|
موضوع ماهو صاحي كل واحد يبي يتطاق وإللي ماعنده رد يتفرج (طفوا النور قبل لا تدخلون) السلام عليكم ورحمه الله بدخل في الموضوع من دون مقدمات الان الادارة الهلالية تعمل بصمت على التعاقد مع لاعبيين ليخدموا الفريق الموسم القادم كثر في المنتدى المطالبة بإبعاد الاعب الفلاني والاسراع في التعاقد مع لاعب يسد خانه الظهير الايمن وووووووووووووووووووووووووو..........................إلخ لكن هذا ماهو موضوعي ياشباب هذي فترة راحه للفريق يعود بعدها الركض لاثبات النفس وتثبيت الفريق في سلم الترتيب سوى في الدوري او في باقي المسابقات ولكن نحن الجماهير ليه ما كل واحد فينا يشوف اخطاءة وتكون هذي الفترة مثل ماهي تجديد لعناصر الفريق وتقويه لمراكزة ليكون قادر على المنافسة بين الكبار لازم هذي المرحلة تكون تجديد لنا كجماهير كل واحد يمسك ورقة وقلم ويحسب كم مباراة حضر كم تدريب للفريق حضر كم دعا للوقوف مع الفريق في اصعب ظروفه كم كتب موضوع او كتب رد يسيى للاعب من اللاعبيين كم مرة انتقد احد لاعبي الفريق وطالب بإبعادة كل واحد فينا عنده قائمة ردود في المنتدى لازم يدخل عليها ويشوف كممرة اخطاء في حق لاعب كم مرة قلل من احترام نجم من النجوم وانا ابدا بنفسي واعترف وماني خايفه من شي لاني اعرف(ان الاعتراف بالحق فضيلة) اني غلطة في حق اكثر من لاعب وفيه احيان ما اعطيت احدهم حقه من المديح والاطراء وكتبت ردود تنتقد وتتحدث في مثل هذي الامور وش صار خربت الدنيا مثل مايقول ابو فيصل طاح الحطب والحلوة الحياة خلونا نتغلب على خلافاتنا التافهة على المواضيع وخلونا نترك بصمة في خدمة الفريق يازعماء نصف الارض شوفوا الفرق بين النادي والمنتدى نادي الهلال هو اكثر نادي عربي يحقق الاحتراف فيه كل مايتمناه الاعب من ادارة واعية تتفهم حاجات كل لاعب إذا بحث عنها في اوقات الشدة وجد فيها الاب والاخ والمرشد والموجهة ولو بحث عنها في اوقات الفرح وجدها المساند والمبارك على الازجاز والمكافى على المجهود يازعماء لازم كل واحد فينا أخطى في حق لاعب في حق اداري في حق مدرب لكن هذا ماهو كرها في شخص احد لكن هو اقرب إلى ان يكون خوفا على مصلحة الفريق لكن ماتم ترجمتها بالطريقة الصحيحة فتخرج احيانا على شكل تحذير واحيانا على شكل انتقاد لازع واحيانا على شكل تلميح غير مباشر ياشعب مملكة الزعامة هذا ماهو منتدانا وحدنا كجمهور هذا منتدى الفريق ككل يدخله الجميع من دون استثناء الاداري الاعب المندس الصحفي الحاقد المحايد الباحث عن خبر معين اي احد ممكن يدخل المنتدى ونحن في هذي العطلة ماعندنا شي لازم نبحث عن مصلحه المنتدى وتكون فترة التوقف فترة لقلب الصفحات لازم نبحث عن اخطاءنا عن ردودنا عن طريقة تعبيرنا عن مشاعرنا في حال الفوز او التعادل او حتى الخسارة الفريق مقبل على موسم ممكن يتعرض لهذي الحالات الثلاثة ولازم كجماهير نعيد التفكير في حضورنا مساندتنا للفريق كل واحد يحل المشاكل إللي ممكن تحرمه من حضور مباريات الفريق 1)اي واحد عنده مشكلة مالية بالنسبة للتذاكر يحاول يجمع الفلس على الفلس القرش على القرش ويجمع مبلغ على الاقل يكفيه تذاكر لاكبر عدد من المباريات 2)اي واحد عنده فكرة للجماهير ويتمنى انها تتنفذ لا يبخل على الفريق يتكلم ويقول ولا يرده الا المنتدى وبإذن الله راح يجد من يوصل له فكرته واقترح فتح قسم لهذا الغرض 3)كل واحد لازم يبرمج يومه على اساس انه يكون منتهي من مشاويرة بعد العصر وايام المباريات 4)اي واحد عنده ظروف تمنعه يحاول يضغط على نفسه ويحاول على الاقل يحظر المباريات المهمة المهم يحظر ولو ماقد وقتها يكون معذور 5)اي واحد عنده فكرة تخلي الجمهور يتصدى لمشكلة امن الملعب بطريقة سلمية ومجربة لا يرده الا لسانه شفتوا المباريات الاخيرة شلون طلعت افكار المنتدى وصارت في الواقع وكلنا شفناها في المدرجات صحيح انها بداية لكن بداية ترفع الرأسs13s تخيلوا ياشباب جمهور الهلال يكون مثل جمهور مباراة ام صلال لكن المرة هذي والفريق فايز ببطولة:alzaeem: تخيلوا المنظر ياشباب نحتفل ببطولة وجمهورنا ولاعبيينا بكامل تألقهم والكل وقتها قام بدوره:ba::ba::ba::ba::ba::ba: خلونا نرتقي بهذا المنتدى ومثل مايتم حل مشاكل الفريق في النادي لازم على الاقل يتم حل مشاكل الجمهور والحضور الجماهيري والاحتقان في المنتديات من هنا من منتدى الزعيم كل واحد قبل لا يطلع يكتب اعتراف انه اخطاء في حق اي احد (فكل ابن ادم خطاء وخير الخطائيين التوابيين) خلونا ندخل الموسم الجديد بمنتدى خالي تماما من التعصب والاحتقان ولتكن الانطلاقه من منتدى الزعيم خلوا منتديات الاندية الاخرى هي إللي تقلدنا ماهو نحن نقلدهم عذرا على الاطالة وتداخل الافكار بالتوفيق لمملكة زعامة نصف الأرض:ba: أختكم: وسن الهلالية:smilie47: |
على كذا أغلب الجماهير .. لازم تعتذر للمفرج .. لأنه جاب لنا بطوله و مع ذلك طايحين فيه سب .. و ليس إنتقاد .. و إذا إنتقدنا التايب طبوا علينا يا مندس يا ما أدري وشو .. و الرسايل الخاصه عندي شوي وتمتلي .. سب علشان التايب ..!!! |
آخر شخص اعتذر له المفرج اذا جاب هدف بنهائي وهدفه جاب لنا البطولة فهو ضيع علينا اكثر من 15 بطولة السنة هذي الحمد لله حقق النادي 37 بطولة الـ 36 المعروفة والأخيرة ابتعاد المذكور |
انا اول من انتقد المفرج وبكل صراحه لكن انتقادي لمصلحة الفريق والحمدلله ماسبيته واذا فهد المفرج يشوف ردي اتمنى انه يسامحني وابيه يعرف اني والله احبه لاسباب كثيره اولاً خلقه وثانياً حبه للهلال وجمهوره مشكوره اختي على الموضوع الاكثر من رائع |
بصراحه موضوع جدااااا جميل وانا اعترف باخطائي والله يسامح الجميع |
الله يعافيك على الموضوع وإن شاء الله لاعبين الهلال مسامحين كل من غلط عليهم ... وإن شاء الله نبدأ نحن والزعيم في صفحة جديدة من الحب والمودة .... |
انا لم احضر هذا الموسم الا 6 مباريات بس بسبب عملي وبعد الرياض ايضااا لو مباريات الدوري نفس اول يوم الخميس والجمعه كان اخذت شقة بالرياض سنويا وكل وكند انزل الرياض بس تغير نظام الدوري علشان كذا حضوري قليل هالسنه |
اختي وسن مواضيع هادفة ورائعة وبصراحة لو عشنا في الجو الي تقولين عنه كان الهلال اخذ بطولة العالم مو بس اسيا لكن وين نلقى التسامح في ظل وجود عدد كبيييييير جدا من المندسين وانا من هنا اعتذر عن كل من اسات له من ادارة او لاعبين او حتى ان صدر مني خطألاحد الجماهير وبالنسبة لحضور المباريات وربي يشهد علي ان جميع مباراة في استاد الملك فهد او الملز الموسم هذا حضرتها الا يمكن مباراتين او ثلاثه لاني طالب في الرياض بس اهلي خارج الرياض وربي احيانا ما اروح لاهلي عشان احضر مباراة للهلال الزعيم يستاهل اكثر من كذا الله يعطيك العافية اختي وسن واتمنى ان مروري يكون حافز للي بعدي |
مشكووووووووووور الي لايستحق شعار الهلال سننتقده ولايمكن نرضى بالهلال الموسم القادم الا بوجود البرنس http://www.rofof.com/img2/6feato6.jpg |
والله كلام جميل جدا وانا اعترف ماحضرت الا تقريبا ست او سبع مبارايات لكن الموسم الجاي باحظر اكثر وانا عازم اني احضر عشر مباريات واتحمل السلبيات من الحضور . |
شجاعة منك ياوسن واعتراف بالخطأ وانتي تعرفين الخطأ اللي سويتيه في منتدى المنتخب اعترافك زاد من احترامك اخوك مفارق عزيز |
ألف شكر اختي صراحه موضوع بالصميم بـ الفعل مقصرين على الفريق وياليت الواحد يكون مع الزعيم في الرخاء والشده.!! والله يعينا على المندسين.!!:mad: وبالتوفيق للزعيم..:rose: |
كلنا اخطأنا لكن ليس من اجل الخطأ او التعمد لكن من حبنا لفريقنا وغيرتنا عليه الهلال ماهو ملك لاحد بعينه هو ملك لكل محبينه ومن حق كل واحد فينا يقول اللي يراه صح حتى لو كان غلط في نظر الاخرين يعني يوم نزلت موضوع بعد مباراه ام صلال وانا كنت زعلان وقتها اتذكر وقتها جتني ردود قويه انت مندس انت ماتحب الهلال مازعلت على اللي ردوا على مضوعي واتهموني لاني عارف نفسي زين وعارف حجم الهلال زين في قلبي لكن من حقي اقول اللي في خاطري يعني مانزلت الموضوع اللي من القهر والتخاذل اللي شفته من نجوم الفريق ... اذا فازوا خذا الثناء والمديح ومن حقهم واذا خسروا وهم باذلين جهد نقول لهم هارد لكم واذا خسروا وهم متخاذلين مستحيل اسكت وتعدي مرور الكرام مع اني اشوف هذا الموسم نجوم الفريق خذلونا باستثناء القليل وعلى رأسهم اسامه هوساوي فعلا صفقه ناجحه اشكر الامير عبد الله بن مساعد على هذا النجم هذا اللي اقدر اقوله تقبلي مروري :rose: يحميكي ربي |
الله يعين اجل نصف المنتدى يعتذر لنامي لان بصرااحه كلنا طايحين فيه ذم وتجريح وانا اطلب من كل واحد بالمنتدى غلطت عليه او كان ردي قاسي عليه انه يسامحني واللاعبين بعد المخطئ ننتقده لمصلحته موعلشان اننا نكرهه لاننا نختلف وفي الاخير نتفق على حب الزعيم الف شكر لك اخت وسن والله ابدعتي تسلم الانامل اللي كتبت هالموضوع اخوكم: ابو جروح |
إقتباس:
فأنا أنتقد التايب الآن .. و قد إنتقدت ياسر .. و انتقدت الشلهوب و عزيز و غيرهم و لكن دائما أحط مصلحة الهلال أمام عيني .. بعكس الكثير الي يحط مصلحة لاعب أمامه ..!!! و كل واحد له وجهت نظر .. و أنا في وجهة نظري لن يأتي لاعب مثل المفرج .. لا في إخلاصه و لا في تفانيه و لا في روحه .. فألف شكر للمفرج على كل ما عمله مع الهلال .. و أعتذر بالنيابه عن المتكبرين الذين لا يريدون أن يعتذروا لك و الذين أخطأوا عليك و بشكل كبير .. مع إن الإعتذار بالخطأ من شيم الرجال .. |
| الوقت المعتمد في المنتدى بتوقيت جرينتش +3.
الوقت الان » 04:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd