|
أنا أرد عليك ياحــبــيــبــي لكن قبل ما أرد بقولك شي وش اللي إختلف عن العام كنا نلعب بنفس الطريقه و بنفس التشكيله تقريبا وكان الهلال يسجل وطارق يصنع ليش تقول إن المشكله في المهاجمين ليش ماتقول إنها في طارق نعم طارق مل من الهلال وأتوقع إنه يبي ينتقل لقطر عشان كذا مايقدم مستوى مرضي ولا تقولي إنه قال أبغى أعتزل في الهلال وإلخ لأن الكلام بـبلاش! وماتدري وش في قلبه الحين أرد على أسألتك: 1_ العنبر كان مهاجم دولي و سجل مع الهلال وحسم بطولات قبل مانعرف طارق والصويلح بعد كان يسجل قبل مانشوف طارق أو حتى نسمع به 2_ حتى لو سجل البلنتي أنا أول واحد كنت بطلب عدم التجديد معه لانه في المباريات الكبيره واللي تحتاج ظهوره يختفي تماما والأدله كثيره مباريات الهلال ضد الإتحاد و مباراة أمس! أتمنى إنك ترد على كلامي ياعبدالرحمن ^_^ |
إقتباس:
اتفق معك انه اعطي اكبر من حجمه والشي اذا زاد عن حده انقلب ضده لكن افضل لاعب في الهلال الآن بعد اسامه هوساوي هو التايب ولو تكرمت اخوي ابيك تختار تشكيله مثاليه يلعب فيها الهلال عندك 32 لاعب في الهلال اختر 11 منهم لاهنت |
يا حبيبي لما تسافر دبي واوزباكستان وايران علشان تحضر مباريات الزعيم في الاسيوية... ويجيك مهرج بهلوان يصلح يلعب في السيرك يضيع بلنتي زي هالبلنتي!!!!!!!!!!!!!!!!!!! تعرف ان الله حق!! طارق التايب ارحل الله يرحم والديك.... ما نبيك ياخي غصب!! الله يرحم ايام الاسطورة سامي.... بكى عندما سجل هدفا.. وبكى عندما اضاع... هذا هو من يستحق ان يلعب بشعار الزعيم.. ولا الثاني ياسر... موقعه فيه اكثر من خمسة الالاف صورة!!!..... لاعب ولا عارض ازياء!!.. اه يا صويلح.. شفتو كيف لما دخل وش سوى؟؟ لانه يلعب بقلب ازرق وبس... مبروك لام صلال... يستاهلون.. صحيح فريق تعبان... لكنهم في النهاية ( رجال ).. |
عزيزي طارق لاعب جيد ولكنه استعراضي بالدرجه الأولى والدليل لم أشاهده يؤدي أداء كبير وقوي مع الفرق الكبيرة إنما أداؤه يكون مع فرق المؤخره والمتوسطه في الدوري وغيره .. أكيد أن أي لاعب وسط ومركزه صانع لعب تكون مهمته صناعة اللعب ولكن لو تلاحظ من العشر كرات كره واحده صحيحة التمرير .. عزيزي طارق يلعب لنفسه في الغالب .. ولايجيد حسم المباريات الكبيره .. أتقارنه ياعزيزي بكاماتشو وبطولاته التي حسمها مع الهلال .. عزيزي في فترة رئاسة محمد بن فيصل حسم العنبر أكثر من بطولتين .. قبل أن يأتي التائب . وأنا شخصياً يطربني لعب التائب .. لكن لو كنت مدرباً لأنزلت التائب قبل نهاية المبارة بعشرين دقيقه لكي يستعرض ويمتع الجماهير( إذا كانت النتيجة طبعاً لصالح الهلال ) ..؟ |
إقتباس:
ولمعلوميتك ان الهلال العام الماضي حقق البطوله بالبركه وارجع لردي رقم 2 وتقتنع في كلامي |
زي ما نسينا كماتشو انسوووووووووووووووووا طاررررررررررررررررق الله يستر من القادم يا هلالالالالالالالالالال |
