|
هــكذا يصــبح الهـلال نـار..؟!! السلام عليكم ورحمة الله وبركاته بعد متابعة جميع مباريات الهلال هذا الموسم والموسم الماضي حتى الوديات................ اقول والله على ما اقول شهيد.. الهلال عنده نقص في الخانات التالية.. الظهير الايمن قلب دفاع ايسر جناح ايمن مهاجم يمتاز بالسرعه القصوى متى ماتم علاج هذه الخانات لن يقف ضد الهلال اي فريق اسيوي انا لن اتكلم عن الاجانب ولا عن اللاعبين المحليين لكن اتكلم عن الخانات المهمة والضروية واللي هي في حاجة ماسه لدعم من ادارة الهلال اذا ارادت فريق لايقهر.. فالظهير الايمن لايوجد الا نامي وهو لاعب مجتهد لكن ليس اساسي للفريق يطمح في كاس اسيا بل يجب دعم هذه الخانة بلاعبين وليس لاعب واحد. قلب دفاع ايسر لايوجد الا المرشدي بعد اعتزال المفرج من يلعب اذا نزل مستوى المرشدي او انطرد او اصيب مشكلة لابد لها من حل.مع العلم بأن خيرات في هذه الخانة ليس بمتمكن مثل تمكنه في خانة هوساوي والدليل هدف ريان بلال فالنهائي البائس لذلك لايوجد قلب ايسر بديل للمرشدي..؟!! جناح ايمن لايوجد جناح ايمن يعتمد عليه في خطة 244 فالجناح في هذه الخطة يعتمد عليه في صناعة اللعب وايقاف ظهير الخصم ولابد ان يكون ذو لياقة عالية واختراق السريع وأوفرات متقنه ودخول للعمق للتسديد ايضا. فلابد من دعم الفريق بجناح رائع. مهاجم لايوجد فالهلال مهاجم سريع يكسر التسلل ويقلق الخصم بسرعته فالسرعه عدو لدود للمدافعين خاصة في اسيا والدلائل مالك معاذ ........سرعه اجبرت اليابان على التوقف. ناصر الشمراني .........سرعه جعلته هداف الدوري. الراهب..........سرعه اوصلته للمنتخب .وأفادت الاهلي فالخليجيه. برنس تاقو.....سرعه جعلته يطلب راتب 1000000 كالون........سرعه جعلته مهاجم خرافي يتمناه كل نادي. كيتا...........سرعه جعلت الاتحاد يفوز بأقل مجهود. بالله عليكم هل مر على الهلال مهاجم سريع مثل ماذكرت سابقا لا اذكر الاسيرجو ومعه كانت الانجازات تتوالى. ياسر...عيسى...الصوويلح...العنبر مهاجمين قريبين من بعض يمتازون بالتهديف والذكاء والمهاره داخل الصندوق لكن ماعندهم الاختراق السريع والانطلاق الى المرمى بالسرعه القصوى لذلك نحن بحاجه الا مهاجم سررررررررررررررررررريع بررررق يلعب جنب احد مهاجمينا .. اخيرا...زبدة الكلام.. اتمنى التعاقد في المرحلة الاولى مع رادوي ونيفيز وويلي ومحمد مسعد واحمد الدوخي وماجد العمري او ماجد بلال و اسماعيل مطر.. والمرحلة الثانية يبقى الأفضل ويبعد الأقل مستوى واتوقع مهاجم عالمي بديل لويلي وجناح اسيوي بديل لأسماعيل مطر واذا تم التعاقد مع الاسماء السابقه في ظل وجود هذا المدرب الداهية ياويل الفرق من الهلال وتقبلوا تحياتي |
كلآمك رآئع دمت كمآ أنت |
كلام كبير وياليت الكل يقراه |
إن شاءالله يجلس طارق التائب هذا أهم شئ لانه أفضل من ويلي هامسون اللي تغير مستواه مع الحر وتغير مستواه مع المدرب لكن طارق ماتغير لا بالحر ولا مع المدربين ولو تبي مهاجم سريع في لاعب في قطر اسمه فاييه ياريت الهلال يجيبونه ولو تبي جناح يمين عندك الكلثم والفريدي كلهم مبدعين في الوسط اليمين وقلب دفاع موجود حسن خيرات واعتقد إنه في محترف جديد بيجيبونه وإن شاءالله يعطون فرصة للاعبين الأولمبي لأنهم مشاءالله عليهم مستواهم حلو لكن يبون فرصة عشان يثبتون وجودهم وبالتوفيق للهلال |
بارك الله فيك اختلف معك فقط في محمد مسعد هذا لاعب بارد جداً وروحه انهزاميه استغرب والله من بعض الجمهور المطالبه فيه |
معليش اخوي بس ممكن تفسر لنا على اي اساس قسمت حاجة الفريق الى مرحلتين لاني اتفقت معك مبدئيا بحاجتنا لمهاجم سريع لكن شفتك اجلت احضاره الى المرحله الثانيه ؟؟؟ |
يعكيط العافيه بس مكان نامي صحيح عله مطاوله .. اما المهاجمين صدقني الموجودين مع نيفز قوة ضاربه .. الدفاع صحيح معك بس في خيرات .. اما الجناح لا تعليق |
ويلي جاء الصيف ولعب فيه الشمراني مانبيه |
ياسر...عيسى...الصوويلح...العنبر مهاجمين قريبين من بعض يمتازون بالتهديف والذكاء والمهاره داخل الصندوق ذكاء ومهاره وين احناااااااااا لو ماعندي عيون تشوف كان صدقتك مافيهم الا ياسر وما هو سريع ام الباقي يفتح الله |
الله يعطيك العافية كلام درر بس أعيب عليك في نقطة إلا وهي أحمد الدوخي أتمنى بأن لايلطوا زي عوايدهم ويجيبونه كفنا لاعبين فاشلين اللي عندنا مكفينا |
مشكور على طرح الموضوع ولكن... ليش مايكون الظهير اليمين الدوخي & الجناح اليمين نيفيز & مهاجم ثاني اسماعيل مطر & في ظل وجود طارق التايب ورادوي... يعني ممكن تكون وجهة نظري صح او غلط... |
الادارة الحين شغالة على الفريق لاتخاف سيعود الزعيم اقوى مم كان |
إقتباس:
شكرا مرورك وسام........ وتعقيبك شرف.. |
إقتباس:
شكرا اخي حتى انا اتمنى من يهمه الامر يقراه............؟؟!! |
إقتباس:
اولا لابد ان نستوعب ان التايب موقوف لذلك التوقيع معه الفتره الاولى اجحاف بحق الزعيم ثانيا التايب كثير الاصابات والاستعراض ثالثا التايب العام القادم عمره 34 عام رابعا التايب معه الله ماوفق الهلال وهو ماتوفق خاصة فالمباريات الحاسمه خامسا التايب لعب للهلال ثلاث مواسم لم نستطيع الوصول الى كاس اسيا سادسا التايب نجم بلامنازع لكن تأكدنا ان الهلال معه لن يصل لمرادنا وشكرا. ....................................................................................... اما الجناح الايمن الكلثم ليس الجناح اللي يصنع اهداف لا اوفرات ولا ارضيات لكن سريع مهاري صح ,, اما الفريدي يصلح عمق فقط لأنه بطي وبارد والجناح يحتاج طيراااااااااان واوفرات واختراقات.. لكن الكلثم والفريدي نجوم يفيدون الهلال في فترات معينه اثناء المباراه لكن ليسو اساسيين...؟! ............................................................................................. اخيا تقبل شكري واحترامي |
| الوقت المعتمد في المنتدى بتوقيت جرينتش +3.
الوقت الان » 07:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd