|
التايب VS زين الدين زيدان .. والتصاريح الرنانه ..؟! بسم الله الرحمن الرحيم .. اخواني عشاق ومحبين نادي الهلال الاكارم .. السلام عليكم ورحمة الله وبركاته .. قد يعتبر البعض اني مندس او ما شابه ذالك بعد كتابتي لهذا الموضوع :) .. عموما احببت ان اقول ما يجول في خاطري من ناحية النجم الكبير طارق التايب .. نبدأ بأسم الله .. ** الكثير منا يعرف النجم الكبير وصانع الالعاب المؤثر على مستوى العالم وليس على مستوى ناديه ومنتخب بلاده فقط المعتزل زين الدين زيدان .. كان اللاعب في اعلى مستوياته الفنيه وقاد منتخب بلاده لنهائي كاس العالم الاخير .. ومع ذالك لم يجدد مع الريال مدريد او انهى مسيرته الكروه بذكرى جميله لعشاق كرة القدم .. كلنا يعرف تاريخه صح .. ما يميز الاوربيين عن باقي دول العالم الثالث كروياً .. انهم يقيمون اللاعب على ما سيقدمه مستقبلاً للفريق .. وليس على تاريخ اللاعب مع الفريق .. لان اللي بيلعب في الفريق هو عطاء اللاعب المستقبلي وليس تاريخه .. ولذالك لم نرى زيدان في الريال ولا غيرهم من اللاعبين الكبار القادرين على العطاء لاكن في اندية ودوريات ضعيفه ..؟! امثال باتستوتا اللي اتجه لقطر ودوساييه وهييرو وغيرهم اللي انتقلو من الدوريات الاوربيه الكبيره الى اندية المنطقه ودورياتها الضعيفه .. كل هذا الكلام اللي فوق ينطبق تحديداً على حالة طارق التايب فهو لاعب كبير فنياً .. لاكنه كبير في العمر .. ويعاني من كثرة الاصابات .. اضف الى ذالك مشاكله القانونيه .. وتاريخ التايب محد ينكره خصوصاً مع الهلال .. لاكن مستقبلاً اللي بيلعب في الملعب عطاءه الحالي وليس تاريخه وعطاءه في الماضي ..؟! ** تقولون ان طارق اعتزل من منتخب بلاده عشان الهلال ..؟! فهذي نكتة الموسم .. طارق التايب اعتزل لاسباب مع ادارة منتخب بلاده واسباب اخرى لا نعلمها .. اضف الى ذالك ان طارق يوم اعتزل كان عمره 31 سنه .. ** يقولون ان طارق مصرح سابقاً انه لن يلعب في المنطقه سوى للهلال او انه سينتقل لاوربا .. يعني يالهلال يا اوربا .. وقبل كم يوم مصرح هو ان فيه عروض من انديه خليجيه وسعوديه وغيرها .. شخصياً انا ضد اللاعب المحترف اذا هو محترف بحق انه يصرح انه ما يلعب الا للفريق الفلاني وهذا للاسف اذا صرح بهذا الشي فانه ليس بلاعب محترف .. فمن وجهة نضري ان التايب اذا انتقل لاي فريق آخر في السعوديه او خارجها فهذا حقه .. لانه لاعب محترف بالنهايه .. لاكن اعيب الصراحه على اللي يصرحون مثل هذي التصاريح اللي يبون يكسبون فيها مشاعر الجماهير ..؟! مثل تفاريس اللي صرح اكثر من مره انه يعشق الهلال .. والحين نفس الحركات يسويها مع فريقه الحالي الريان القطري وان دمه رياني مثل ما كان هلالي سابقاً ..؟! وكذالك كوزمين اللي صرح انه لن يدرب اي فريق يقابل الهلال وبالاخير درب فريق من دوله شقيقه ومجاوره ومحتمل مقابلة الهلال الموسم المقبل في الاسيويه ..؟! هذي بس بعض الامثله على بعض المحترفين اللي يصرحون بمثل هذي التصاريح .. شخصياً لا اثق بالشخص اللي يصرح مثل كذا .. او اقدر اقول اتوقع ذهابه في اي لحضه اللي يصرح زي كذا .. اذا ابن النادي احمد الدوخي وخميس قبله مشو من النادي فكيف بطارق وتفاريس ..؟! اتمنى نفكر بعقل في مثل هذي الضروف .. ** البعض من مؤيدين قرار بقاء التايب ومن المطالبين فيه بشده يطالب البعض الآخر المعارضين لقرار الابقاء على التايب ان المعارضين على الاقل يتذكرون تضحيات التايب للهلال ..؟! اذا سلمنا ان لطارق فضل بعد الله على الهلال ( وهذا بالتاكيد منافي للواقع ) .. وذكرنا تاريخه مع الهلال وقلنا فيه القصائد المعلقه والتصميمات وغيرها .. وبعدين وش تبونا نسوي يعني نقدم التايب على الهلال ..؟! التايب نضرياً لن يفيد الهلال في الموسم المقبل ولمدة تزيد عن الشهرين وهي 75 يوم مدة ايقافه المتبقيه .. يعني راح من الدوري 8 اسابيع اذا فرضنا ان الدوري يلعب فيه كل اسبوع مباراة وهذا طبعاً مستحيل في عالم الرياضه السعوديه .. يعني 8 مباريات تقريباً ثلث الدوري نلعبه من غير محترف رابع ..؟! كل هذا عشان حبيب قلب الجماهير التائبيه ..؟! واذا عود انتضروه لين يتأقلم على جو المباريات وغيرها من الاعذار البايخه الصراحه واللي ضعيتنا هذا الموسم مع كثير من اللاعبين امثال ياسر والتايب وغيرهم ..؟! ** بعض الجماهير يبي التايب يجلس عشان التسحيب والكباري وغيرها من الامور اللي لا تخدم الفريق بل بالعكس تخدم الفريق المقابل انه يعود لمناطقه ويدافع ..؟! السير فرجيسون مدرب المان يونايتد ذكر فيما مضى ايام بروز كريستيانو رونالدو انه يجب على رنالدو ان يلعب للفريق وان يجير مهارته وفنه لخدمة الفريق وليس للعب الفردي وغيرها من الامور اللي لا تعود للفريق بفائده .. وهذا اللي صار رنالدو صار يلعب ويسخر مهاراته لفريق المان .. لاكن ما يميز رنالدو انه كان صغير في العمر ويمدي يعدل الواحد فيه ويضيف له لمسات بالنسبه للمدربين لاكن التايب عدى عليه العمر ومعاد يفيد فيه تعليم اللعب الجماعي .. فلذالك شئنا ام ابينا سيضل طارق التايب يلعب لنفسه .. ** البعض يقول ان طارق علم الهلاليين الفن والمتعه .. ومثال ذالك الفريدي .. لاكن فات على البعض انه ايضاً علمهم اللعب الفردي والانانيه .. والبحث عن تصفيق الجماهير حتى لو كان على حساب الفريق ..؟! مع عدم قبولي للرأي اللي يقول ان طارق علم الهلاليين المتعه والفن ..؟! كأن الهلال لم يعرف كرة القدم ومهاراتها الا بوجود التايب ..؟! تناسو الهلاليين انه مر على الهلال مهارياً افضل من طارق بكثير امثال الغشيان والثنيان .. وبالعكس هذولي الاعبين سخرو مهاراتهم لخدمة الهلال .. وبالاخص يوسف الثنيان اللي من يطب يقلب النتيجه مو مع الهلال بس الا مع المنتخب .. مع انه خط وسط ..؟! بس اتوقع بعض اللي يقول ان التايب علم الهلاليين الفن ما لحق على آخر ايام يوسف اللي كان مبدع فيها كيف بايام عزه وشبابه ..؟! ولا لحق على يوسف والغشيان سوى واللي سوو شوارع بالانديه المنافسه :) .. ** الاخوه الاعزاء ما قصرو في وضع المقارنات واثبتو انه في عهد كماتشو واللي يفتقد للمهاجمين وما كان فيه مهاجم عليه الكلام الا سامي وكان في نهاياته الكرويه حقق الهلال 7 بطولات .. ومنها مباريات حاسمه حسمها كماتشو بضرباته الحره .. وفي عهد التايب لم يحقق الهلال الا 3 بطولات اذا مانيب غلطان ..؟! اكيد بيجي واحد ويقول التايب ما عنده هجوم ..؟! اذكرولي مهاجم فذ كان في عهد كماتشو ..؟! سامي فقط .. وكان يميل لصنع الالعاب .. ** يفوت على الكثير ان طارق هو من اكثر اللاعبين اللي يعطونه الكره .. لاكنه على كثرة استلامه للكور الا ان نسبة تسليمه للكور تعد قليله مقارنه بعدد الكور اللي استلمها .. شوفو اي مباراة للهلال تجدون اللاعبين ما تروح الكوره منهم للهجوم الا بعد مرورها بالتايب في اكثر الاحيان ومع ذالك تعد نسبة اخطاء تمريرات التايب كبيره .. لانه يبحث عن التمريره الصعبه والباص عيون ..؟! ** اللي تشوفه من مواضيع الاعضاء وكلمتهم ( الا طارق التايب ) تحس ان الهلال بدون طارق لا شيء ..؟! او ان طارق التايب اكبر من الهلال عندهم ..؟! ** كلنا نعرف ان سامي ويوسف والتيماوي وغيرهم من اساطير ونجوم الزعيم رحلو وبقي الكيان وحبنا للكيان .. ** شخصياً اتمنى رحيل التايب بما ان له ذكرى جميله عند الاغلبيه الطاغيه من الهلاليين .. قبل لا يجي اليوم اللي تطالبون انتم فيه برحيل التايب من النادي .. فيكون خسر تاريخه الجميل مع النادي والجماهير .. اتمنى التايب يسوي مثل ما سوى زيدان يوم مشى وهو في قمة مستواه .. ومع ذالك لا زالت الجماهير تتذكره وتعشق اسمه .. ** سؤال مهم لمن يطالب ببقاء التايب .. مالفائده المرجوه من بقاء التايب مع انه معرض للايقاف 75 يوم ماهي الفائده من بقاءه ..؟! ** التايب وهشام ابو شروان ما يقارنون هذا الموسم فهشام يتفوق على التايب بمراحل كمحترف هذا الموسم .. ** طبعاً مع انتقال التايب لاحد الانديه الخليجيه وكالعاده سنرى الجماهير التائبيه وجماهير اللاعب تركض وراه وتسجل في منتدى ذاك النادي اللي انتقل له وخذ كلام وتمجيد في اللاعب واللاعب ما درى عنهم مثل ما حصل مع تفاريس و كوزمين ..؟! اتمنى واطلبهم طلبه هالنوع من الجماهير انهم ما يكتبون في معرفاتهم ما تدل على هلالييتهم لانه وبصراحه تطرحون وجه الواحد بعقلياتكم .. في حال انتقال التايب اتمنى ما اشوف مثل ما شفنا مع تفاريس ..؟! ** الامير الشاعر دخل فكر رياضي عالي على الجماهير .. وبالعكس تقييم اللاعب على اللي بيقدمه مستقبلاً وليس على تاريخه وهذا الصح .. اتمنى التوفيق للهلال يارب .. وبالتوفيق للمدرب الجديد جيرتس في اختياراته .. .. { لا لوجود اللاعب النجم في النادي فالنجم نجم بعطائه في الملعب } .. ** ممكن اني قسيت على طارق بطرحي هذا .. لاكن الحق يزعل احياناً .. واتمنى احد يقولي وشهي الفايده من بقاء التايب الموسم المقبل .. وهل مستوى طارق هذا الموسم من وجهة نضر مجرده من العاطفه يشفع له بالبقاء في الهلال ..؟! ** بالنهايه اتمنى ان نرتقي في الحوار .. ووصف الاخرين بالمندس وغيرها اتمنى ان لا نراها .. سلام .. |
شكرا لك .. موضوع مميز .. و أتمنى حقيقة التجديد في جميع اللاعبين الأجانب و ليس فقط التايب . |
إقتباس:
العفو يا غالي .. ومرورك وتعليقك الاميز .. والصراحه التجديد في جميع اللاعبين صعب الا اذا توفرت العروض لهم خصوصا ويلي ورادوي .. وانا معك اتمنى ذالك .. وخصوصا رادوي اللي مركزه مشغول اساساً ..؟! وويلي كذالك اللي مباريات يبدع فيها ومباريات لا :( .. شكراً لك يا غالي .. سلام .. |
بتجيك اعضاء وبتقولك كاتب موضوع كامل وعريض كل ذا كره بالتايب مع انك قلت الكلام الصحيح وانا من عشاق التايب لكن عشقي للهلال اكبر فيجب علينا الاتزان والتزام الاخلاق السعوديه واما بربسه التايب في الملعب هذي مانبيها التايب لايستطيع تقديم اكثر من ذلك |
الف شكر على ماكتبت بصراحه كلام رائع والله اناء من أشد المعجبين بطارق والله اني لما شفت تصريحه في صدى الملاعب ان عيني دمعت بس هذا ليس يجعلنا انسى مصلحه الهلال المساله ليس عاطفيه لان طارق في بعض العيوب والكثير ذكرها لانه اصابته متكرره , سريع النفرزه , عدم القدره على الالتحام مع اللاعبين , بالتوفيق للزعيم وللكابتن طاااااارق لو جلس طارق رايح نص الموسم ماريح نستفيد منه |
إقتباس:
زين اللي ما قلت عطني التايب والا كملت :d .. يعطيك العافيه ع المرور .. وبالنسبه للاعضاء وكلامهم بالعكس نستفيد من اللي معارضين ويتطرقون للمحتوى الموضوع مو يحولون الموضوع الى موضوع شخصي ويتكلمون على العضو ..؟! ومثل ما قلت انت التايب لا يستطيع ان يقدم اكثر مما قدم .. سلام .. |
اذا التايب مايفيد اجل من اللي يفيد الغنام ولانامي بما ان التايب صانع العاب انا متأكد انك لو تسال ياسر عن افضل صانع لعب لقال طارق وايضا العنبر اه بس ذنبك يالتايب انك مهاري حطوها حجه عليك رغم انك تجمع بين المتعه والمهاره مثل مافقدنا يوسف مجبرين لانه اعتزل للاسف سنفتقد االتايب بسبب الناس هذي اللي تنتقده ومسويه فاهمه بالكره لم اعشق لاعبا بعد الثنيان والغشيان والقهوجي والشلهوب الاالتايب |
طرح راقي وتفكير راقي .. ووجهة نظر احترمها وُكن لها كامل التقدير .. بصراحه .. أنا مع بقاء طارق في حالة ( رفع الإيقاف عنه ) وجهة نظري ان طارق ان بدأ من بداية الموسم مع الفريق سيكون له بصمة واضحة .. عالعموم .. ذهب يوسف وسامي وقبهم اساطير ويبقى اسم الهلال ساطعاً في المنصات .. تياتي وأشواقي |
إقتباس:
أي أخلاق سعودية !!! هل هي أخلاق سلطان بن فهد ... عموماً طارق لاعب كبير وفنان وصانع لعب عالمي جدد معه الهلال ( وهذا مانتمناه ) أو لم يجدد |
أتمنى من الجميع قراءة الرد ..!! أنا أحترم وجهة نظرك ,, لكن بقول لك حاجه..!! أنت بكلامك هذا كأنك تقول إن طارق مايلعب للهلال طوال الفتره اللي لعبها ..!! بل إنه يلعب لنفسه ..!! إنت يمكن زعلان من ظياع ركلة الجزاء اللي البعض أطلق على طارق إنه استهتر بركلة الجزاء وظيعها ..!! طارق أساساً ما يلعب أي ركلة جزاء إلا بالطريقه هذي ... طيب يا أخي محمد الشلهوب ظيع هل كان متعمد أو أستهتر فيها ؟؟؟ ثاني شي ... أنت تقول ما الذي قدمه طارق خلال هذا الموسم ..!! طارق أصلا ما لعب الموسم كامل مع الهلآل .. ومع ذلك يا عزيزي حقق ثاني أفضل لاعب صح ولا أنا غلطان ..؟؟ وطارق ومثل ما الكل عارف وملاحظ إنه شايل الوسط الهلآلي بالكامل .. وأنت ذكرت في موضوعك إن طارق كان يمرر خطأ أكثر من ما يمرر صح ..!! طيب هو أصلا فيه أحد يموّل المهاجمين بالكرات غير التايب ..!؟ وأنا أخالفك تماماً يوم تقول خلوا طارق يرحل .. يا أخي جينينيو البرازيلي لاعب ليون أكبر من طارق وما زال يلعب في الدوري الفرنسي..! حقيقة .. أنا أتمنى بقاء طارق .. لأن طارق لديه ما يقدمه للهلآل .. ولاعب مميز جداً ,, والكل شهد له خلال هذا الموسم ..!! بإنه صانع العجائب ..!! وإن رحل لا قدر الله فسيبقى في ذاكرتنا ..!! |
ياكثر المندسين في المنتدى كلهم يتمنون رحيل التايب ويذكرون لنا سلبيات واجابيات وينسون ان طارق هو من اسعدهم في كل المباريات هو من وقف الجمهور لكي يقول في المدرس اه يا تايب مهما حاولت وتعبت وكتبت موضوع طول بعرض ما راح تغير رأينا في حبنا في التايب وفي لعبه طارق لا ينكره غير المندسين فقط اما الهلاليين هم اللي يعرفون قيمة طارق وفنه اتمنى اني ما قسيت عليك يا صاحب الموضوع مهما كنت مندس تبقى اخوي في الاسلام |
اسمحلي يا أخي موضوعك به من التناقضات ما به .... فمن ناحية أنت تطالب التايب أن يرحل أو أن يعتزل (مادري) وهو في عز عطائه محاكاة لاعتزال زيدان ... وهذا اعتراف ضمني ان التايب لا يزال قادر على العطاء. ومن ناحية أخرى تقول أنه لن يفيد الهلال في الفترة القادمة ولن يعطيه أكثر. يمكن طولت الموضوع عاشان كدة ريحت المضمون وظهر التناقض ... أقول ... أتمنى والله من كل قلبي ألا يأتي اليوم اللي يندم فيه الهلال عن التفريط بطارق. |
هذا هو المنطق الصحيح و أعتقد من الصعب وجود صانعي ألعاب و لا يجيدون التغطية الدفاعية ( نيفيز + طارق ) و بالتوفيق للهلال |
اتمنى واطلبهم طلبه هالنوع من الجماهير انهم ما يكتبون في معرفاتهم ما تدل على هلالييتهم لانه وبصراحه تطرحون وجه الواحد بعقلياتكم .. في حال انتقال التايب اتمنى ما اشوف مثل ما شفنا مع تفاريس ..؟! ^ ^ ^ ^ ^ ^ طبعا هذا كلامك وهو لا مجال له في العقل البشري كثير من نجوم العالم وليس من نجوم الهلال رحلوا الى انديه اخرى وما زال حب هذا النجم موجود في قلوب الجماهير جماهير البرشا ورونالدينهو جماهير فياريال و ركيلمي جماهير ارسنال وهنري فلا تكون مبالغ في بعض الامور لان هذا تحيز واضح كما اقدر عقلانيتك فيما كتبت واختلاف الرأي لا يفسد في الود قضية اخيرا لو ذهب التايب الى نادي الجار عن نفسي انا اكن له تقدير وحب واحترام على ما قدم للهلال وما يملك من مهارة تميزة عن باقي كديش العالم العربي من اللاعبين الا من رحم ربي |
ابدعت واهنيك هالعقل الكبير واللي يهتم لمصلحه الهلال بكل تأكيد . يكفي هالكلام وبصراحه ما ضيع الهلال هذا الموسم الا خروج كوزمين وانتظار عوده مستوى التايب وياسر .. لو المدرب اعطاء فرصه للشباب كن الهلال افضل وحتى لو خرج من الاسيويه .. يكفي اعطيناهم ثقه وتجربه للمواسم القادمه هالموسم الهلال ما استفاد من الشباب الهلال للاسف:cry: لعيون التايب وياسر ..:cry: إقتباس:
المشكله ان الهلال حقق 3 بطولات مع التايب :yes: خلال 3 سنوات :cry: واضعف هجوم خلال 5 سنوات اخر 3 سنوات حيث اول موسم للتايب مع الهلال سجل الهلال 38 هدف فالدوري وكان غياب التائب كثير ولم يلعب الا بعض المباريات الموسم الثاني سجل الهلال 36 هدف في الدوري وهذا افضل موسم للتايب مع الهلال اخر موسم سجلنا 41 بعد ايقاف التايب سجلنا اكثر :yes: تقبل مروري :rose: |
| الوقت المعتمد في المنتدى بتوقيت جرينتش +3.
الوقت الان » 03:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd