50 - 20 = 30 !!! - نادي الهلال السعودي - شبكة الزعيم

بوثنيان · #1 30/05/2009, 03:58 AM

السلام عليكم ورحمة الله و بركاته

حسبة بسيطة لكل من شاهد العنوان واستغرب !

اكيد كل اللي دخل قال وش سالفته هذا مع المعادلة هاذي اللي حاطها !

أنا اقولكم وش السالفة ...

تذكرون طيب الذكر ( التكتيكي ) ولي .. بو شعر اشقر .. ذاك ما غيره عرفتوه ؟!

كلنا قرأنا وسمعنا مبلغ استقدامه وهو 50 مليون ريال و اذا كشخنا وقمنا نسولف باليورو نقول 10 مليون يورو

يعني يا شبيه الريح انا بس ابيك تنقص من الـ 50 ... 20 بسسسس فقط لا غير

واذا فعلا سمعت كلامي ونقصت 20 بيجيك لاعب ( قنبلة ) << لا يسمعونك مكافحة الارهاب

لاعب يريحك لمدة ( عشر سنين ) قدام !!!

لاعب اذا شات الكورة تقول روبرتو كارلوس بس متشمس شوي

لاعب من سرعته يسبق الكورة

لاعب .... << مطول يالطيب

نخش بالموضوع !

هذا اخونا بالله لاعب كلن يتمناه بفريقه وانا واحد منهم << فريقنا بالحارة

اول حرف من اسمه ( حسن معاذ )

يا شبيه الريح لو رحت للبلطان ( بو شنطه ) وقلت له هاذي 30 مليون ( كاااش ) هل تتوقع ان يرفض ؟!

حتى رئيس ميلان بيرلسكوني بيقولك : حياك الله على ( بيتزا ) وانت ماشي خذ كاكا معك !

وفوق كل هذا حسن معاذ ( هلااااااااالي ) و الكل يعلم بذلك !

يعني لو درى حسن معاذ ان الهلال تقدم بعرض له بهذه القيمة و رفض البلطان .. اول شي بيسويه .. بيسحب على نادي الشباب بكبره ويقول يا انكم تصيرون حبيبين وتوافقون والا اكمل سحبتي

الكرة في ملعبك يا شبيه الريح ...

يلا يا شبيه الريح دام الكورة في ملعبك ... شووووت وخل البلطان لقاط كور

وعلى دروب الخير نلتقي << متأثر بالـ( سامي كسمو الهلال )

صــ لهم ـــاحي · #2 30/05/2009, 04:05 AM

هذا هو الكلام السليم

ونسوي حملة ((حسن معاذ ولو بـ50 مليون))

سبحان الله وبحمدة سبحان الله العضيم

بوثنيان · #3 30/05/2009, 04:07 AM

إقتباس

الرسالة الأصلية كتبت بواسطة صــ لهم ـــاحي


	هذا هو الكلام السليم ونسوي حملة ((حسن معاذ ولو بـ50 مليون)) سبحان الله وبحمدة سبحان الله العضيم

رووووووووح ! ابدأ الحملة وانا وراك

حمروش الحفراوي · #4 30/05/2009, 04:11 AM

والله ياهو من قلب يسبق الكورهـ

ايه الررئيــــــس المحبوب

نريد رراســه << داخل حرب انت

يا سمو الاميـــــــــــر نبي حســــن معاذ

هلالي دووووووم · #5 30/05/2009, 04:14 AM

لو جاء حسن معاذ وعبدالرحمن القحطاني واحمد الموسى
أنا أظمن لك كل البطولات الموسم القادم

بوثنيان · #6 30/05/2009, 04:15 AM

إقتباس

الرسالة الأصلية كتبت بواسطة حمروش الحفراوي


	والله ياهو من قلب يسبق الكورهـ ايه الررئيــــــس المحبوب نريد رراســه << داخل حرب انت يا سمو الاميـــــــــــر نبي حســــن معاذ

الظاهر مكافحة الارهاب بيسيرون عليك انت بعد

algnass-20 · #7 30/05/2009, 04:15 AM

وعليكم السلآمـ ..
مو أنتقآص لموضوعك ولآ شىء ..
لكن حسن وبـ 30 مليون ..!!
أجل أذآ الزوري بيجدد بيطلب 10 مليون تجديد فقط ..
أخوي مبلغى كبير جدآآ ..
وفيه لآعبين أسيويين قآدرين على سد الخآنه أذآ أطرت الأدآرهـ لهم وتكلفتهم لآ تصل 13 مليون على مدى عآمين ..
لكن الأدآرهـ تفكر بشغلهآآ محليآآ ..
لكن لو وصلنآآ للمبغ الي عرضته على حسن رآح نجيب أفضل منه بدل المحترف الآسيوي ..
<< بمآآ أن الآدآرهـ أستغنت عن سول على كلآم الجرآيد ..

بوثنيان · #8 30/05/2009, 04:16 AM

إقتباس

الرسالة الأصلية كتبت بواسطة هلالي دووووووم


	لو جاء حسن معاذ وعبدالرحمن القحطاني واحمد الموسى أنا أظمن لك كل البطولات الموسم القادم

نضمن الـ( تشامبيونز ليق ) وانت الصادق

بوثنيان · #9 30/05/2009, 04:18 AM

إقتباس

الرسالة الأصلية كتبت بواسطة algnass-20


	وعليكم السلآمـ .. مو أنتقآص لموضوعك ولآ شىء .. لكن حسن وبـ 30 مليون ..!! أجل أذآ الزوري بيجدد بيطلب 10 مليون تجديد فقط .. أخوي مبلغى كبير جدآآ .. وفيه لآعبين أسيويين قآدرين على سد الخآنه أذآ أطرت الأدآرهـ لهم وتكلفتهم لآ تصل 13 مليون على مدى عآمين .. لكن الأدآرهـ تفكر بشغلهآآ محليآآ .. لكن لو وصلنآآ للمبغ الي عرضته على حسن رآح نجيب أفضل منه بدل المحترف الآسيوي .. << بمآآ أن الآدآرهـ أستغنت عن سول على كلآم الجرآيد ..

اخي العزيز انا معك ان فيه اكثر من خيار اسيوي ...

ولكن اذا قالو لك تدفع في اسيوي 15 مليون لمدة سنتين أو ثلاث سنين

أو

تدفع في لاعب محلي ( حسن معاذ ) 30 مليون ويقعد عندك الى الاعتزال .. وش بتختار ؟

صــ لهم ـــاحي · #10 30/05/2009, 04:19 AM

بوثنيان
طلبتك نزل موضوع حملة ((حسن معاذ ولو بـ50مليون))

هلالي وهبي · #11 30/05/2009, 04:20 AM

حسن معاذ يستاهل لكن الغلطان ماراح يوافق لو دفعت 100مليون

دوودي القحطاني · #12 30/05/2009, 04:22 AM

خير ان شاء الله !!!!!! وش تحس فيه انت ..

اما حسن معاذ ب30 مليون ليش كرستيانو رونالدو وانا مدري

ياعمي خمسه مليون تخب عليه ..

اقول ورى ماتهجد والاداره والمدرب اعرف مني ومنك خلو منا البلبله اللي ما من وراها فايده

هلاليه وذوقي هلالي · #13 30/05/2009, 04:23 AM

حسن معاذ لاعب قوي ويملك رجل قويه ..بس انت مبالغ بكلامك وموضوعك . وعن ان اللاعب هلالي .وحسمت حتى التعاقد معاه ..بس انسى البلطان بيفرط فيه عشان الهلال .لو فريق ثاني ابشر بعزك بس عطني مبلغ
وجهة نظري...

كبير يا ((هلال)) · #14 30/05/2009, 04:23 AM

((حسن معاذ ولو بـ50 مليون))

كاريرا · #15 30/05/2009, 04:28 AM

وربي فقدت الأمل ان يجينا لاعب ينهي ازمه الظهير الأيمن