|
نصيحه لشبيه الريح : لاتبذر الأموال في جلب أي أجنبي لأن لان يفلح أي أجنبي حتى لو لعب للزعيم ميسي وكرستيانو لأن هناك مشكله لا نعرفها كجماهـير ومحبين للزعيم ونحن نشاهـد اللاعبين بلا روح وبلا غيره على الفريق وإلا أين لعب الزوري وإختراقاته الخطيره وأين ياسر وأين عزيز وولي هامسون والباقين وكأنهم يلعبون لتأدية واجب بمعنى هناك عله داخل النادي تسببت على خروجنا المبكر والإداره عندها العلم والخبر عن مايحدث للزعيم وأتوقع أن هناك أحد المسؤلين القريبين للاعبين تسبب في هذه النكسه وأنا متأكد أن اللاعبين لايريدون هذا المسؤل القريب منهم ولكن يبقى السؤال من هذا القريب الذي لايريدونه وتلاحظون اللاعبين أثناء المباراه يفقون التركيز وكأن اللاعبين تفكيرهم منشغل بشيء ما وضروري ننقذ فريقنا لكي لا نبحث عن المسيار مثل ما بحث عنه جيراننا وضروري نكون يد واحده لمعرفة المتسبب في النكسه وهذا العمل يجب أن يقوم به وحده الأمير عبدالرحمن بن مساعد وأن يجتمع بكل لاعب على إنفراد لمعرفة الأسباب وياليت ترجع إدارة فريق كرة القدم السابقه والتي عملت مع محمد بن فيصل |
يااخي قلها سامي الجابر انا شف والله ماادافع عن سامي ولكن كلن يهاجمه ويمكنه فعلا صدق اللي ينقال عنه الزبده اللي ابي اوصل له سامي خلاص راح يمسك منصب ثاني غير مدير الكره وان شاء الله راح يتحسن كل شي والله يوفق سامي والفريق |
نحتاج أهم شي للموسم القادم تغيير بعض أعضاء الإدارة أولها سامي .. ويرجعون لنا الأحمد البطي لا زم يرجع المجاملات لازم نتركها .. بعد كذا اللاعبين يعرفون وش اللى عليهم |
ترى سبب هزيمة المان يونايتد بسبب سامي يااخي ليه تتكلم بالرموز قل انك تقصد سامي وفكنا الحين مااحد قريب من اللاعبيين الاسامي مافيه جهاز فني ولا ادارة ممكن يكون الخلل في احدها لازم تحطونها في سامي ياخي كبر عقلك |
والله يخوي انك صاااااااااااادق اهم شي الروح |
الموسم القادم فيه إصلاحات كثيرة وإن شاء الله من ضمنها البطي أو الأحمد في منصب مدير الكرة :) .. هذه وجهة نظري ولا احد يجي مطفي ويقوم يسب :) |
ياليت نتعلم من صفقاتنا الماضية كيف نجحت وبأقل الأثمان !! ياليت نتعلم كيف تمت صفقه كامتشو !! ياليت نتعلم كيف تمت صفقة تفاريس !! مع الأسف نحن نسير للخلف أتمنى أن نقصر صفقاتنا على القارة السمراء وأمريكا الجنوبية فقط ، الأوروبي لاينفع !! |
انا اقول ياليت يرجع محمد بن فيصل او بندر بن محمد لاداره الهلال لانه بالفعل الاداره ليست مجرد دفع اموال محتاجبن حزم وجد مع الاعبين والاداريين اكثر من كذا يكفي المستوى الباهت هذا الموسم وننتظر هلال بطله بهيه الموسم القادم نصيحه لعبدالرحمن بن مساعد لاتغتر بالاعبين الاوروبين وشرق اسيوين انا احس انه تعاقد مع ويلي ليكون اول لاعب سويدي في الاراضي السعوديه ونفس الكلام بنطبق على الاهبل سول وهم المستفيدين ولم يفيدوا النادي بشيء , انا اشوف ويلي لاعب جيد لكن مو بهذا المبلغ والدليل شوفوا صفقات الاتحاد كلها ماتجي ربع صفقه ويلي الحاله |
أيام كويزمن ما كان للإداره أي تدخل لأن كوزمين قايم بدوره ودور الإداره وحتى سبب طرده من الهلال كان يقوم بدور الإداره لأنه يحاول أن ينزل باقي اللاعبين لكي يحتفلون مع البقيه وهذا الشي ذكره كويزمن في قناة ابوظبي الرياضيه عندما قال المفروض أن الإداره هي من تتفاهم مع مسؤلين الملعب لكي يتواجدون بقية اللاعبين معنا ونفرح سويا بالبطوله ولكن سنفكر بالقادم ونأمل إذا حصل تغيير في الإداره المشرفه على كرة القدم أن تبتعد خارج النادي ولايكون لهذه الإداره أي مسؤليه بالنادي ولعل وعسى أن تضبط الأمور |
سامي الجابر اقولها وماني خايف من احد سامي الجابر السبب فالترحل ياسامي عن الاداره نحبك كالاعب لا نحبك كا اداري والله اني فرحة بقرار رجعة منصور الاحمد سامي انا احبك لاكن حب الهلال اكبر من حبي لك انسحب عن النادي بكل هدوء افضل |
هل يستطيع لاعب بشرط يكون شجاع وغيور على الزعيم ينقل للرئيس مشكلة اللاعبين الرئيسيه و التي جعلتهم يلعبون بدون روح وحماس ؟ ياليت هناك من يتحدث مع رئيس النادي على الحقيقه التي أخرجتنا أمام أم صلال وهـذه مسؤلية كابتن الفريق الدعيع من المفترض أن لايترك اللاعبين بهذه الروح إذا كان يعرف الأسباب |
إقتباس:
والله وانا اخوك اني قلتها قبل كذا وحاربوني جمهور سامي اللي يبغى يتأكد يشوف المقطع اللي انطرد فيه كوزمن واحد من الاداريين يروح لسامي ويقوله شوف كوزمن يتهاوش مع رجال الامن وسامي الجابر ولا همه قاعد يضبط الشماغ كأن ما صار شي الاداري اذا ما كان قد المسئولية ليش يورط نفسه ويكره الناس فيه شوفوا منصور الاحمد كيف يصارخ على اللاعبين اذا اخطأوا وسامي مثل واحد من الكراسي ولا يتحرك حتى لما يكون فيه مشكلة بين المدرب والحكم الرابع سامي ما يتدخل هذا كلام غير سليم اجل ليش حاطينه يترزز قدام الكاميرات كلنا نحب سامي الجابر ولكن الهلال اهم من عشرين سامي الجابر يا ليت يتم الاستغناء عنه نهائي ولا يتدخل في شئون الفريق نهائي يقول عبدالرزاق ابوداوود رئيس النادي الاهلي انه ضرب لاعب كف عشانه ضيع هجمه محققه قدام الاتحاد وفي نفس المباراة هذا اللاعب جاب هدفين وراح عبدالرزاق ابوداوود يعتذر منه ويقول انا ما ضربتك الا عشان الاهلي انا ما ابي الاداري يضرب اللاعبين لكن ابيه يكون حازم معهم ويمارس حقوقه كأداري مسئول لانه هو المحاسب من رئيس النادي لانه تهمه مصلحة الفريق بغض النظر عن مكانة اللاعبين |
وأنت صادق يا أخوي / مشعاب هلالي الشخص الذي ذكرت أنه أبلغ سامي الجابر بمشكلة كوزمين مع رجال الأمن هو مدرب الحراس منصور القاسم ولكن سامي مشغول بتعديل الشماغ وتنكيس العقال ولا نعلم أين الخيره هل هي بتأهلنا أم العكس وهذا لا يعلمه إلا الله سبحانه |
| الوقت المعتمد في المنتدى بتوقيت جرينتش +3.
الوقت الان » 05:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd