نادي الهلال السعودي - شبكة الزعيم - الموقع الرسمي - ســــامي ........ دعوة للعقلاء فقط...

عندي كم نقطة بعقب فيها وأبيك تعذرني لو طولت :)

أولاً هل سامي من اختار الإدارة وألح عليها وسعى لها أو الأمير عبدالرحمن بن مساعد من اشترطه عضواً في إدارته :) ؟

وثانياً وش المعطيات اللي أنت قدمتها واللي تبرهن فيها فشل سامي ؟ عمره الإداري القصير فقط ؟ هل الخبرة ضرورة في النجاح الإداري ؟ هنا فيه خلاف بين عقليات التكنوكرات وعقلية التنويريين :) , فحدد من أي نوع انت ؟ وعموماً كلهم ما أأيد نظرياتهم والمزج بينهم يعني الوسط خير الأمور, مو كل من جاء لمنصب أقوله عندك خبرة ولا اقضب الباب :) , هذا اللي دمر كثير من الأنظمة الإدارية بالبلد وقتل المبدعين :(

وثالث شي يا عزيزي الأمر ما يحتاج خبرة كون ان عندك مهام محددة لازم تقوم فيها :) , فهل انت عندك ورقة مدون فيها مهام متولي منصب مدير الكرة علشان تحدد هل قام فيها على أكمل وجه أو لا ؟

ورابع شي الأمير عبدالرحمن بن مساعد قال كلمة مقتبسها من القرآن " خير من استئجرت القوي الأمين " , فسامي مؤتمن عند عبدالرحمن بن مساعد ويثق فيه وبنزاهته, ومن ناحية القوة , فالقوة المطلوبة بمنصب سامي هي قوة العقل والمنطق :)

فلا تلقي باللوم على سامي أو غير بالإدارة بدون ما تكتب كلام واضح وتعرف وش تتحدث فيه, لا أنت اللي قدمت لنا وش مهام سامي المنوطة فيه, ولا سويت Check list تبرهن لنا وش قصر فيه ووش اللي قام فيه على أكمل وجه :), وغير كذا الأمير عبدالرحمن بن مساعد قال حنا كإدارة نعمل كمنظومة واحدة ولا فيه تفرد بالرأي, يعني لما يخطي أحد يكون اللوم على الإدارة كلها لأنهم يعملون كفريق وما فيه اللي بزمان أول واحد يشيل كل شي على راسه :) بإدارة الهلال أأكد لك ان العمل نظام ما يعتمد على فرد واحد أو صانع قرار واحد

وخلك من الشركات والمؤسسات هذي مو وظيفة على الديوان :) , هذي وظيفة يرشح لها الرئيس من يراه مناسب بناءً على نظرته الخاصة واحتياجه, وسواءً كان سامي أو يوسف ما دام الرئيس وثق فيه لازم نحترم ثقته وما نخون في من استئمنه ونحاسبه في النهاية بالمنطق والعقل وبرضوه لازم ندرك ان الخطأ وارد, ومن لا يخطئ هو الذي لا يعمل وسلامة عمرك :)

وبصراحة ضاق صدري من مقالك مو علشانك نقدت سامي :) , بس علشانك يا عزيزي لم تطبق أساليب النقد ولم تهدي لسامي عيوبه :), فقط ذكرت انه فاشل بالإدارة دون أن تثبت بالعقل والمنطق والأدلة والبراهين :), دعك من الاستنتاجات التي يستطيع أن يؤديها أي شخص بناءً على عاطفته :), والنقد جميل ويتقبله أي أحد بس بأصول

يعني بالعربي لا تجي وتقولي انت فاشل في الأمر الفلاني وتسكت :) , قلي أنت أخطئت في كذا وكذا وكذا والمفروض حسب اللائحة انك تسوي كذا وكذا وكذا وغير كذا الله يرضى عليك بفن النقد غير مقبول

واعذرني لو أطلت ولا قلت شي ما راق لك ولا سامي عزيز حيييييل علي وراح أدافع عنه لو شفت أحد قال في حقه شي مو كويس , ولكن متى ما رأيت منه خطأ بين , وقتها تأكد اني أول من راح ينتقده ويحاول يدله على الطريق الصحيح :)

:rose: