|
انت هلالي صدق... و من الرياض ؟؟؟ تعال هنا حتى انت لازم تنتقد.. بسم الله الرحمن الرحيم السلام عليكم و رجمة الله و بركاته كيف الحال .. ان شاء الله طيبين؟؟ ياخوان و الله انا شخص ما اعرف للمقدمات و لا الكلام الفاضي بادخل في الموضوع على طول ... لاحظت من بعد مباراة الهلال الاخيرة و الخروج الحزين لكل هلالي صادق ان المنتدى بادية فيه حملة انتقاد شديدة اللهجة للاعبي الهلال و المدرب و الجهاز الاداري و الرئيس الخ.... و لكن لا احد منتقد للجمهور الهلالي خاصةً اللي في الرياض و من هذا الموضوع لازم كل جماهير الهلال اللي في الرياض توضح انها قصرت مع الفريق و خذلته في عديد المباريات في الموسم و لازم كل واحد من جماهير الرياض يوضح حقيقة حضوره لمباريات زعيم اسيا فكل واحد في المنتدى يبين حالته (( طالب متوسط و لا ثانوي و لا جامعة و لا متزوج و اذا كان بالجامعة وش التخصص و هل هو من جد مضغوط بالدراسة ؟؟؟)) و بابدأ من نفسي انا هاذي اول سنة لي بالرياض طبعاً طالب جامعي و تخصصي كرف في كرف الا و هو البرنامج للكليات الصحية في جامعة الملكـ سعود و الله ما ازل عليكم دوامي اللين الساعة 5 العصر الفصل الاول و الفصل الثاني دوامي من 8 صباح اللين 5 العصر و حضرت للهلال السنة هاذي دوري المحترفين السعودي الهلال VS الاهلي الهلال VS النصر الهلال VS الحزم الهلال VS الشباب الهلال VS نجران الهلال VS النصر الهلال VS الشباب كأس ولي العهد النهائي الهلال VS الشباب دوري ابطال اسيا الهلال VS صابا باتري الايراني الهلال VS الاهلي الامارتي الهلال VS باختكور الاوزبكي كأس خادم الحرمين الشريفين الهلال VS النصر الذهاب الهلال VS الشباب الاياب 13 مباراة 11 فوز 2 تعادلين و لا هزيمة و لله الحمد:alzaeem: و المباريات اللي ما حضرته الهلال و الاتحاد كان عندي اختبار يبدأ الساعة 7.00 و المباراة 8.30 الهلال و ام صلال نفس الكلام اختبار الساعة 7.00 و المباراة 8.30 اما بقية المباريات اكون برا الرياض تعرفون عزابي راجع لاهله:d و انا والله ياخوان ما قصدي اتفخر بحضروي للمباريات و لكن احاول اوجد حل لــــ(( هياط الانترنت )) لانه من جد حاجة تقهركـ كل مرة تدخل المنتدى و تلقى انواع العالم رايحين للملعب تقول والله مشكلة لازم تحضر قبل المباراة بساعتين و لا ثلاث و لما تدخل المباراة الحضور ضعيف جداً و اقل من هياط الانترنت و الكذب اللي فيه فالهدف اللي اقوله هنا ان الجميع الموسم هذا اخطأ و انا اشوف ان اكبر خطأ على جمهور الهلال خاصةً اللي في الرياض فلازم انه من الموسم الجاي يتعدل الوضع و يكون الحضور افضل من كذا بكثير و اخيراً اقول ما ذكر فوق وجهة نظر تتحمل الخطأ و لا الصواب و انتظر تفاعلكم اخوكم / ابو أسامة |
اقول بالنسبه للحضور صدقني ماقصروا ... لاكن اللعيبه هم انفسهم الي قصروا |
اخوي ابو اسامه اصلا الجمهور مااقصر وخصوصا في المبارايات الاسيويه الجمهور مااقصر واللي يبي ينقد لا ينقد على الجمهور واللاعبين انقدو على الاتحاد السعودي بعد طرد كوزمين وانقدو على الاشاعات التي تحاصر البيت الهلالي الموسم هذا راح بخيره وبشره ان شاء الله الموسم القادم هو الافضل للهلال بحضور مدربهم الجديد ولاعبيين جدد راح يجوون |
ياليل ما أنت بليلة وش سواء لكم جمهور الرياض بعد .. ماقصر في المبارة الأخيرة رغم الاختبارات الحضور جيد بنسبة 70% وبعدين أنت عزابي وأهل الرياض عندهم أهل يخلصون أشغالهم وغير كذا أقارب .. يعني لا تأخذ الموضوع من الناحية السلبية خذها من جميع النواحي |
الصراحه ماقصروووووا لكن ان شاء الله نرى هلال الموسم وليس اشباه لاعبين ابي لعب رجولي ابي العب 4-4-2 ابي قائد محنك .......... واخيراا اخير ا اخير ظهير ايــــــــــــــــــــــــــــــــــــــمن |
جمهور الرياض حظر اوماحظر كلها واحد لانو ماله تأثير على الاعبين لو له تأثير كان نشوف الروح والحماس بالاعبين شوف الهلال يلعب خارج الرياض بحماس ويلعب بالرياض ببرود |
والله انكـ صادق واغلب الجمهور اللي حظر موب من الريآآآآض,,,, كله جاي من برا الرياض << انا جيــــت من حايــــــــــل ورجــــعت خايــــــــــب وربي قهـــــــــــــــــــــــر ياليــــــــــت مباراة الهلآآآآآل في الدمام ولا اي مدينه غيـــــــر الريآآآآآآآآآآآآآآآآَض ^_^ |
لاياشيخ اقول ياراعي الموووضوع الشباب بدون جمهور ويجيب بطولات ياخي الاعب كل شي متهيئ له عقود ورواتب ومكافات وش يبي بالجمهوور يقاله عذر الحين انا الي يقهرن اذا قابلو مع لاعب قال نبي دعم الجمهورر نريد حضور الجمهور <<<<<<<< شماعه للعبين والاداره |
جمــــــــهور الريـــــــــــاض فشلنـــــــــا في كـــــل مكـــــــــــــان مـــــــــا بقــــــــي الا ندفـــــــــــع فـــــــــلــــــــوس عشــــــــــــان يحضـــــــــــــــرون والله هـــــــــذا اللـــــــي بــــــــــاقي بــــــــــس ســـــلامي على جــــــــمهور الشــــرقيه وبريـــــــــــده ومـــــــــكه وجــــــــــــده وتبـــــــــــوك وابهــــــــــــــــــــــــــا وحـــــــــــــائل |
ب التوفيق للهلال ,,,..’’’’’,....,’’’’’,.. تحيتي لك |
مشكورين ياخوان على المرور و ارائكم اثرت الموضوع و الاختلاف في الرأي لايفسد في الود قضية |
إقتباس:
كفو والله هذا الكلام شوفو جمهور الهلال بالشرقية كيف يحضر ويساند ويهز الملعب مو جمهور الرياض مع كامل احترامي ما يحضر واذا حضر حور سلبي وانتم تعرفون معنى الحضور السلبي يعني جالس يفصفص وشاطر اذا ضيع لاعب هجمة قام يصرخ ويسب ويلعن انا ماشفت زي روح لاعبين الهلال بالشرقية:naughty::naughty: |
يعطيك العافية اخوي ع الموضوع انا يا طويل العمر طالب ثانوي ساكن بالشرقية وهذ الموسم حضرت مباراة الهلال والاتفاق وهذا يكفيني وانتم شفتو الملعب كيف كان وتكفيني كلم صاحب السمو الامير الرجل الشهم النشيط الامير/نواف بن سعد .. الذي مرت به ظروف ابنه الصحية في تهاية الموسم عندما قال: ظلل>>جمهورنا بالشرقية قدوة قدوة قدوة قدوة تعرف وش معنى قدوة يعني اعتبرو وافهمو يا اولي الاباب هذا يكفيني تقبل مرووووووووووري.......... |
مشكورين ياخوان على المرور و الله يعطيكم العافية |
اقول بالنسبه للحضور صدقني ماقصروا ... لاكن اللعيبه هم انفسهم الي قصروا |
| الوقت المعتمد في المنتدى بتوقيت جرينتش +3.
الوقت الان » 02:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd