المهم يا جعلي ما ابكيكم صارتلي سالفة الاسبوع اللي فات في مستشفى ارامكو بالخبر مدينتي الحبيبة عند بوابة المستشفى اللي تؤدي الى الغرف >>> يا كبير تعرف توصف


المهم و انا داخل رايح لجدي الله يقومه بالسلامة عند البوابة الرئيسية الى اشوف مرة كبيرة بالعمر كانت نازلة من السيارة و ما معها احد و هي نازلة تكرفست المسيكينة و طاحت المهم الكل هب للمساعدة و اذا كلهم رجال و كل واحد فيهم يطالع الثاني انا هنا استغربت من الموضوع واحد فيكم يتحرك يا بقر


المهم و يجيكم بو زوزو و يدخل داخل المعمعة و يجي عند العجوز و يقول لها (( معليش يا يمه سامحيني اعتبريني مثل ولدك و قومي معاي انا بشيلك المهم و شلتها و بستها فوق راسها و قالت الله يوفقك يا ولدي يا جعل عيني ما تبكيك و الله انك احسن من عيالي اللي كل واحد همه زوجته و قامت تصيح انا عورني قلبي انا مشكلتي حساس جدا جدا اقل شي تدمع عيني كيف و لو شفت وحده عجوز مسيكينه جايه و محد معها ... المهم و جلستها و ناديت الممرضين و خذوها


المهم و انا داخل للمستشفى و شوي الا 3 شياب يقولون لي سود الله وجهك تشيل حرمه ما تدري انك منتب محرم لها يا ويلك من الله بس ياللي ما تستحي ما فيك مرجلة ليش شسويت ؟؟؟


عاد انا عندي مبدأ اللي اخلاقة زفت انا ازفت منه .... رديت عليه و قلتله:- و الله المرجلة خليتها لك ياللي تطالح المرة و تبحلق فيها و تتفحصها ولا عاد تحركت تشيلها ... تقلع عن وجهي بس شياب اخر زمن لو في البحرين طلعت الحمية و هنا بالسعودية ما يجوز الله يجزاك خير تقلع عن وجهي بس .


المهم الرجال قالي و الله لن اسامحك فيها يوم القيامة لانك قذفتني و انت جزاك عند رب العالمين على هالفعلة تمسك مرة ماهي من محارمك و مدري شنو

المهم تلاسنا و تدخلوا ناس و سفطته و طبعا المهايطي يوم شاف الناس قام يطول لسانه بس انا كبرت مخي شوي و قطيت عليه كلمة بس اخاف اللي في المنتدى يزعلون .......


المهم يا عزيزاني انتم كلكم اللحين انا اقترفت ذنب كبير اتحاسب عليه

و لو احد منكم صارله مثل هالموقف وش بيسوي

و لو جاكم ناس فيهم بثاره زي الثلاثي الكوكباني اللي فوق وش بتقولون لهم

و هل لهدرجة ما في احساس من هالمواقف



دمتم لي زعماء