كلامك صحيح

وهو عين العقل

:yes:

مساك الله بالخير أخوي وأين عايش منتدى بإشتراك ياشيييييييييييييييخ أتمنى بأن لا تعيدها وتكتب مثل هذه المواضيع تفشلنا عن العالم يقول أبلشو ماعندهم فلوس ياخوي أرجوك لا تخلينا مسخره للعالم مشكوررررررررررين على هذا الموضوع

الفكره حلوهـ جداً

بس بعض الاعضاء يشتكون من ارتفاع القيمه

يعني لو تكون 150 او 100 ريال سعر في متناول الجميع اعتقد ^ـ

الى متى وحنا ندفـع ... حتى بالموقع ندفـع .... والمستفيد سووول وشرواه

اقول لا يكثر بس اخر زمن منتدى بإلاشتراك امحق

بس ما تحس انها كثيره فيه ناس ما تقدر انا وانت وهذا وذاك بيقدرون بس فيه ناس مو قادره تدفع ولا تقووول كيف دخل النت فيه ناس انا اعرفهم شخصياً يعانون من رواتبهم لان النت اكلهم وانت عارف النت صار ضروري في كل بيت

ولا نبي نكثر على الجمهووووور كذا بينقص دخووولهم المنتدى


وجهة نظر

انا مؤيدك وبقوووووة


مشكور والله

اقول اسكت انت وافكارك البايخه انا اول واحد يفارق المنتدى سلامات منتدى بفلوس


وبعدين مزعجنا انا راتبي 2500

اما انك بزر ومتوضف

او انك عقليه تعبانه وراك زواج ...


في الاخير انت شايف الهلال مادته ضعيفه او انك رحم موبايلي تدفع 100مليون واحنا ماندفع
ههههههههههههههههههههههه كثير من الموجدين طلاب مدارس جامعات ههههههههههههههههههههه

وانا منهم استطيع ادفع لاكن لن ادفع

اذا كان هذا المبلغ فــ حلو لكن 1000 احسها صعبه
عوافي اخوي

مثل هالشغلات يبيلها دراسة، سالفة أن فيه عشرات الآلوف عندها استعداد تدفع شغلة غير واقعية، أنت ما تعرف أي شريحة ديموغرافية هي الأكبر من بين أعضاء المنتدى، وحتى لو عرفنا فعلى أي أساس تم الافتراض أن الأعضاء النشطين يتجاوزون الثلاثين ألف عضو، علماً أن متوسط زوار المنتدى ما يتجاوز العشر آلاف في أفضل الأحوال؟ (أقول الزوار، ومو اللي يشاركون بانتظام)

والمشكلة أن البعض يحسب أنه إذا "رخّص" سعر الاشتراك العالم بتجيه، والنادي بيكسب مليونين ونص. أولاً عمر الناس ما اشترت أي شيء لأنه "رخيص"، وإلا على كذا ما قاموا يفاضلون بين سلعتين أو خدمتين بنفس القيمة. وحتى لو اشتركوا الناس أول شهر، وش يضمن لك أنهم بيجددون بقية الشهور؟ وش المزايا اللي ممكن يوفرها الاشتراك في المنتدى؟

إذا بخصوص الكتابة، فأغلب المشتركين في الموقع ما يكتبون، وحتى اللي يكتبون مو بهالنشاط. وإذا كانت على قراءة الأخبار، أو مشاهدة المقاطع، أو غيره فيه فيا كثر المواقع اللي كذا.

قبل كم سنة "سعودي نت" حاولت "تشفر" بعض المواقع الأكثر شعبية، وعدم السماح بدخولها إلا باشتراك، مقابل دعم هالمواقع مادياً ... بعد كم شهر فشلت الفكرة!

هالشغلات مو بهالسهولة اللي متصورينها، والنادي مدعوم مادياً وبقوة (وهذا حاجز آخر ممكن يمنع الناس من الاشتراك)، وفوق هذا الفكرة غير واقعية وغير عملية، وأرجو مرة ثانية ما نقعد نتعامل مع مثل هالمواضيع وكأننا في سوق حمام ونجيب الآلة الحاسبة ونعطيها حسبة بدو ونقول "36 مليون يا بلاش" ... !

لو تكون كل يوم ريال ..الله يوفق الهلال

،،،
لا أخوي أنا طالب جامعي في سكن الطلاب والجامعة موفرة نت!!
،،،
يعني افهمها ولا تستعجل مرة تانية