|
الى متى هذا الهجوم على محمد نامي ؟!! السلام عليكم ورحمة الله وبركاته انا هنا لست بموقف المدافع او المطبل لمحمد نامي او المطالب به ولكن ما اراه واسمعه اجبرني على الكلام واخراج ما كان بخاطري اليكم فلا يكاد يخلو موضوع في هذا المنتدى الى ويتكلم عن محمد نامي ويستهزء او يستهتر به وكأن كل اخطاء الهلال تأتي من عنده فأن لم يسجل الهلال هدف فالمتسبب محمد نامي وان تلقى الهلال هدف فهو المتسبب عجبي لما ارى واسمع سواء هنا او في المدرجات او في اي تجمع هلالي اكون متواجد فيه ولا يكاد يكون كلامهم الا عن نامي !! وانا بصراحة احببت أن اتكلم عن هذه النقطة رغم اني ارى انه لا بد من تواجد ظهير ايمن يجيد اللعب والادوار الموكلة له في هذه الجهة فانا حقيقة سئمت من تحميل نامي كل ما يجري في النادي دون ان ننظر لهذا لموضوع من جميع الاوجه !! فنامي كما نعلم وضع في خانة ليست بخانته والسبب واضح الا وهو عدم وجود ظهير ايمن في نادي بحجم نادي الهلال !! ولو افترضنا مثلا ان نامي قدم اعتذاره عن اللعب للهلال كما فعل المفرج فهل هناك من سيلعب في الظهير بدلا عنه !! ومن يقول ان البيشي يستطيع سد هذه الخانة وهو في هذا العمر فأنا اقول هذا شبه مستحيل فلاعب لا زال يحتاج لثقة وهذا لن يحصل وهو مراقب من الجمهور الذ ينتظر اي زلة ليبدأ في الهجوم المستميت كالعادة !! نعود الى نامي والذي ارى بأنه حمل فوق طاقته وان الادارة تتحمل مشكلة هذه الخانة وهي تعلم ان اللاعب يلعب في خانة ليست له وانه يلعب تحت ضغط جماهيري رهيب يتشارك فيه جمهور المنافس مع جمهور ناديه بعكس من يلعب وهو يعرف انه لو اضاع او لم يحرك ساكنا فسيصفق له الجمهور وسيبدئون بمسلسل التفديات كتفداك البطولة ويفداك الهدف و و و اذا المشكلة هنا ادارية بحته وانا كلي ثقة بأن شبيه الريح سيحل هذه المسألة ولكن لننتظر ولنترك الامور تمضي فمن معه مثل شبيه الريح فلا يخاف على فريقه ولا يحزن فالامور ستتحسن وهي تبشر بالخير في المواسم القادمة بأذن الله !! اخوكم سعود :rose: |
طبل يا مطبل الحمد لله والشششششششششششششششكر ما نبي نامي في الفريق ولا نبيك في الشبكة |
الا ان يصبح بطل ويعتذر عن لعبه هذا المركز الذي لايجيده كما فعل قبله الاعب رالديس البوليفي عندما رفض هذا المركز .. هنا الفرق بين الاعب المحترف ..ولاعب ( دقها والحقها)..!! |
إقتباس:
الحمد لله على كل حال وانا ما طبلت لنامي ولا شيئ وردك على الموضوع بهذه الطريقة يثبت انك ماقريت الموضوع اطلاقا اما مسألة اني اترك الشبكة اتمنى تجيب لي صك ان الشبكة ملكك وراح اتركها على طول |
نامي .. مستواه أسوء من السئ .. و المشكله بانه كان عنده أفضل من كذا .. فنامي عطيناه فرصه كبيره و لكن للأسف خذلنا و بقوه .. و لذلك بعد إنتهاء الموسم .. لازم نجيب ظهير أيمن يكون فيه روح و يتحسن من مباراة لمباراة مو قاعد يستهبل بالملعب مع إحترامي لنامي .. و نامي ليس الوحيد .. فالتايب .. و ويلي .. و سيول .. لازم ما نشوفهم مع الهلال في الموسم الجاي .. و الزوري و ياسر و عزيز و المرشدي .. ينتبهون لنفسهم و يحسنون من لعبهم .. و هوساوي و بعده رادوي و بعده الدعيع .. كانوا نجوم الموسم .. و خصوصا هوساااااااااااااااااااااااااااااااااااااااااااوي .. |
إقتباس:
اخي العزيز فلنفرض انه اعتذر عن اللعب في هذا المركز وكما ذكرت في موضوعي انه لو يعتذر من سيلعب في هذه الخانة المشكلة في عدم وجو لاعب يلعب في هذه الخانة وهذا ما تتحمله ادارات النادي المتعاقبة منذ رحيل الدوخي :rose: |
إقتباس:
هلا بك اخوي انا معك ان نامي مستواه سيئ وانا طالبت في وجود ظهير ولكن الي ذكرته في موضوعي لماذا الهجوم على نامي فقط دون غيره اذا لم يسجل الهلال فالسبب نامي واذا تلقى الهلال هدف فالسبب نفسه انا هنا اتمنى وجود ظهير كمعاذ وشهيل ولكن ليس من المعقول وهذا هو واجب الادارة فكيف تستطيع ان تجلب لاعب ب 52 مليون لموسمين ولا تستطيع ان تجلب لاعب محلي يسد هذه الخانة :rose: |
نامي دور له نادي في حارتكم وخله يلعب ظهير عندهم واتحداك اذا ماينطرد لاتطبل لشخص مايستاهل والله ان الحارس العتيبي لو لعبناه مكان هالنعجه يسدها لخانة احسن منه |
إقتباس:
انا طالبت بظهير ايمن بديلا عنه وطالبت الادارة بالتحرك لحل هذه الازمة !! |
نامي ينفع للجار او للاهلي كبدر الخراشي ولكن بالزعيم واساسي صعبه .. الاعب نقطه ضعف واضحة بالفريق . حسن معاذ ومن بعده الرهيب هم من يستحقون شغل الظهير الايمن بالفريق . |
إقتباس:
|
إقتباس:
ايه واضح جدا 10 اظهرة في 3 سنوات !! لا تعليق |
اخوي مشكور على موضوعك المهم معليش يا اللي تقولون انكم من جمهور الهلال ياخي وين الثقافة الكروية اللي عندكمم خلاص تعودنا ان نامي هو شماعة الهزيمة بالله شف الموضوع هذا >>> تائب خربها ... والشلهوب ضيعها...والمفرج ودعها</STRONG> كاتبين ان نامي هو سبب الهزيمة المشكلة انه كان مبدع ومؤدي اللي عليه في مباراتهم مع ام صلال انا بعرف شي واحد ليش محد لام ياسر القحطاني والله انه ما سوى شي ليش محد لام الشلهوب او التايب لاعبين الهلال كلهم ما سوو شي مو بس نامي يعني غريبة نامي هو سبب الهزيمة وهو اصلا ما شات ولا بلنتي ولا حرس المرمى عشان يكون سبب الهزيمة لكن ما اقول غير الحمد لله والشكر على العقل والله اهل العقول في راحة |
إقتباس:
اخيرا لقيت من يفهم المقصد من الموضوع الموضوع ليس تطبيل بقدر ما هو مساواة لجميع اللاعبين المخفقين واللاعبين المميزين شكرا لتعقيبك :rose: |
لاعب احس انه لسه مااخذ الجو على فريق مثل الزعيم بس اتمنى انه يمسك دكة الاحتياط مثله مثل نجوم غيره بعد ماضاقوا دكة الاحتياط رجعوا واثبتوا انفسهم محمد نامي محتاج يرتاح شوي والشرهه ماهي عليه على المدربين اللي الى الآن مادققوا على هالمركز زين ياخي شوف الاندية الثانية وخلونا زيهم في دكة الاحتياط تلاقي نجوم لكن الهلال شاطر يخسر على لاعب واحد ملايين الملايين ونسوا مراكز لابد انهم يشوفون لها داعم من راح الدوخي واحنا محتاسين بيني وبينك... ماهو عيب لو شفنا من اندية الدرجه الاولى ولا تاخذنا العزه بالاثم ونجيب لاعبين دوليين ونخسر خساير ما منها فايده.. هذا مشكلتنا اذا طاح الفاس في الراس نشوف بعض المشجعين الله يهديهم يلومون حتى سواق البراعم لباص النادي ... اتمنى اننا مانلوم اي احد من ادارة ولا لاعبين ولا حتى مدربين ونشوف لجنة الاحتراف بالنادي وين تنظر في هالامور اللي من زمان ماشفنا اي احتراف الا عن طريق واسطه قوية والا مايلعب اغلب لاعبين النادي واسطه وين تبغى الفريق يفلح ... تقبل مروري اخوي واشكر لك هالموضوع ... |
| الوقت المعتمد في المنتدى بتوقيت جرينتش +3.
الوقت الان » 04:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd