كلام جميل.... لكن شي طبيعي انك تسمع تعاقدات وتنسيق وهذي فيها فايده للنادي

وبعد تشويش على المندسين .

يعطيك العافيه اخووي</B>


يعطيك العافيه اخووي</B>

يعطيك العافيه اخووي</B>

يا خوي الناس طفشانه بدال ماتروح تذاكر

فالحين بالمواضيع هاذي ياناس خلو الإداره تشتغل بكيفها...

أقسم بالله ثقتي في سمو الأمير وأعضاء الشرف كبييييييره

بالتوفيق للهلال مع صفقات ممتازه

بالعكس، أنا ضد المطالبة بإسكات أي نقد أو اعتراض (خصوصاً في هالفترة بعد ما انتهينا من المسابقات).

إذا فيه واحد معترض على شغلة أو يطالب بإستقالة الإدارة، فيه عشرة غيره رأيهم يختلف معه ويقدرون يبينون له ليه هو غلطان.

وإذا كان الخوف من أن أحد أعضاء الإدارة ممكن يدخل ويتأثر بمثل هالكلام، أو أحد اللعيبة، ولازم نداريهم كأنهم مبزرة، ولا كأنهم يقرؤون مثل هالكلام في الصحف وغيره من المواقع، أو يشوفونه ويسمعونه في القنوات والمحطات الإذاعية أو حتى في مجالسهم (حتى العائلية منها) ... فلا يخوضون غمار شيء هم مو قده!

ومثل ما الإدارة مستعدة تتقبل أنواع المديح والتطبيل وقت النصر، فعليها أن تستعد للانتقادات في حال الهزيمة، وحنا شفنا شلون أن "مداراة" اللعيبة وسالفة "ارفعوا معنوياتهم" ما نفعت أبداً هالموسم!

وفي نهاية الأمر، المنتدى هذا تحديداً، من بين كل المنتديات أو أي نافذة إعلامية أخرى، هو المقياس الحقيقي لآداء الإدارات والفريق، واللي من خلاله تقدر تجس الشارع وتشوف مدى رضا جماهيرها عنها.

والمقارنة بالنصر جائرة، لأن جماهير ذاك النادي (وعلى عكس اللي تقوله) تقعد تحضر وتطبل وتتباكى على العالمية المفقودة، بدون ما فعلاً تواجه إداراتها بشكل حقيقي (أتكلم عن الفترات الماضية قبل هالموسم).

وفي النهاية، نادي له ما يقارب الخمسين سنة، برجالاته وبطولاته ولعيبته المسطورة أساميهم في التاريخ، تقوم عليه إدارة بلغت بها الهشاشة مبلغاً لدرجة أن كلمات "أشباح" على الشبكة ممكن تؤذيها ما تستاهل أنها تدير النادي في المقام الأول!

من جد كلام منطقي


تسلم يالغالي

كلامك سليم والله بس من تشوف اشاعه كتبوها الناس
وتروج احنا مانبي الا من اداره الاخبار بس

الدوري انتهى والمسابقات كلها انتهت هالموسم ، والجرايد لازم تعبي ملحقاتها الرياضية ، اشاعات الصيف هذي من سنين واحنا نقرأها وللأسف أغلب اللي يتفاعل معها ويشيل همها اللي أعمارهم ماتتعدى الـ 18 سنة ....

الادارة فيها رجال حكماء ما يتأثرون في بكائيات الانترنت ولا اشاعات الصحافة ، رجال الهلال خبرتهم في العمل الرياضي سنوات سواء في الادارة او كأعضاء شرف ، والحمد لله لما نشوف اعضاء شرف مثل الامير بندر بن محمد والامير عبدالله بن مساعد وابناء الامير محمد بن عبدالله بن عبدالرحمن نتطمن ان الهلال يمشي ثابت في مساره الطبيعي وأي هزة راح تكون هي الاستثناء

انتوا شوفوا الاندية الثانية صارت تدير ناديها مثل الهلال سواء في عضوية الشرف او التعاقدات او الفكر وغيره ... بس الى الان ما وصلوا لمرحلة احتراف الهلاليين ....

الهلاليين ناس بروفشنال تطمنواا