبون طريقة جيريتس السلام عليكم بالنسبة لطاقم الهلال فإن الهلال يملك حالياً أفضل اللاعبين المحليين ولا تغترون بالنتائج السيئة لهذا الموسم بالنسبة للأخوة الذين يقولون بأن العنبر والصويلح منتهين أحضروا لي لاعبين محليين أفضل من ياسر والمحياني والعنبر والصويلح..؟؟ العنبر الذي لا يُعجبكم سجل 9 أهداف في الدوري وصنع 4 أهداف الشلهوب في الدقائق القليلة التي يثق فيه المدربين يصنع الفارق حتى مع كور ميته مثل التي يقدمها له صانع الألعاب السابق كان يحاور ويناور ويكاد يسجل أهداف مثل مباراة أم صلال أسامة هوساوي ورادوي هم الأفضل وويلي مجهوده وافر في الملعب وسريع المدرب ميزته أنه لا يحب لاعبي الكعوب والكباري بل يعشق اللعب الجماعي وهذا ما نتمناه للزعيم في ظل وجود أفضل العناصر محلياً والذين يطالبون بمهاجمين عالميين مثل مهاجم مارسيليا هم مُخطئين لأننا لسنا في الدوري الفرنسي ولا في إحدى دوريات أوربا حتى نطالب بهنري ولا رونالدو احنا في الدوري السعودي وأي لاعب متوسط الإمكانيات يستطيع التسجيل في نجران والإتيحاد والفقر s121s |
الله يكتب الي فيه خيرا لزعيم ويصير المدرب هجومي افضل من دفاااعي |
| الوقت المعتمد في المنتدى بتوقيت جرينتش +3.
الوقت الان » 10:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd