نادي الهلال السعودي - شبكة الزعيم - الموقع الرسمي - نادي الهلال السعودي وسبب التأسيس

بسم الله الرحمن الرحيم

من يوم عرفت الهلال وانا اشوف الهلال المنبع الاول لصناعة وتغذية الكره السعوديه بالمواهب
واللاعبين الكبار الذين تخرجوا من مدرسة الهلال الكرويه من الناشئين الى الشباب الى الفريق
الاول
وكان الهلال الفريق الي كان اغلب الجمهور على مختلف ميوله يستمتع بمشاهدة نجوم هذا النادي
الكبير والي كانوا محل مفخره لنا كجمهور محب لهذا النادي

ولكن الهلال الفتره الحاليه تخلى عن هذي الميزه باهمال نجوم الهلال الصاعدين الي تعلموا في مدرسة
الهلال وتعودا على البطولات من يوم هم صغار لان ثقافة النادي تبدأ من الناشئين وتستمر معاهم
حتى الفريق الاول

وللاسف الان الفريق 95 % من خارج النادي والحصيله اسوء جيل لنادي الهلال وحتى وان احرزوا بطولات
محليه فهي لاتمثل الطموح واللي اشوفه انا ان هلال السنوات الاخيره هو اسوء جيل عرفه الزعيم
على مدى العصور والدليل حتى لو فزنا نفوز بدون مستوى وننهزم بدون مانقدم مستوى

الهلال كان حتى لو انهزم هو الفريق المسيطر والاكثر هجمات والافضل في المباراه والدليل ارجعوا
لمباراة الهلال مع النصر يوم فاز علينا النصر 3 /1 فالنهائي وشوفو كيف لعب الهلال فذيك المباراه

فيا سمو الامير عبدالرحمن بن مساعد وجميع رجال الهلال اهتموا بابناء النادي والله فيه مواهب
تستحق اللعب مع الهلال والله افضل من اللاعبين الي قاعدين نشاهدهم يلعبون بتاريخ الهلال
حتى اصبحنا مهزله لكل من هب ودب
والله ابناء مدرسة الزعيم افضل من يجيك لاعب يلعب ببرود ولا همه غير نفسه ولا الثاني يستعرض
مهاراته لارضاء نفسه والفضايح تجينا وحده تلوا الاخرى

درة الملاعب استاد الملك فهد بعد ماكان رعب للانديه الي تقابل الهلال اصبح مكان لنكسات الهلال
والسبب والله العظيم لا مدرب ولا اداري السبب اللاعبين واللاعبين الي جمهور الهلال متامل فيهم
خبر بدون مااحدد اسماء فقط هم اسباب نكسات الهلال لاننا والله مخدوعين فيهم

لااحد يقول هذا تأثير الهزيمه لا والله هذا الكلام انا مقتنع فيه من فتره طويله