نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته ،،

اخواني اعضاء شبكة الزعيم

اخواني الهلاليين

ادخل من زمان الموقع وكنت مجرد مشاهد وقارىء ولكن الحين لازم اكتب موضوع

يا اخوان انا مشجع للهلال من 30 سنه يعني من جيل العمالقه صالح النعيمه وفهد المصيبيح وفهد عبدالواحد وابراهيم اليوسف ويوسف الثنيان والقائمه طويله عندي والله ..

حزنت وخنقتني العبره يوم انهزم الهلال مع ام صلال نفس الحرقه والحزن اللى اكتب فيه الموضوع الحين ..

يكفي تجريح في الهلال وفي الاعبين يكفي واللى يرحم والدينكم ..

زمان ايام زمان .. ايام البطولات ايام العظماء ايام الكبار .. كنا نزعل ونغضب ولا كنا نجرح في الهلال ولا في اللاعبين ..

اذكر مباره كانت مع النصر وكنت في الملعب في الملز .. خسر الهلال نزلت دموعي في الملعب لكن ما جرحنا في الهلال ولا في اللاعبين ...

نفرح ونحزن ولا نجرح في الهلال ولا في اللاعبين .. لانه وبكل بساطه .. ترى هذا الهلال يا نااس

هذا الهلال هذا الازرق .. تصدقون من قبل لا يصير زعيم اسيا كان زعيم في قلوبنا ..
هذا الهلال هذا الازرق ..

اتمنى من كل محبين الازرق .. خليكم مع الازرق بدون تجريح ..

خليكم مع الازرق يا شباب

وربي اللى خلق السموات والارض لو ينهزم الهلال مليون مره ... لو ينزل درجه ثالثه ... هلال

هذه هي مكانة الهلال في قلوبنا اول وما زالت .. خليكم مثلنا يا شباب

الهلال فوق وفي السما عالي لو انهزم او تعثر ..
خسرنا الدورى .. وش فيها ؟؟ مانشتر خسر بطوله اوروبا

خساره اسيا .. وش فيها ؟؟ كل الفرق تخسر ..

اهم شي لا نجرح في الهلال يا شباب

اوووه هذا الهلال الغالي ...

وسلامتكم
في امان الله