اشكر كل من شاركو بالموضوع سواء اتفقو معي او خالفوني (اختلاف الرأي لايفسد للود قضيه:s2:)

اما بالنسبه للي يقول امتلاك بطاقة طارق لاا يمكن لانه كبير بالسن ....

انت امتلك بطاقة الاعب الي كبير بالسن وشف كم تبي تحصل من وراه فايده هذا بحالة المدرب مايبيه واعرته...

والي قال اني اعشق الهلال فقط ,,,,,تر قسم بالله والله العظيم ما سئلتك انا من تحب اكثر طارق ولا الهلال لاني لو سئلت هالسؤال تذكرت ايام الطفوله ( ايهم اسرع سيارة ابوي ولا ابوك).

اما الي قال..... انا مع عدم التجديد لطارق اقوله رايك على عيني وراسي وحريه الرأي من حقك كما هي من حقي


اكرر وجهة نظري لتوضييح:

اذا المدرب ما يحتاج التايب يعار من قبل النادي ويصبح طارق يلعب لاحد الانديه بإعاره من نادي الهلال تحسب لأي ظرف ممكن ان ياتي مستقبلا (من فصخ فنيله للمدرب مثلا..... من عدم اجادة المدرب للبس الزي السعودي .... او جاك نادي اوربي ودفع مبلغ خيالي للمدرب واعطا الهلال اشكل ... او بكل بساطه ماوفقه الله مع الهلال) وبهذه الحالات تكون الاداره ماتسرعت.

وين الي يفهم بس


بالله فيه احد عاقل وفاهم كورة يستغني عن البرنس طارق


والله هذا جنوووووون


لالالالالالالالالالالالا


لرحيل طارق الفن والابداع

معجزة الكرة

أنا معك في اللي تقوله، بس بنفس الوقت ما ألوم اللي يصنف بعض الجماهير بأنها جمهور "لاعب".

وبالعكس، في رأيي مو كل من طالب بالاحتفاظ بالتايب يبغاه بالضرورة لأنه "يعطيك إياها كعابي"، وذولا في رأيي مو جماهير لاعب، يعني مثلاً "أبو مايكل النجدي" مع أني أختلف معه في مدى حاجة النادي للتايب، ما أشوفه من "جمهور اللعيبة".

لو سألتني من هي هالجماهير، أقول لك هي اللي إذا قلت لها "ما نبغى التايب" قالت لك:

- ويل للعرب من شر قد اقترب، إن الإدارة تريد التخلي عن خدمات البرنس!
- التخلي عن التايب زيه زي لما تتخلى السعودية عن البترول!
- والله بننزل للدرجة الأولى إن راح التايب!
- والله ما راح أشجع النادي إن راح التايب!
- لا تعطوني احصائيات عن مدى نفعه للنادي هالموسم، يكفي أنه يمتعنا!

ذي من دون جدال جماهير لاعب، اللي تقعد تتوعد بالويل والثبور إن راح التايب، وكأنه اللاعب الوحيد في العالم اللي عنده الحل (واللي بصراحة ما شفناه هالموسم!).

وبخصوص مقارنتك حالة ذولا بمسألة الجماهير الآسيوية اللي بدت تشجع مانتشستر يونايتد لأن بارك يلعب هناك، فصدقت ... لكن مو للغاية اللي أنت تقصدها!

ذولا الجماهير يسمونهم في انجلترا Glory Hunters، يعني مع الفايز بغض النظر مين ما يكون، وأغلب جماهير الأندية الأوروبية تصنف كـ "صياد مجد"، فعشان كذا تحصل أن فيه ناس تشجع "مانتشستر يونايتد" و "ليفربول" و "تشلسي" و "آرسنال" لكن ما تشوفها تشجع "إفرتون" و "آستون فيلا" و "توتنهام" مع أنها فرق محترمة!

وبخصوص "الصرامة"، فأنا ضدك ... سالفة "مداراة" اللعيبة ذي ما تنفع أبداً، وإن كنت بأستشهد بأحد فراح أستشهد بـ "فيرغسن" اللي ذكرته.

لاحظ علاقته بـ "بيكام" آخر أيامه، علماً أن بيكام من أبناء النادي اللي تخرجوا من الدرجات السنية الصغرى، لما أصيب بيكام من اللي بدأ يلعب بخانته؟ سولسكيار، وبعدها بدا بيكام يتدلع لين ما طلعوا من كأس الاتحاد الإنجليزي في ذيك السنة وصارت سالفة "الجزمة" وأنتم بكرامة اللي رماها فيرغسن على وجه بيكام.

الناس قعدت تقول "والله بنندم، ما فيه غيره، ما فيه!" راح فيرغسن جاب بزر من البرتغال، وعطاه رقم بيكام، وحالياً هالولد هو أفضل لاعب في العالم!

نفس الشيء مع "مارك هيوز" مدرب مانتشستر سيتي الحالي، مع أنه في وقته كان صاحب أغلى عقد في انجلترا، لكن لما بدا يبرز "كانتونا" قام فيرغسن بالتخلي عن مارك بكل سهولة.

ومرة أخرى، "روي كين"، وحالياً "تيفيز" مع أنه أفضل من "بيرباتوف" مليون مرة.

هل كل هالشغلات منعت مانتشستر من الحصول على لقب أوروبا الموسم الماضي؟ الرديف هذا الموسم؟

خلونا واقعيين، اللي يبي يطالب بالتايب له كل الحق في المطالبة به، لكن مو بالتهديد والتوعد بالويل والثبور وكأن هالأرض ما مشى عليها غير التايب!