س1: متى عرفنا العنبر والصويلح يجبون اهداف حتى العنبر في مباريات بسيطه اصبح ينافس على الهداف؟ طيب وينه عن ياسر له مدري كم سنه يلعب مع ياسر ولا خذ ولا مره ياسر الهداف الثاني على الاقل يا شيخ انتم ترقعون لمهاجمكم العاطل وهو في اسوء مستوياته وتحطونها في لاعب ثاني العنبر عطه كوره يجيبها وهذا اللي سواها السنه ذي كان يلعب مع الفريق وماشي الفريق بس ياسر يرجع من اصابه ومستواه سئ يرجع العنبر للدكه ليه طيب ما يكون ياسر على الدكه س2: كيف ستكون ردة فعل المتدى ومنتقدى طارق لو احرز طارق البلنتى وتأهل الهلال؟ موب صاير شي وبجيك وبقولك نفس الكلام لان ام صلال موب مستوى احتياطنا عشان نلعب معهم الى البلنتيات والله عيب مع النصر نطلع بتعادل ومع الشباب ننصقع وحنا عندنا افضل عناصر ومع ام صلال الطامه الكبرى |
حبيبنا هل تعلمون أن راتب طارق التائب (غير العقد ) شهرياً 50 ألف دولار . غير السكن والسيارة والبدلات الأخرى ، أكيد انه يبي يحب الهلال عشان فلوسه والجمهور اللي معطين التائب أكبر من حجمه ؟؟؟ عزيزي من يحب الهلال هو من وقع على بياض (( يوسف الثنيان )) وفي فترة رئاسة سعود بن تركي وقع بمبلغ زهيد لا يتجاوز 200ألف ريال .. هذا من يحب الهلال لأن قلبه أزرق آه يايوسف .. مو التائب أكثر من مليون دولار مقدم عقد وموقف 4 أشهر وراتب 50 ألف دولار غير البدلات .. أكيد يبي يحب الهلال لأن الهلال ماقصر معه .. |
اللي ينتقدون بلنتي باص عيون سؤال هل هو ضيع الهدف واصبحة الكوره خارج المرمى ؟ ام وضعها في المرمى ولكن خبرت الحارس وذكاءه ودهاءه صدها ؟؟؟؟؟؟؟؟؟؟ اذا الجواب اكيد طارق وضعها في المرمى وفي زاويه ولكن الحارس قوي صدها قبل البلنتيات اسئلو نفسكم كم قشر طارق كوره او فرصة هدف ؟؟؟؟؟؟؟؟؟؟ اللي اذكرها وحده لهوساوي اللي اضاعها هوساوي براسه ووحده للصويلح التي مرت بجانب قدم الصويلح ووحده للشلهوب عندما تفلسف فيها الشلهوب وسحب ثنين ثم شاتها بجانب المرمى والكثير الكثير لكن ما اذكر طارق لا ينفع للعب للهلال طارق ينفع للاتحاد لانهم يلعبون بمهاجمين لكي يتيح لطارق الفرصه انه يختار من يصنع له ولكن الهلال طارق يحتار كيف يصنع الهدف لمهاجم بين اربع مدافعين ؟؟؟؟؟؟؟؟ ياهلال اذا اردت طارق المتعه طارق العجائب فأللعب بمهاجمين طارق مبدع وافضل لاعب عربي قد نجحة خطة 451 في الهلال فقط ولكنها لا تنفع في الانديه الاخرى تدرون ليش لان طارق في الهلال بأمكانه قهر الفريق الخصم وصناعت الاهداف لمهاجم وحيد لكن الانديه الاخرى لا يمتلكون طارق عشان كذا ما تنجح عندهم الخطى فما بالك لو طارق لعب قدامه مهاجمين ؟؟؟؟؟؟؟؟؟؟؟؟؟؟؟؟؟ سوف يكون له بصمه اخرى ربما سوف نقول طارق انت افضل من لمس الكوره وافضل من مسي نعم لا اجامل بل اقولها بكل صراحه طارق افضل صانع لعب رأيته في حياتي نتمنى التجديد له واللعب بمهاجمين لكي تعرفون من هو طارق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تحياتي للمنتقدين ولا للتجريح وأختلاف الرأي لا يفسد للود قضيه تحياتي لك يا صاحب الموضوع |
طااااااااااااااااااااارق التائب لاعب مزاجي |
معليش يا حبيبي... اللي يقول طارق صنع وصنع وصنع وسوى وسوى!!! كورة الصويلح مفروض يشوت... لكنه ما يبي يتحمل مسؤولية لانه لاعب جبان... كورة الشلهوب وهوساوي.. هذه وظيفته داخل الملعب صناعة اللعب.... يعني ما جاب شي من عنده.. لكن انا بقولك شي... اللاعب اللي يمرر كل تمريراته كلها من مقدمة ( بوز ) القدم..... واللي يمرر كل تمريراته باص عيون... واللي ما يطالع المرمى وهو يشوت اهم بلنتي في حياته (( المفروض انه يكون اهم بلنتي في حياته.. لكن ما اعتقد )).. هذا يروح يلعب في دعاية بيبسي ويريحنا!! بعدين لاعب يقول في تصريح: اللاعب لما يكون مرتاح نفسيا يلعب صح!!!!!!!....... يعني انت تلعب للعقود والفلوس والسيارات ولا تلعب لشعار النادي!!! ياخي سول اللاعب الفاشل.... ما تعب نفسيا وقاتل لاخر نفس... لكن هذه امكانايته في ظل هالاجواء!! يبقى سول محب للهلال اكثر من التايب برأيي. لانه كثر ما سمع وشاف انتقادات.... وسمع اشاعات تفيد باستبعاده... لكن استمر في العطاء.. ياخي يكفي انه لعب من قلب... عموما... اخوي.. في حكمة تقولك... اللي باعك بيعه.... الرأي لا يفسد للود قضية |
عزيزي سامي أنت الهلال : في بعض المبارايات تكون من منتصف الشوط الثاني والهلال يلعب بمهاجيمين اثنين وبوجود التائب ؟ ولكن النتيجه كم هي وعد إلى تلك المبارايات .؟ لا نختلف على ان طارق جيد وصانع لعب ولكن هل هو حاسم ؟ . بالنسبة لقولك أفضل صانع لعب رأيته هو التائب فأرد عليك بأنك لم تعاصر فيلسوف كرة القدم السعودية النمر 15 يوسف الثنيان لتعرف من هو صانع اللعب الحقيقي والحاسم والهداف والتاريخ لايكذب .. |
طارق لاعب كبير ولكن من الخطأ ان تعتمد كفريق بجمهورك واعلامك ومدربك على طارق فقط !! الكرة الحديثة 11 لاعب مو فقط لاعب واحد !! يعني اي مدرب يلعب ضد الهلال يقفل على طارق وانتهت خطورة الهلال !؟ ليه هذي الطريقة العقيمة !؟ ويلي لاعب مؤثر في المنتخب السويدي ليه ما نشوفه مؤثر في الهلال !! لان الفريق يعتمد على طارق فقط !! ياسر يبدع مع المنتخب وما يبدع مع الهلال !! لان هجمات الفريق بشكل واحد ولا يوجد تغيير في اللعب وجميعها من عند طارق فقط !! الشلهوب يبدع مع المنتخب وما يبدع مع الهلال !! لان كل كوره توصل للمحاور او المدافعين لازم تتجمرك من عند طارق فقط !! يا ناس طارق التايب لاعب مثله مثل غيره لا يجب ان نعتمد عليه اعتماد كلي .. اي نعم يمتلك مهارة وفنيات لا تتواجد عند الكثير من اللاعبين ولكن يبقى بشر يلعب ويتعب !! والا من الاولى ان يعتمد الفريق في السابق على الثنيان .. وتهميش التيماوي والغشيان وسامي وغيرهم !! ولكن لو لعب الهلال كفريق يعتمد على 11 لاعب داخل الملعب لشاهدنا طارق الممتع المفيد للفريق وللعب الجماعي انا هنا ما ألوم طارق ولكن ألوم اعتماد الجميع على طارق فقط دون غيره من اللاعبين!! |
معليش أبغى أفهم وش المطلوب من العنبر عشان تقحمه في موضوع التايب وتتمسخر عليه يااخي مهمة العنبر تسجيل الاهداف بربسه ولف ودوران ماعنده ولايعرف هالامور واذا على قولتك انه صار ينافس على الهداف من مباريات بسيطه على قولتك وطبعآ أكيد ماله فخر عندك لان التايب وراه ياليت تقولنا وتنورنا ليش ياسر مانافس على الهداف وهو لاعب ضعف عدد مباريات العنبر وشارك مع التايب في مباريات كثيره وماسجل بل من ثلاث سنوات يلعب مع التايب وماشفناه ينافس على لقب الهداف !! بصراحه جمهور اللاعبين سيدمرون الفريق وسيزيدون من دلع ولامبالاة اللاعبين واسف اذا كان رايي ازعجك بس هذا الي في خاطري وتحياتي لك |
يا رجال هذا عيب جمهور الهلال اذا انهزموا حطوا كل شي في اللاعبين |
| الوقت المعتمد في المنتدى بتوقيت جرينتش +3.
الوقت الان » 08:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd