|
ياسر طايح مستواه ما يتحرك ما يحاول يسحب الفريق لقدام ما يصنع ويعطي ويستفيد من رقابة المدافعين له ويسحب المراقبين عليه لفتح المجال لزميله زي ما كان هدف مالك على قطر كان ياسر في مستواه ونذكر كيف كان الهدف وكيف استفاد ياسر من الرقابه عليه في الاخير نرجو عودة ياسر وما يكون شايل بال للكلام الي يجيه لو يمسح الهموم الي براسه ويروق ما دام خلاص موسم منتهي مفروظ يهدي ويحاول يحسن من حاله |
ياسر مع احترامي الشديد له لازم يتربى من جمهور الهلال جمهور الهلال اللي عز ياسر ورفعه جمهور الهلال جمهور واعي مثقف بأي حق يقول ياسر اللي في المدرج يتفرج ؟؟؟ إذا لم تقف الجماهير كلها في وجه ياسر ( انسوووه ) سيكون فعل ماضي الدلع والدفاع الزايد راح يدهور ياسر إذا اردتم ياسر يرجع وتتغنون به ويفرحكم ( اقسوا عليه ) |
إقتباس:
الفريق محروق وبمباريات حساسة واذا ضيع هدف يقعد يضحك الصويلح بمباراة بختاكور ورغم ان الهلال متقدم هدفين اضاع فرصة سهلة اعتذر لزملائه بالملعب بقوة وياسر الدفاع والوسط وراه محروقين ويوم يضيع يضحك شي يجيب الضغط تحياتي لك |
يالليل مطولك اشوف مواضيع ياسر كثرت بس الله يعين على جماهير الجار ولا على حبايبنا اللي بس يبي ينتقد بعد كل نكسه اللي يقول طلعنا ياسر وبعد مانزل الصويلح مكانه تحرك اكثر منه احب اذكره في مباراتنا بداية الموسم الماضي قدام نفس الفريق وفي قطر كان الصويلح يلعب طول الوقت وكنا مهزومين بهدف ونزل ياسر في آخر 20 دقيقه وسجل هدفين وفزنا بس الفرق انه مدربنا نزل ياسر وماطلع الصويلح وصار يلعب اثنين قدام ماهو مثل تغيير الحسيني الاخير واللي جاب لنا تشكيلة نهائي الشباب وامتدح روح اسطورتنا سامي او ابو يعقوب بقوله شف من معهم التيماوي والتمياط والدوخي وخميس وابو اثنين والرشيد والجمعان ومدرب بلاتشي والحين شف من مع ياسر وقارن بينهم ولا احد يفهم قصدي اني اقارن سامي بياسر لااني اعتز فيهم كلهم والروح انا متأكد انها موجوده بكل من يرتدي شعار الزعيم بس الفرق في الامكانيات الفنيه وياما جلس سامي او الثنيان احتياط وهم سوبر ستار ومااهتز الفريق في اقوى المباريات واللي يقول الخطه ماهي سبب بقوله هي رأس المشكله لاانها شبه معطوبه هجومياً بسبب انه ماعندنا ظهير يمين يساند الهجمه صح وماعندنا من يسدد خارج ال18 ان كانت ثابته او متحركه وزود عليها نلعب بمحورين وموضوع ايام باكتيا لاتنسون كان الدوخي موجود والوسط كان كماتشو والشلهوب والتمياط يجيدون التسديد وبعض المباريات كان عمر الغامدي يتقدم ويسدد وجاب كم هدف ولما ضاعت الحلول الهجوميه هذي هالموسم صار الفريق يعتمد على الله ثم على ياسر والتايب ومستحيل يكونو في افضل حالاتهم كل مباراه واذا جت على ياسر كلنا نشوف اذا راح المنتخب وش يسوي لاانه يملك مقومات المهاجم المميز والخطه تساعده يبرز امكانياته خلاصة الهرج ياسر عنده كل الامكانيات المطلوبه في المهاجم مهاره تمركز ضربات رأس حس تهديفي وزادها يصنع لعب ويخلي غيره يسجل بتقولون نزل مستواه يجلس احتياط اوقات يراجع نفسه اشاركم الرأي بس توصل للتقطيع اللي اشوفه اسمحو لي اقولكم لبقو على جنب واحسن لكم ولنا نبحث عن حلول تساعد على تغيير الوضع بالفريق ويصير فريقنا هجومي وعندنا اكثر من حل ان كان اجانب او محليين ومانوقف على ياسر والتايب اتمنى مااحد ينقز ويرد علي بسالفه معجب ومعجبين البايخه لااني قلت رائي بنجم يلعب لزعيمنا وكلامي كله فني فقط واذا البعض مزعجه ان ياسر وسيم فهذي من ربنا ومالها شغل في اغلب ردودنا :alzaeem: تحياتي للجميع |
يالغالي كل لاعب ينزل مستواه .. و لكن الغريب أن ياسر نفسه جعل نفسه فوق النقد .. بعبارته الشهيره ( المدرج يتفرج ) هل لأنه ضمن مكانه أساسي ؟؟ أم لماذا ؟؟ بالفعل ياسر يحتاج إلى جلست مصارحة مع نفسه .. هل بالثلاث مواسم السابقة خدم الزعيم بمقدار الحب الكبير الذي لقيه من جماهير الهلال ؟؟ لكن بالأخير أقول . الهلال يمرض ولا يموت .. ياسر عد كما عهدناك و نحن ننتظر عودتك بفارغ الصبر فأنت كبير و ستبقى كبير لكن أترك عنك الغرور وستعود لسابق عهدك .. مشكووووور صاحب الموضوع على الموضوع المميز .. |
العيب مو في ياسر فكل لاعب ينزل مستواه لكن العيب في المدرب الي يلعبه مع كل ما مر من ظروف وطرده مرتين ونفسية زفت ومع ذلك يلعبه نحتاج مدرب شجاع ويجيد التوجيه والصراخ على الخط واجبار اللاعب على تقديم ما لديه او يركنه اذكر كندينو كان ما تعنيه الاسماء واي لاعب ما ينفذ الي يبي يجلسه جنبه وكذلك بلاتشي وباكيتا وايضا كوزمين كان مزعج اساسيين الهلال بلاعبين صغار ينافسونهم على المركز لذلك يحس اللاعب الكبير ان خانته مهدده ياسر ايقن مع الهلال ان ما في هالبلد الا هالولد لذلك ما همه |
انا مادري كيف تبون ياسر يبدع ويسجل وهو بين 6 مدافعين ؟؟ خطه عقيمه لو جبنا بيليه بزمانه ماقدر يسوي اي شي بهالضروف لاكن لو كان الهلال بمهاجمين صريحين .. تغيرت امور كثيــــره |
تكفوووووووووون لا تطبلوون لياسر ليتك ياسامي ترجع وتشوف وش اللي يصير في الهلال بعدين في أحد الأعضاء قال كلام عين العقل الصويلح في 35دقيقه فعل مالم يفعله ياسر في 85دقيقه ممكن طلب من العضاء ياسر وش سوى في هذا الموسم تكفوون جاوبوني جاب 10 أهداف ونصها على نجران العنبر لعب 5 مباريات جاب في الوري 7 أهداف هذي غير الأسيويه والبطولات الثانيه وتقبلوا مروري |
ياسر يعشق الهلال وهذا شي واضح ولاعب كبيرررررررررررررررررررررررررررررررر وهوا الافضل في مركزه |
اللي مايقدر الفانيله وروح الفريق والجمهور الهلالي اتمنى انه يشوف ناد يسوي اللي يبغى فيه كبار النجوم وفي القمه باستهتراهم تذوقو طعم دكة الاحتياط |
يوم اخطا عزيز قدام الاتحاد كلن حط عليه وسبه وشتمه وياسر طرد بمبارتين بالاسيوه وقدام الشباب يقولون يبي يرتاح ليش ماهو الفرق بين عزيز وياسر طرد القحطاني بالاسيويه جالس يضارب وعزيز ضرب لاعب ليش ماانتقد ياسر باللهي ليش ؟ بااذن الله انه يبي يكسر عينه بوسيور ويحطه احتياط الاحتياطي ؟ ويضيطه لللهلال |
إقتباس:
الصويلح افضل منه لاكن انتم تقدرونه للان الهلال والانحاد متنافسين عليه وكسب الهلال فقط لاغير؟ جب وش زين مع الهلال :mad: |
لماذا غابت حماس وروح الهلال في المباراة |
هبط مستوى ياسر بقوة هذا الموسم |
إقتباس:
اذا صار وده يلعب والدليل طرده وايقافه :mad: |
| الوقت المعتمد في المنتدى بتوقيت جرينتش +3.
الوقت الان » 08:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd