|
للاسف ويلي خربها!!!!! ويلي اللاعب التكتيكي العالمي وصاحب الخمسين مليون ريال اكتشفت للاسف انه خبير في (تخريب) كشافات الملاعب :no: صدقوني رجعت لكل لعبات ويلي الموسم الماضي وحاولت افهم وش يبي بس ماعرفت مع اني اول ماشفته قلت يمكن يجي منه وخاصة انه اشقر ولابس رقم تسعه واذا سمعت احد يسبه قلت له لا تسب ويلي لانه لاعب تكتيكي وعالمي وجابه شبيه الريح لان الاسطوره مقتنع فيه ....!!!! على طاري كلمة (تكتيكي) الكلمة هذي ارددها دايم ولا فهمتها من ايام حسين المسعري ودي اقول للشباب اللي يرددون كلمة تكتيكي مثلي ان المسعري تكتيكي اكثر من ويلي وودي احلف لهم ان المسعري عمر ابوه ماحسم بطوله ولا عمرنا استفدنا منه ومع كل محاولاتي بالاقتناع بويلي كلاعب حاسم وله وزن في الفريق لقيت انه خرب كشافات الملاعب من كثر ما يشوت في السما وفي بعض الاحيان يلصق الكورة في لوحة الملعب وزيادة في الاسف ان الهلال خسر بسبب ويلي خمسين مليون ريال وفوقها خراب ملاعبنا:cry: ولكن علشان ما اظلمه اكرر واقول انه جاب كم هدف مع ان العنبر جاب كم هدف اكثر من ويلي وصلح اهداف اكثر من ويلي مع ان عنبرينهو لعب اقل من ويلي بصراحة ماقصدي استهزئ بويلي بس لو يروح ونوفر الملايين افضل ويزعل اللي يزعل ونجيب لاعب او اثنين او ثلاثة هجوم بربع قيمته يكون احسن واللي قاهرني وشلون الادارة تجيب اربع لاعبين اجانب وسط وقبلهم لاعب خامس من الادارة القديمة ليصبح تعداد لاعبين الوسط غريب مقارنة بلاعبين المراكز الاخرى مثلا التايب - رادوي-ويلي-سول-نيفيز-عزيز-الغامدي-الشلهوب-الخثران-الغنام-الدوسري-نواف(قبل يعتزل) وغيرهم كم لاعب كل هالاسماء وسط ومافيه الا ياسر وثنائي التهديف العنبر والصويلح لازم نجيب هجوووم وظهير ايمن وعلينا ان نعترف بالخلل لان اسباب الخلل وااااااضحه وهي : 1) تخوفنا من المواجهة بالحقائق 2) بقاء المجاملات 3) الربط في المصالح وبالطبع كلكم مقتنعين ان هذه الاسباب لاتنفع الزعيم وهي نفس الاسباب التي جعلت النادي الحالمي يحلم بالبطولات ويتغنى باساطيره مع انهم نسوا شكل المنصات وفاقدوا متعة الفوز وفي النهاية احب اقول للتايب (الله يعينك على اللاعبين اللي مايفهمون حطاتك ويعينك اكثر على جمهور الاسماء لان الجمهور الحقيقي للزعيم لا ينظر الا للارقام وارقامك تفيد بانك الاول في دعم الهجوم ) تصدقون لو سجلوا اللاعبين حطات التايب المسماه (انت وضميرك) كان بطولات السنة الماضية كلها هلالية وياليت منتقدين التايب يسمعون مساعد المدرب قيريتس وهو يقول عنه نفس الكلام و ان طارق استثنائي بس للاسف تلاقي ناس تهاجمه وتمدح خبير تخريب الكشافات ويلي بن هامسون:alzaeem: |
الله يعين ع بعض العقليات ..! |
إقتباس:
حتى كلمة (على) اختصرها يبي يلحق موضوع ثاني هذي مشكلة الصغار |
يا اخوي تكفىا لا تزيد المواجع ويلهامسون الموسم القادم لن يكون متواجد بأذن الله ويلي لاعب (( خواف )) يخاف من الأحتكاكات مع الاعبين ..! انا عن نفسي اتمنى الغاء عقود جميع الاعبين الاجانب عدا رادوي .! |
والله انك صادق عندنا لاعبين وسط لو بخمسن مليون جايبين ظهير ايمن ومهاجم بجنب المدلل ياسر احسن |
فرق كبير بين ويلي الي مع كوزمين وويلي الي مع المدربين الاخرين تراجع مستواه بشكل واضح |
هو جا على خطة مدرب والمدرب رحل وننتظر المدرب الجديد وش بيسوي بس لو يبقي نامي اقولها وبكل صراحه نامي لك ظهر وبس الله يستر من اللي جاي يا هلالالالال |
ويلي للحين ما شاف الحر والله انه يصبر كمان شهر والله انه يذوب كالثلجه هههههههههه ويروح لأبو فيصل ويقوله انا ما يبي سعودي هاده في هر كتييييييييييييييييييييييير |
ب التوفيق للهلال ’,.’,.’, تحيتي لك |
الهلال لايستحق لايستحق لايستحق التقدم اكثر من كذا الهلال يريد كسب كل شي بدون اي تحرك حارس مثل الدعيع هل يستحق انك تضع له 4 مدافعين و2 محاور ياخوان ارحمونا من تبي تحط 4 مدافعين جيب مثل الشهيل وحسن معاذ على الاقل يفيدونك بمساندت الهجمه وخل 2 محاور يغطون اما 4دفاع و2 محاور اجل كلم الفيفا يخلونا نلعب 14 لاعب |
اصلا اللاعبين الاوربيين ماينفعون عندنا لانهم يتبخرون او بالاصح (ينشوون) من حرنا وانا صراحه اشوف اللاعبين اللي من افريقيا او من امريكا الجنوبيه وخصوصا البرازيليين هم الانسب لجونا لو بمليونين تروح للكاميرون او نيجيريا او ساحل العاج تجيب فريق كامل وجهاز فني بعد من القهر!!! وخلي الـ50 مليون بجيبك |
إقتباس:
قالها مليون مره ابو فيصل ويلي ..رادوي ..سول ..كلهم جوو رغبه من المدرب كوزمين وعلى حسب نهج ينتهجه كوزمين .. ماهو من راسه جابهم شبيه الريح واذا الملايين ياخوي والله لو انك دافع من جيبك..!! |
خرب ملاعبنا ؟؟؟؟؟؟ والله حرام ضيعت وقتي وانا اقرأ موضوعك والله ما خرب منتدانا الى انت وموضيعك بالله هذا كلام واحد يفهم في الكوره يقول على لاعب كسر لمباتنا ياشيخ استحي الله يهديك جبت لنفسك الكلام |
إقتباس:
والهلال مايملكه شخص ولكن الانتقاد مايزعل احد واذا كلامي غلط ناقشني بحدود كتابتي صحيح انا انتقدت ويلي وسخرت من طريقته ولكن يظل ويلي لاعب جيد ولكنه لايناسب الهلال وليس طموح الزعماء وشكرا لمرورك |
إقتباس:
نحن وللأسف في وسط رياضي لا يفهم |
| الوقت المعتمد في المنتدى بتوقيت جرينتش +3.
الوقت الان » 04:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd