|
انـتـم تـتـحـمـلـون جـزء كـبـيـر مـن الاخـفـاق... بـكـل صـراحـه حيـــــــــاكم الموسم انتهى بخيره وشره والكل قاعد يناقش ويستعرض السلبيات والايجابيات من كل الجوانب والاغلبيه ( غاضبة ).. والقليل فقط مبسوطين وانا واحد غاضب من عرض الغاضبين... ما اكذب عليكم كنت اتمنى الدوري.. وآسيا لكن.... قدّر الله وماشاء فعل اترك أشغالي.. واطنش المناسبات العائلية... واروح للملعب في اصعب الظروف علشان اقوم بواجبي وأدعم الفريق... بصرف النظر عن أي شي آخر ظروف صعبة واجهتنا بكل صراحة في مباراتي النصر والشباب ( الاياب في كاس الملك ) كان الجو غبار ومع ذلك صمدنا ( كجمهور عاشق ) وماغادرنا الملعب بحثاً عن المكيّف وبيالة الشاهي و ( صدمنا ) في النهاية بـ( حماقة عزيز ) اللي ضيّعت الدوري و ( كروت ياسر ) اللي ضيّعت كاس الملك و ( بلنتي عيون التايب ) اللي ضيّع الآسيوية أغلب النجوم ( خذلونا ) في مراحل الحسم.. لا جدال في ذلك اليوم الصباح ( الخميس ) كنت في اتصال هاتفي مع صحفي هلالي شهير وكبير يكاد يكون الاشهر على الاطلاق قال لي بالحرف الواحد : من اسباب فشل الهلال هذا الموسم هو انتم يا اعضاء منتدى الزعيم.. بكل اسف بصرف النظر عن كل الاحداث الخارجية اللي صارت اغلب اعضاء المنتدى في طرحهم لايدعمون الفريق... بل تطبيل لبعض اللاعبين وبكل وضوح... نص مواضيعكم عن ياسر والنص الثاني عن التايب قليل جدا تلقى احد يتكلم او يناقش اوضاع الفريق بصورة عامة وهذا من اهم اسباب اخفاقات الفريق في نظري... عدم توازن الدعم الجماهيري انتهى كلامه وانا معه 100% فيما قال الموسم راح وانتهى بخيره وشره مثل ماقلنا الكلام على الموسم القادم... اذا نبي ننجح لازم نستفيد من اخطائنا ماودي أطيل عليكم.. لكن الرجل طلب مني اوصّل لكم كلامه اعتقد الفكره وصلت والمغزى واضح |
والله يالصخره قلناه مليون مره هالكلام بس محد يبي يسمع وأتمنى أن يقرأ الأعضاء مقال سامي الجابر الأخير وما قاله عن الإخفاق عواااافي |
بالتأكيد المغزى مفهوم وواضح .. تعبنا وحضرنا وبالاخير هنا تجي تبي تكتب اللي يفيد الكيان وتحصل مواضيع أحيانا تطلعك من جوك .. يعطيك العافيه . |
.. آيه وآلله آنك صآدق .. والمشكلـه الموسم خلـص ولين الحين فيه تطبيـل .. :s2: المشكله كل التطبيل لـ يآسر و التآيب ..؟ آقـول " الصخـره " وش رآيك نطـبّل لـ نآمي ..؟ :s2: يعـطيك العآفيه ع المـوضوع يآبعدي .. :rose: |
هلا والله اخوي الصخرة كلامك وكلام الصحفي كله صح ياسر تطبيل طارق تطبيل باقي اللاعبيين انتقاد واستهزاء>>>>>>>>>وتوبونهم يلعبون صح لازم نراجع حساباتنا كجماهير التطبيل للكل مثل ما النقد يكون للكل يعني المدح والتطبيل للاعب دون غيره لابد ان يتوقف ونفس الشي بالنسبه للاخفاقات |
،، ،، كلامك صحيح يا فهـد ولاهنت على موضوعك الجميل :rose: مشكلتنا أن عندنا جمهور يطبل اللاعب الواحد .. وكأننا في عصر الثمانيات عندما كان اللاعب المميز هو الذي يفعل كل شيء كرة القدم .. لعبة جماعية .. الكل يتحمل الخسارة .. والكل نشيد بمستواهم عند الفوز .. المشكلة أصبح كثير من رواد هذا المنتدى مدافعين لهذا النجم .. ولا يرضى أي أحد ينتقدهم .. وكأنهم ملاكئة لا يخطئون .. |
إقتباس:
|
قسم انك صادق بكل كلمة قلتها وليتهم كانو قد التطبيل ليتهم قدرو تصفيقنا وتشجيعنا لهم بل خذلونا واتمنى ان نراجع حساباتنا نحن كجمهور اتمنى ان يصل كلامك لجميع الجمهور |
... عوافي يا الغالي ... للاسف المندسين بالمنتدى كثير ويعرفون كيف يدسون السم بالعسل |
هلا بالصخره شف يالغالي لاتذكرني باللي للحين مأثر علي آخلاقي صايره زفت من بعد مباراة ام صلال حتى خوياي تغيرت عليهم انت تطنش عزايم وجمعات لكن ماطنشت اختبارات ودوامات وجمعات وعزايم احمد ربك انك من اهل الرياض انا بآخر مباراتين احضر المباراه وعلى طول وينك ياحايل السريع تعب+ارهاق+دوام+غبنه:ranting::ranting: ياحظكم يااهل الرياض بس:smilie47::smilie47: الله يجيبك يالوضيفه بالرياض:smilie47::smilie47: ............................................... اما بخصووص الصفحي فأنا عرفته:yes: سلم لي عليه البطلs13s وكلامه صحيح وعجزت وانا اتهاوش مع هالآعضاء ياكثرهم واغلبيتهم مع الخيل ياشقراء مدحوا مدحنا , سبوا سبينا وعلى هالموآآل وبعض الاعضاء الله يهديهم قبل المباريات يالله انا رايح للملعب وانا بالملعب من الضهر و..و...و وتجي تلقى الملعب فاضي:s3s: مدري ليش الكذب بأتفه الامور تحياتي مستر روك |
هذا اللي يقهرك يا اخوي الصخره مجرد ترفيع في النجوم اللي بالفريق وكل المواضيع عنهمـ وأعتقد ان المشكله هذي مالهآ حل إطلاقا جمهور الاعبين تلاقيه بعد المباراه يرفع في لاعبه المفضل شفتوه وش سوا شفتوا كيف سجل هدف شفتوا وشفتوا أخخخخخخ يالقهرر |
كمآ ذكرت آلجمهور يتحمل آخفآقآآت آلفريق .. ولآيوجد آحد ينصف آي لآعب .. فآ كل آلموآضيع تتحدث .. عن يآسر و آلتآآيب .. ونتمنى آن تنآقش آلموضييع عن آلموسم آلقآآدم .. وبي كل حيآآديه .. آلصخرهـ :rose::rose::rose::rose::rose: الله يعآفيكـ على طرحكـ .. مودتى .."{ :rose: :smilie47: |
. عوااااااافي فهد ع الموضوع ,, وتقريباً عرفنا من هو الصحفي ,, وأعتقد إن كلامه سليم ومنطقي جداً ,, وبصراحة إننا مقصرين في الحضور ,, صحيح إن فيه تطبيل لبعض اللاعبين ,, لكن مع كذا الحضور فيه ضعف واضح ,, ولو كان فيه تطبيل لبعض اللاعبين ,, فهو يعتبر " أحياناً " نوعاً من التشجيع ,, ولكن هنا التطبيل يعني " اللاعب فوق النقد " ,, والمشكلة الأكبر إن الأعضاء " المطبلين " ,, قبل أي مباراة " أنا رايح للملعب ومعي 6 " ,, والثاني " أنا عند البوابات والجمهور مثل النمل " ,, ونتفاجأ بإمتلاء " نصف " الدور السفلي ,, ووجود هالعضو وقت صافرة الحكم بالشبكة ,, فـأيـن الحضور وأين الـ " 4 اللي معك " ؟!! ,, عموماً الجمهور هالموسم كان عامل " سلبي " ,, على غير العادة .. وأيـضـاً عامل الـ " أرض " ,, لأنهما أصبحا محل " تشاؤم " بالنسبة لنا " مؤخراً " ,, الموسم الماضي ذهب بـ " خيرهـ " و " شرهـ " ,, ولا نريد الخوض في طيّ صفحاته وذكرياته و آلآمه ,, ولكن لا نريد نحن الـ " زعماء " تكرار " أخـطـائـه " ,, وبإذن الله يكون موسم لا ننساهـ ,, وأن يكون موسم فرح وسعادة ,, وبالتوفيق للـ " زعـيـم " ,, . . |
تعبنا وحنا نتكلم وماحولك احد هذا يدل انو ماتهمهم مصلحة النادي .. اللي يهمهم مصلحة الاعب فقط شاكر لك يا الصخره وبأذن الموسم القادم احلى بكثييير |
بالفعـــل يالغالي كـــلامه صحيح يـــاسر والتــايب فقط هم من يجدوا الدعم والمسانده من الجمهور الهلالي !! امـا بالنسبة للاعبين المميزين ( هوساوي _ المـرشدي _ الدعيع ) لم يجدوا نصف الدعم أو التصفيق لهم من قبل الجمااهير الهلاليه !! نصيحة للجمهور الهلالي : قليلا من العقلانيه فقط هذا مانريده ! |
| الوقت المعتمد في المنتدى بتوقيت جرينتش +3.
الوقت الان » 05:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd