إقتباس الرسالة الأصلية كتبت بواسطة هلال بن زعيم الهلالي (أتفق معك بكل شيء الأ سول وويلي ياخي هذولي لعيبه تكتيك بس طارق التايب مستواه سيء ) للأسف مدري كيف يفكر بعض الجمهور وكأنهم محللين بأقوى الدوريات وهم ماعندهم الأ الدجه مو هنا المشكلة المشكلة يطرح رأيه وهو مثل اللي يقول غصباٍ عنك تقبل رأيي أفترضنا أن التايب يرحل هل البديل يكون في مستواه؟؟؟؟ لاأعتقد بيجيك واحد مكيم 200ويقولي التايب راح يتوقف واقوله ماهو ماشاء الله دورينا حلو وفله ماشي بالثانيه ماهو لنا عشرين سنه والدوري عندنا كله مؤجلات يعني راح تمر عقوبة الأيقاف بسرعه البرق بأذن الله نقطه أخيره أحب أن أوضحها وملاحظها بالآونه الأخيره بالمنتدى الا وهي عدم تقبل الرأي والرأي الآخر تحياتي لكاتب الموضوع أوافقك الرأي بكل كلمة

هلا اخوي .. اشكرك على ردك ..
وصدقك في كلامك ..
ومن ناحية عدم تقبل الرأي الاخر في المنتدى فأنت صادق ..
والبلى ان فيه بزارين يجون ويردون وماندري انهم بزارين ونعتبرهم كبار ونناقشهم !!

والا بعضهم يستهبلون علشان يضحكون اخوياهم!!

يا اخي اذا اختلفت معي وضح لي وجة نظرك ونتفاهم .. بس بعضهم متخلفين ..

اشكرك مره ثانيه على ردك والله يعافيك ..

إقتباس الرسالة الأصلية كتبت بواسطة مشاري الأشراف حرام يروح طارق التايب خساره تراااه مسوي الهوايل من جد وش سواااء في مبارات الهلال & سبا باتري اكثر من مره صنع لصويلح بس ما ستفاد منه وش سوااااء في مبارات الهلال & باختكور صنع هدفين وش تبون بعد لاعب لا يستغنى عنه لاعب بمعنى الكلمه لاعب يعشق الهلال انتم لا تفكرون في توقفه فكروا هل سيستفيد منه النادي أو لا ؟ نعم راح يستفيد منه النادي الشي الكثير برئيي افضل لاعبين الأجانب في الدوري السعودي إلى الآن اتمنى من كل قلبي ان الهلال ما يستغني عنه لأنه راح يفيد الفريق الكثير افضل صانع العاب عربي هذا كل ما عندي ,,,

بصراحه اتفق معك ..
رغم اني ضد حركاته الاستعراضيه وحبه الزايد للتشجيع ..
الا ان التايب متفوق جدا في عملية صناعه اللعب ..
ماهمني كم كبري حط او عمل ون تو بظهره !!!
الاهم انه يمرر تمريرات وتخلي اللاعب هو وضميره قدام القول ..

شكرا لك ..

إقتباس الرسالة الأصلية كتبت بواسطة عبادي_14 كلامك منطقي جدا" ولا غبار عليه ولكن اختلف معاك بشي واحد ((رادوي)) والله فنان واستفدنا منه كثير ولا تنسى ان الغامدي منتهي والغنام مو قد الطموح ((بإختصار )) عزيز + رادوي= القوة العاشرة

انا ما اختلف معاك انه لاعب مفيد وممتاز واكثر من مهم للفريق ..
لكن الفكره انهم جابوا لاعب في منطقة قوه في الفريق وتركوا نقاط الضعف بدون ترميم ..
هذي فكرتي ..

واتمنى منك تقبل رأيي ..

شكرا لك ..

إقتباس الرسالة الأصلية كتبت بواسطة أبــ سامي ــو موضوع منتهى الروعة تحياتي لك بس التايب افضل الغاء عقده ومهما قلنا المدرب رايه الماشي الافضل نسكت ونخلي الامناء على الزعيم يسوون اللي يشوفونه مفيد وصح تحياتي مره اخرى لك

هلا اخوي ..
علمني ليه تفضل الغاء عقد التايب؟
التايب صانع العاب من الطراز الاول ..
لو قدرت تجيب لي لاعب افضل منه، فما فيه مشكله انك تلغي عقده ..

عموما .. جاي المدرب وهو الي يحكم ..

إقتباس الرسالة الأصلية كتبت بواسطة هلالي قاهر الاتحادي معليش اخوي رادوي انا ضد الغاء عقده لانه لاعب حماسي ويلعب من اجل الشعار مب مثل بعض الاعبيين ورادوي يستطيع اللعب في غير المحور يستطيع قلب دفاع ويستطيع ظهير ايمن فكره الغاء عقد رادوي شلها من راسك اما الاجانب الباقين صح

محد فهم كلامي ..
يا اخوي انا اقول رادوي جابوه في منطقة قوه للهلال ..
والا كيف يجدد للغامدي وللغنام ولعزيز وكل واحد خمس ملايين؟؟
هذولي الافضل على مستوى المملكة ..
نعم رادوي افضل منهم ..
لكن لو كنا بنجيب لاعب .. فالافضل انك تغطي خاناتك الضعيفه ..
فهمت كلامي؟

اشكرك على تقديم رأيك وبأسلوب مرتب

إقتباس الرسالة الأصلية كتبت بواسطة الزعامه بعيون زرقا اقول اصبح اصبح بس خل عنك الكلام الفاضي

مشكور
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

إقتباس الرسالة الأصلية كتبت بواسطة T U R K I _ 15 هلا والله .. تأخرت بالرد لاني نايم ليش ابو صنعتين ما يفلح الحين اللي يلعب باكثر من مركز يسمى لاعب عصري تذكر يوم راموس يجي للريال .. يلعب محور وقلب دفاع وظهير ايمين عشان كذا سموه لاعب عصري .. ولا تنسى بويول قلب دفاع وظهير .. الانديه الاوروبيه تدور اللاعب اللي يلعب اكثر من مركز .. ميسي تبي راس حربه ابدع تبيه جناح امتع تبيه صانع لعب يبدع ويمتع .. اكزافي صانع لعب ومحور ارتكاز وكل الانديه تبيه .. حبيبي ابو دم ازرق .. انت مقتنع بمستواه وانه لاعب جيد ودامك مقتنع انه جيد فالفريق ليش تطلعه .. نروح للتايب .. بصراحه اتمنى خروجه ولا تزعل من رأيي لاسباب وملينا من هالاسباب . كبر سنه 33 سنه في هالعمر تكثر الاصابات والارهاق ويقل عطاء اللاعب مع ان اللاعب اصلن كثير الاصابات .. هذا شي .. الشي الثاني الكل لاحظ التايب منذ قدومه للهلال ما يساند الخط الخلفي .. الشي الثالث التايب للاسف لا يستفيد من مهارته العاليه بل اصبحت عاله عالفريق لان مهارته تعطل وتاخر الهجمه هذي نقطه .. النقطه الثانيه اكثر اللاعب المهاريين يحاولون الاقتراب لخط 18 لفاول او ضربه جزاء وهذي ميزه للاعب المهاري بس التايب ما يستفيد منها للاسف ( ان شاء الله فهمت القصد ) وانا معك ان التايب لاعب خرافي واسطوري لكن 3 سنوات للاسف ما استفدنا منه الا مقاطع البلوتوث والاستعراض .. لاعب يحب نفسه اكثر من ناديه .. تقارن حماس رادوي بحماس التايب ..؟ رادوي الفريق خسران يوجهه لاعبي الزعيم بكل حماس التايب اذا خسر الهلال ما يهتم .. ومتى يهتم ويتحمس اذا سحب لاعب او لاعبين وبدا الجمهور يصفق له تراي الحين مختصره ههههههههه تقبل مروري المره الرابعه

صباح الخير يا نوام
انا معجبني رادوي مره ..
لكن لو قالوا لي اختر واحد .. لاخترت التايب ..
رادوي وزي ما قلت انا قبل .. جابوه في خانه ارى انه نقطة قوه للهلال
(جددوا للغامدي والغنام وعزيز كل واحد بخمس ملايين)
الغامدي ما يزال ممتاز .. اتوقع الاصابه ابعدته عننا شوي ..
الغنام الي ما قبل احضار رادوي كان مميز .. بل انه ذكرني بغنام الشباب ..
اما التايب .. صعب تحصل لاعب مثله في صناعه اللعب ..
انا اكره فيه الاستعراض وحبه للجماهير وهالامور ..
لكنه فعلا .. يقدر يساعد في تخليص المباراة وخصوصا لما يكون معاه احد يفهم اللعب ..
ماهوب تجيب لي الصويلح وبعدها تقول ما يعرف يصلح كور!!
التايب في اخر اربع مباريات .. جالس يقدم عطاءات اكثر من ممتازه ..
وانا اتوقع صعب نحصل واحد مثله ..
لو فيه واحد افضل منه ما عندي مشكله يتغير ..
لكن لو لازم نغير واحد منهم.. فلازم نغير رادوي .. لان عندنا من يقدر يكمل الهلال اللعب به ولا يعتبر نقطة ضعف ..
والا لما يطلع التايب .. راح نحس بفرق عدم وجود صانع لعب ممتاز ..
تذكر لما طلع كماتشو .. راحوا وجابو لنا رودريقز (على ما اظن كذا اسمه) الي كل شوي يطيح!!!
اذا حصلت لاعب ممتاز.. فحسافه تضيعه ..

ما زلنا مختلفين في الرأي؟
لا يفسد لودنا قضية

إقتباس الرسالة الأصلية كتبت بواسطة وينك ياابو سلطان اشكرك اخوي ابو دم ازرق على الكلام اللي كتبته وانا اتفق معك في بعض الامور واختلف معك في كثير منها ولعلي اذكر بعضها : 1/ بالنسبه للاعبين : قبل ان اتحدث عن اللاعبين انا اشوف ان من الضروري تصعيد بعض اللاعبين للفريق الاول مثل نواف العابد وعبدالعزيز الدوسري واللي انا اشوف من وجهة نظري انهم راح يخدمون الفريق بشكل كبير جدا حتى ولو لم يلعبوا المبارة بالكامل في البدايه لحين اكتساب الخبرة والاحتكاك مع اللاعبين والدخول في جو المباريات والمنافسه . 2/ اما بالنسبه لطارق التايب فأنا اشوف انه ماراح يخدم الفريق بقدر ماراح يضره والاسباب كثيره جدا منها كبر السن والاصابه المزمنه واهم شي العصبيه اللي مكن تضر الفريق بشكل كبير 4/ اما بالنسبه لويلهامسن فأنا اشوف ان 50 مليون كثيره عليه لأن اللاعب ماعنده امكانيات تفرق عن امكانيات اللاعبين المحلين بل ممكن ان امكانياته اقل بكثير من امكانيات بعض اللاعبين المحلين وانا راح اذكر لكم بعض الامور اللي ماتتوفر في هذا اللاعب : اولا : التصويب على المرمى سواء الكره الثابته او المتحركه ضعيف جدا ... ثانيا : صنع الاهداف . انا مااشوف انه ساهم في صنع الاهداف بشكل كبير ... ثالثا : التسجيل . فرص سهله كثيره مرت على اللاعب ومااستثمرها ... لذلك انا اشوف ان اسبدال اللاعب امر ضروري جدا . 5/ اما بالنسبه لسول فأنا والجميع نتفق معك في استبداله بلا نقاش . 6/ اضيف على كلامك ان الهلال يحتاج الى ظهير ايمن يساهم مع الفريق بشكل كبير في الهجوم والدفاع وانا من وجهة نظري ان اللاعب احمد الدوخي مناسب جدا لشغل هذا المكان والبحث عن بديل محلي له يشارك في نهاية المبارة لتاهيله للمستقبل ... يمكن هذي ابرز النقاط اللي حبيت اتطرق لها من خلال موضوعك المميز . والله يعطيكم العافيه وسامحوني على الاطاله ...

هلا اخوي ..
الرد وان طال وكان نقاشي انا اشوفه شئ طيب ..
بعكس من يقرأ اول الموضوع وبعدها يرد بسطر استخفاف بالكاتب ..
عموما .. ردي لك هو ..

1- للاسف في الهلال مافيه منهجيه لتدخيل لاعبين الشباب مع الفريق الاول ..
نواف العابد وغيره راح نخسرهم زي ما خسرنا لاعبين كثار جونا من دوري الشباب ولا حصلوا مكان في الاول والنهاية نسقوهم ..

2- طارق التايب في نظري يقدم للفريق اكثر مما يضره على حسب كلامك ..
حيث انه يصنع اللعب بطرقه عالية جدا .. وهو متفوق بهذا الشئ ..
كبر السن عامل .. لكنه مازال جيد والدليل نهاية الموسم هذا ..

3- نتفق في موضوع ويلهامسون

5- الهلال فعلا يحتاج لظهير ايمن ويستمر نامي كأحتياط ..


اشكرك على ردك

إقتباس الرسالة الأصلية كتبت بواسطة قـنـيـقـن والله لو نلعب بذولا الاعبين بس ندخل المباريات بـ4-4-2 كان حنا بخير اما مهاجم واحد ويكون ياسر ومراقب .. وتحطلي 5 وسط ويالله يمكن يوصلون للجول هذي مصيبه لو يجرب الصويلح وياسر من اول المبارات والبديل للي يتعب منهم اول ويدخل العنبر مكان اول واحد يحس انه تعب يكون الهلال ممتاز اما مهاجم واحد ما ينفع

انا من من تعجبه خطه 4-5-1
لكن اما الفرق الضعيفة .. 4-4-2 هي على الاقل الخطه المفروض انها تستخدم ..
وهذا ما عجبنا منه في مباراة ام صلال .. اصرار الحسيني على 4-5-1

والمهاجم الثاني حتما راح يفك الضغط عن ياسر .. ولو كان مهاجم كبير راح يتعب المدافعين في من يمسكون ياسر او المهاجم الجديد ..


اشكرك لك ردك

اقول يالحبيب صباح الخير انت طيب بس يوم انك تكتب هالكلام .
هههههههههه قال ايش قال الغنام و الغامدي نقارنهم في رادوي الي لهم الان تقريبا كم من سنه ماشفنا ولا مباراه لهم يلعبوها افضل من رادوري
ميريـــــــــــــــــــــــــــــل رادوي افضــــل محور مر على الهلال ( محترف )

مشكووووووووووووووووووووووووووووووووووووووووور

مشكور اخوي على الموضوع الرائع

وانا معاك بكل شي

والتايب ان شاء الله يبقى مع الهلال

والله يوفق الزعيم بالاجانب

كلامك منطقي أخي العزيز
فعلا اللاعبين الاجانب أخذوا مراكز بعض اللاعبين المحلين
على سبيل المثال رادوي
أعتقد ان الهلال كان بحاجه لهذا اللاعب في وقت اصابة الغامدي
ولكن بعد عودة الغامدي والذي يستطيع اغلاق المنطقه اعتقد ان حاجة الفريق لرادوي قد انتهت
حتى لو كان مستوى رادوي افضل
فالافضل جلب لاعب اجنبي في مكان نشكتي فيه من ضعفه مثل الظهير الايمن او خط الهجوم
تحياتي لك

إقتباس الرسالة الأصلية كتبت بواسطة هلالي راقي 511 فكرتك وصلت وهي واضحة .. الافضل لنا جلب لاعبين يشغرون الاماكن التي فيها ضعف بالفريق .. للاسف اجانبنا كلهم في اقوى خطوط فريقنا .. مع العلم ان نقاط ضعفنا جداً واضحه ظهير ايمن + مهاجم + وسط متقدم خلف المهاجمين يكون صانع لعب وفي نفس الوقت يشارك في بعض الهجمات كمهاجم ان كانت هجمتنا مع الاطراف لو تلاحظون خلال هالموسم وان حصلت لنا هجمات عن طريق الاطراف لا نجد من يساند ياسر داخل منطقة 18 ويتمركز في مكان جيد الكثير من الهجمات لا نجد الا ياسر داخل 18 حتى وان تمت المحاولة لايصال الكورة له لا يتمكن من كسبها بسبب التغطية الصارمة معاه واحيانا تكون العرضيات ليست دقيقة وتمر في منطقة 18 دون ان يتواجد اي لاعب متمركز في المساحات الفاضيه في المنطقة فلا نستفيد منها الشلهوب والفريدي والتايب .. ثلاثي رائع جداً وهم مكسب كبير لاي فريق للفكر العالي لديهم ولتحركاتهم الرائعه ولمقدرتهم على صنع الاهداف في اي لحظة .. سول + ولي = ماذا قدموا للهلال صراحةً وكم هدف سجلوا وكم هدف صنعوا وكم هجموا بنوها ؟ هذا هو المقياس الحقيقي لتقييمهم .. نحتاج الى محترف يشغر خانة الظهير الايمن + مهاجم = هذه ضرورة ملحة ولا يمكن الاستهوان بها صانع لعب موجود في ظل توفر الشلهوب والفريدي واتمنى بقاء التايب شريطة ابتعاده عن الاستعراض المبالغ فيه من الظلم ان نحطم لاعبيننا بجلب محترفين يشغرون اماكنهم ونتناسى نقاط ضعف الفريق الحقيقة

هلا اخوي ..

انت من القلائل من فهم موضوعي ..
وهو اننا المفترض نبحث عن اجانب يشغلون خانات ضعف الهلال ..
ومن كلام رئيس الهلال اتضح ان الهلال فعلا محتاج للاعبين في خانات معينه
واظن قريتس قادر يفهم (وبسهوله) حاجة الهلال لمهاجم هداف وظهير ايمن ..
التايب يبدو لي انه صانع العاب خساره تضييعه ..
واذا راح يجيبون واحد بداله افضل منه يا حياه


تحياتي لك