04/06/2009, 02:27 PM
|
 | زعيــم فعــال | | تاريخ التسجيل: 01/08/2007
مشاركات: 499
| |
|
بعد الطوفان ..نهدأ قليلا لترتيب الأوراق..دعوه لنقاش
أنتهى موسم بنظري أنه أفشل موسم للهلال من فترة ليست بالقصيره حتى وأن الهلال هو بطل كأس ولي العهد.. الهلال للأسف ضاع من خمس سنوات وبالتحديد من يوم جاء باكيتا .. كل كلامي وموضوعي اللي بكتبه الحين هو أمتداد لمقال كاتب الزعيم الأول الكاتب والناقد الكبير صالح السليمان بالفعل يأستاذنا الكبير أنت رشيت الملح ع الجرح واللي زاد الطين بله أن الكل صار هو المحلل والفاهم الرياضي وبمجرد ماتقول رأيك تهب عليك عاصفه بأن الكورة تغيرت نعم الكوره تغيرت للأفضل وليس مايفعله هلال هذا الزمن أذكر قبل 15سنه يوم كان الهلال يفوز بالثلاثه وكان الجمهور زعلان ليه لأن الهلال اللي عرفناه واللي حبب الجمهور فيه لعبه هجومي كان دفاعات الهلال سيئه من بعد اعتزال الأسطورة صالح النعيمه ولوتلاحظون أن أظهرة الهلال بالتحديد بذلك الوقت كانوا سيئين نوعا ما من ناحية الدفاع بداية من الدوخي والنزهان وخالد الرشيد وبندر المطيري وحتى محمد لطف وكانوا العكس من ناحية الهجوم يالله ياهلال زمان من بعد ماراح الدوخي عجز الهلال عن سد مكانك مع ان الهلال هو اللي يبرز النجوم لكن وين التخطيط السليم خالد الرشيد ذاك النجم الكبير اللي كان احتياطه الكابتن الكبير حسين عبدالغني أصبح مكانه عبدالله الزوري اللي أول مره اشوف ظهير وماعنده كنترول وين شباب الهلال اللي كل سنه أن ماحققوا بطولة الدوري ينافسون عليها بكل قوه؟؟؟؟؟ هل يعقل الهلال الزعيم الآسيوي ماعنده احتياط لمحمد نامي اللي من وجهة نظري أنه لاعب مجتهد بحكم أنه يلعب بمركز ليس بمركزه؟؟؟؟ أنا مادري هل هو عيوب بلاعبين جيدين مثل سلطان البيشي ومحمد الجيزاني اللي لواتاحت لهم الفرصه مثل مأوتيحت لحسن معاذ وشهيل اللي تطالبون فيهم أنهم ليبدعون؟؟؟ ام العيب بالنادي نفسه والقائمين على الأجهزه الفنيه؟؟؟ ورجاء اللي بيرد ويقول هذا عصر الأحتراف أوفر عليه من اللحين واقوله بالله تسمي الاحتراف اللي عندنا احتراف لأني وأن سميته احتراف باسميه بالاعرج ومادام أن احترافنا اعرج فالافضل أننا نستد على لاعبينا الشباب ونحمسهم ونشجعهم أكثر عشان يقدرون يشيلونا ويشيلون عننا بعض الأحلام اللي للأسف ضاعت بأقدام لاعبين البعض منهم ماتهمهم الا الماده والشهره بأرتداء شعار الزعيم ياهولاء شعار الزعيم غالي وغالي جدا ورب الكون فيه لعيبه شباب يحترقون عشان يلعبون بالفريق الأول وين سلطان البيشي وين محمد الجيزاني وين خيرات والقرني وراقي فلاته وعبدالكريم القحطاني ونواف العابد ووووووو اذا ماجتهم الفرصه الموسم القادم متى بتجيهم كيف شعورهم وجمهور الزعيم يطالب بنص لاعبي الفرق الأخرى اللي للأسف على كثر الملايين اللي صرفت لهم لم نستفد منهم بقدر الماده التي دفعت لجلبهم أتمنى اليوم اللي يجي فيه أن الهلال ترجع له عافيته ويلعب لعب نستمتع فيه حتى لوماحقق بطولات ع الاقل أذا خرجنا من بطوله نقول ان الفريق سوا اللي عليه مو يكون سيء ويحقق بطوله مالها طعم .. أما المدرب فلي رأي فيه ووجهة نظر أتمنى أنها ماتزعل أحد من الجمهور العزيز.. لهلال مثل البرازيل حتى لو الهلال مالعب بمدرب يبقى هو الهلال .. يعني مثلا كوزمين كان مدرب جيد بالتغييرات والصرامه بالتدريب وش الجديد اللي سواه بالفريق لاشيء يعني ماغير طريقة اللعب ولاغير من الأسلوب اللي الهلال ماشيء عليه من خمس سنوات ونجح كوزمين وحبيناه بأسلوب الهلال اللي من اول.. بس خوفي من المدرب الجديد اللي كل ماقنا عساه خير رجعنا لسواليف مالها داعي مثل أنه بيجيب معه مدافع وأنا أحط على كلمة مدافع ثلاثين خط خاصة انه قلب دفاع .. أسامه هوساوي أفضل لاعب هلالي الموسم المنصرم.. ماجد المرشدي لاعب أكثر من ممتاز وأفضل لاعب بدورة الخليج.. واحتياطهم المدافع الأنيق حسن خيرات فليه التعاقد مع لاعب عمره 31 سنه بمبلغ باهظ وماندري يمكن ينجح ويمكن لا فوق هذا أن الهلال مايحتاج مدافع .. حبيت ابين هالنقاط مع انه فيه كثير من الكلام ودي اقوله ولكن من باب التخفيف وانا من الناس اللي مايحب بالمقام الأول أنه ماتوصل الفكره اللي ودي اوصلها للأداره اولا ولجمهورنا العزيز أحترم الرأي والرأي الأخر ولكن اللي بيرد لاتعليق وكلام ماله داعي لايرد من هاللحين أمنيـــــات *أتمنى رجوع عادل البطي لأدارة الفريق وأسناد مهمة الأشراف على الفريق للكابتن سامي الجابر ليس لأنه لم ينجح ولكن لحبنا الكبير لسامي نريد له ولهلالنا الأفضل..مع كامل ثقتي بأسطورتنا. *أتمنى أنضمام الكابتن فيصل أبوأثنين للأدارة لما يحمله هذا الرجل الوفي والمخلص الحب للكيان الكبير. *أتمنى أعطاء أكبر عدد فرصة الظهور ونثر الأبداعات للنجوم الشابه ويكفي أن الشلهوب هو آخر خريج مدرسة الهلال. *أتمنى أعطاء بعض اللاعبين تصريح مرور لتوديع النادي لنهاية صلاحيتهم الفنيه ..مع كامل شكرنا وتقديرنا لهم. *أتمنى المشاركة بكأس الأمير فيصل بلاعبين أقل من 23سنه لكي تشاهدهم الجماهير الذين يطالبون بلاعبين يصعب أحضارهم للفريق. *أتمنى رجوع أسطورة القرن يوسف الثنيان لأرتداء شعار الهلال الموسم المقبل <--والله تبطي عظم وأخيرا أتمنى أني وصلت فكرتي بشكل جيد ..وأن أخطأت فمن نفسي والشيطان وأن أصبت فهذا توفيق من الله |
الوضع المتطور
