ياسر الاسم الكبير - صفحة رقم 3 - نادي الهلال السعودي - شبكة الزعيم

khaled alhomed · #31 28/05/2009, 11:17 PM

إقتباس

الرسالة الأصلية كتبت بواسطة mr.faw


	انت من جمهور ياسر وليس الهلال

صح السانك

أقول يا جمهور اللاعبين كفى دلال تعبنا مانبي غير بطوله هذا أقل شئ بحق هذا الكيان الهلالي
توحي أنت ولا ما توحي

بلدوزر الهلال · #32 28/05/2009, 11:31 PM

الهلال في قلوبنا بياسر او بغيره اذا استمر ياسر على ذا المستويات الهزيلة سيكون مصيره الاعاره او التنسيق يجب عليه خاصه في هذي الفتره يعيد حساباته ويرجع للمستويات اللي كان يقدمها ما نبيه يرجع لنا زي بدايت الموسم اللي راح زايد وزنه اكثر من 20 كلم وطالعه له كرش وجاي يبي يقدم مستويات

دوودي القحطاني · #33 28/05/2009, 11:40 PM

ياسر في الهلال مثل نور في الاتحاد

اجل عاجبكم عنبركم ..!!!!!!!!

شنيور1 · #34 28/05/2009, 11:47 PM

ياسر فاشل بأخر مباريات وربي مادري وش فيه أرجع لنا ياياسر

الترسانة · #35 28/05/2009, 11:48 PM

إقتباس

الرسالة الأصلية كتبت بواسطة %ABO D7IM%


	وبعدين ياسر لاعب كبير تفهم غصب عنك وغصب عن الي يرضى ولي ما يرضى

وشلون لاعب كبير ولا مره بتاريخه صار هداف الدوري السعودي وبالنسبه مافيه مهاجم يسانده العنبر بـ4 مباريات صار زي اهدافه وبنفس الخطه ليت جريتس يعلمه حجمه الطبيعي ويخليه احتياط للمحياني

واخيرا,, العنبر حسم للهلال كاس ولي العهد ضد القادسيه 2-1

J A R ! 7 H · #36 28/05/2009, 11:49 PM

خنقتني العبرة
جرحني قلبي الي بعمري ماشفت قلب يجرح نفسة
ياسر .......... احزننني
وغيرة من الهلاليين احزنوني
احب ياسر واحب طارق واحب مرشدي واحب اسامه احب الدعيع...........الخ
احب كل من لبس شعار الهلال
اشوف من يمثل الزعيم هو من وفينا
نصبر ونصبر ندعم ونوقف ونوجهه
ونلاحظ بس والله قهر لما تشوف ابنك الي منك وفيك عاق لك لاكن ولايمكن ان تتخلى عنه او تطرده من بيتك
ااااااه يا زعماء
احبكم يالاعيبه الهلال دون استثناء لاكن
ليس على حساب هلالنا

عضيد ياسر · #37 28/05/2009, 11:59 PM

فعلا ياسر القحطاني يلعب في الهجوم الوحده ,,, بين قلبين دفاع ,,, ويحتاج مهاجم ثاني ’’

اما بنسبه المحمد نامي ,, والله ياهو قاهرني ,, صاير (افيرا ) على غفله .......

هدف ملعوب · #38 29/05/2009, 12:01 AM

النقد حق مشرووووع لكل شخص يفهم ، وأعتقد إن في المنتدى الكثير يفهمون كورة زيك، ياسر ليس فوق النقد أقولها وأكررها ياسر بارد مثل الثلج يرفع الضغط في كثير من المباريات مو مباراة وحده، والجميع يدافع عنه ولا احد ينتقده :....خلوه ...وحرام عليكم... وانتم مندسين في المنتدى ...؟؟؟ ياخي ياسر وغير ياسر إذا انتقدوا فإنما هو لمصلحة اللاعب والفريق، ما اعتقد إن فيه أحد بينه وبين ياسر عداوة شخصية، هي الكورة بس. والبعض يهاجم محمد نامي ومحمد العنبر ومحمد الشلهوب وعادي وياسر لا سبحان الله؟ ليش هو ما يخطئ، والا النقد لغيره، النقد الهادف حق مشرووع للكل. وسلامتك.

طويرق · #39 29/05/2009, 12:02 AM

إقتباس

الرسالة الأصلية كتبت بواسطة %ABO D7IM%


	ايه انا من جمهور ياسر وش عندك ياخي اقلقتونا انت من جمهور ياسر طارق ترى ملينا هاه وبعدين ياسر لاعب كبير تفهم غصب عنك وغصب عن الي يرضى ولي ما يرضى يخي وصلتوها ترى ياسر مب على مزاجكم ياما انهالكم مباريات وبعدين انا منجمهور ياسر مثل ماكنت من جمهور سامي ويوسف

بلااا ياسر طيحني بلااا كلام فااضي اخرر4 بطولااات طلع منهاا الفريق وهو موجود مااسوى ولااا حاجة حتي نهائي كأس ولي العهد برأس المفرج وانت قاعد تطبل له

نركنه ونركنه 10 مستهتررر مثله في الاحتياااط انااا جاي اشجع فريق ولا جاي اشجع واحد يحرق اعصابي

** ِAMF ** · #40 29/05/2009, 12:06 AM

إقتباس

الرسالة الأصلية كتبت بواسطة mr.faw


	انت من جمهور ياسر وليس الهلال

يارجال والله لو الله ثم ياسر إن هلالك داج بعدين ياسر مثله مثل أي لاعب يهبط مستواه لايكون تحسبه شارين عقده مع مكينه جمس ياسر آدمي لحم وعظم ويجيه ضغوط ولاتنسى ان الجماهير ماتطلب الفوز الا منهز

الأهم من هذا كله لازم نوقف مع هلالنا ضياع بطوله مايعني نهاية العالم خلاص بطولة راحت بخيرها وشرها وفكونا المهم نشوف مستقبل فريقنا وإن شاء الله الموسم الجاي الهلال بياكل الفرق الثانيه أكل

تحياتي

صـديق الأمير بنـدر · #41 29/05/2009, 12:24 AM

القناص الكبير ياسر القحطاني في الحقيقه هابط مستواه عن السابق بسبب الحرب الاعلاميه عليه و ما أشبه الليله بالبارحه

ياسر الليله وسامي البارحه

لكن الحقيقه المره عند الفقراوين وما شابههم أن القناص لا زال الافضل حتى بعد هبوط مستواه

يلا هزازي بلا سعران و شمراني فهم في كفه و القناص في كفه

هلالي ومطنوخ · #42 29/05/2009, 12:25 AM

للأسف جيل الزمن هذا جيل اللاعبين ولا النادي ما يهمهم ..

وش سوى ياسرك هذا الي قاعد تمدح فيه غير التبطح وتطليع اللسان ويصفق بيدينه هذا الي استفدناه منه

واللاعبين الشباب مهمشين ولا انعطوا فرصة ...

Carizma · #43 29/05/2009, 12:26 AM

كلآمك ميه الميه ..
لكن مآفيه أحد يقدّر ظروف ياسر

want-5foog · #44 29/05/2009, 12:32 AM

لا للتجريح

نعم للنقد الهادف

ياسر اسم كبير ، لكن من حق الجماهير الهلالية نقد مستواه دون التجريح

♥ N E V E S ♥ · #45 29/05/2009, 12:52 AM

ياسر كبير واللي يقول غير كذا غلطاااان

لكن لازم ينتبه لنفسه ويشد حيله...!