بسم الله الرحمن الرحيم

السلام عليكم ورحمة الله وبركاتة


بالبداية احب اقولكم والله انى وعند طرد كوزمين تحديداً كنت ناوي أنزل هالموضوع

لكن قلت خلنى أركد شوي ولا أتهور لأني كنت بلحظة غضب

ويوم كانت نتائجنا متدنيه بالجولات الأخيرة من الدوري كنت بنزله بعد

بس قلت مابسوي شوشره أأركد شوي يرجال

ويوم خسرنا الدوري تحطمت فعلياً وقلت منزل الموضوع منزله مافيها كلام

لكن قلت الصبر زين يرجال هونها وتهون ومعوضين خير ان شاء الله

ويوم خرجنا من كاس الابطال انفجرت بقهري وقلت معد فيها صبر بعد كذا

صبرت لين مل الصبر مني ,, لكن تحاملت على نفسي وقلت أن شاء الله معوضين بكاس اسيا

والأن بعد ماضيعنا كاس أسيآ وبعد ماطارت الطيور بارزقها كنت بنزل الموضوع بعد المباراه

لكن والله من الصدمة معد فينى عقل أقدر أكتب به لكم

كل الى براسى طار .. ولو بكتب بذاك الوقت وبلحظة الغضب متااكد راح اجيبها دمار بس الحمدلله الله قدر ولطف

والحين بعد الهدوء وبعد مرور يومين على الفضيحة أسمحوا لى أفضفض عن الى بصدري

لان خلاااااااااااص والله خلاااااااااص بلغ السيل الزُبى

صبرنا وتحملنا وتعذبنا ومتنا قهر ولا أحد حس فينا

تبغون تعرفون من هو السبب الرئيسي بفضايحنا ذا الموسم ..؟؟

هو طويل العمر صاحب السمو الملكي الأمير / عبدالرحمن بن مساعد رئيس نادي الزعيم ( سابقاً )


بتقولون لي ليه هو ؟؟

.. فيه ناس غيره مثل سرطان الرياضة .. وأسير الشوك .. ولجنة الأستعباط .. وأبن قمام .. والسركال .. والمخربين والمتربصين لزعيم على رأسهم خبيلان .. وغيرهم كثييييررررررررر

ليه أخترت رئيس النادي من بد كل خلق الله وقلت أنه هو السبب بذي الفضايح الى جات على نادينا



أنا أقولكم ليه



لأنه من بداية الدوري كان مثالي وأعلن أنهم ماراح يتعرضون لتحكيم أبداً

المثالية مو تهمه ياطويل العمر ,, المثالية أمر محمود وجميل بين البشر

لكن وسطنا الرياضي بقيادة سرطان الرياضة ماظنيتهم من الجنس البشري أبداً

لان الفرق بين البشر والحيوانات أعزكم الله بالعقل والضمير

وهؤلاء لافيهم عقل ولا حتى ضمير .. مافيهم الا حقد دفين من سنين .. وأستغلوا مثاليتك لتصفية حساباتهم

ولتنفيذ مخططاتهم المهروسه ,, وبعد يدفون بعض الأندية الى حتى المركز الرابع ماوصلت له اللهم لاشماته


من بداية الدوري وتحديداً مباراه نجران نذكر وش عملوا فينا خسرنا ثلاث نقاط عينى عينك

ولاسمعنا حس ولا خبر منك طال عمرك ,, ظربة جزاء غير محتسبة وهدف ملغي

ولا سمعنا منك طال عمرك أي كلمة ,, عالأقل لو تلميح طيب مو لازم تصريح ناري

أنا متاكد والله لو حصل هذا الشئ أيام محمد بن فيصل ماتمر مرور الكرام

وبعدها مباراتنا مع الوطنى الى انطرد فيها نامى بكرت احمر مدري كيف اخترعة الحكم

لكن مع ذالك فزنا وكاااااااااااااااااان الواجب تتكلم ماتسكت عن ذا الى يحصل

هم كانوا يظلمونا ويبغون يشوفون رده فعل الادارة

وانت طال عمرك من قبل الدوري لايبداء اعطيتهم الضوء الاخضر بانهم يعملون مسرحيات هزلية على لاعبينك وجماهيرك وانت تتفرج لاحس ولا خبر

وبالمقابل الأندية الاخرى على أكف الراحة ماخذين راحتهم

الحزم ماسلم من الاتحاد وابها ماسلم من النصر

ولمن تاكدو انك ما راح تطالب بحقك المشروع استمرت مهازلهم مباراه تلو مباراه

حتى بكاس ولي العهد ماسلمنا منهم

بنصف النهائي ضد النصر ينطرد لاعبنا طرد صحيح ماقلنا شي

لكن لاعبين النصر بالله كم لاعب كان يستحق الطرد ....؟؟؟؟؟؟

وليتها وقفت على كذا بس ,, ظربتين جزاء ماتم أحتسابها غير الترفيس طوال المباراه

وبعد المباراة كالعادة ماسمعنا شي منك طال عمرك لاننا فزنا نسيت تطالب بحقوقنا المشرووووعة

وجات مباراة النهائي ,, ونفس الحال ظربتين جزاء وترفيس عينى عينك ولا سمعنا منك ولا شي ياطويل العمر

لاننا فزنا طبيعي تنسى تطالب بحقوقنا المشروعة

بعد كذا عرفوا ان لو حاولوا يوقفنا بالتحكيم مايقدرون تجرؤ بسبب سكوتك طال عمرك وبمسرحية سااااااااااااااااااااخره بطرد كوزمين

اسالكم بالله لو محمد بن فيصل كان موجود وش تتوقعون ردة فعلة .....؟؟؟؟؟؟؟؟؟؟

والله ماتمر مرور الكرام ذي ولا يخليها تمشى

لكن كالعاده مشت مثلها مثل غيرها

المصائب تصغر بعضها بعض

تجى المصيبة الاولى صغيره ونمشيها

وتجى الى بعدها اكبر منها ونمشيها

وكل مره تكبر وتكبر لين تصير كبيره ووقتها بنقول ((( الصيف ضيعت اللبن )))

كل ماجات مصيبة نقول لا والله الى قبلها اهون منها لين هانت علينا كل المصايب وانت تتفرج طال عمرك لاحس ولا خبر

طردو كوزمين بسبب مضحك ماشاء الله

قالوا ليه يرمى الفانيلة ...؟؟ حطها عالمنصة وهى اعلى شي بذاك الوقت على ارض الملعب

يعنى بالله وين يبغونه يحطها ...؟؟ يرفعها بدال علم السعودية عشان يرضون عليه ..؟..؟

بعد طرد كوزمين قلنا لعل القادم ازين

حضرنا للمباريات وحبينا نعبر عن راينا ومنعونا

سحبو الاعلام وقطعو الشعارات واهانوا الجماهير وانتم تتفرجون علينا لاحس ولاخبر

والله والله والله لو ايام محمد بن فيصل انها ماتمر مرور الكرام ولايخليها تعدي

لانه يحس فينا واحنا والله نحس فيه

وبكاس الابطال انظربوا لاعبينا وتكسرو وطلعت لنا باول تصريح تتكلم به عن التحكيم

لكن بعد شو ياطويل العمر .. بعد ما تجرؤ وادمنوا على ظلمنا وانت تتفرج

بعد ما اهانو الجماهير ,, وكسرو اللاعبين ,, وسلبوا النقاط ,, واخذو البطولات

وش يفيد هالتصريح الى ماجاء الا بنهاية الموسم ؟؟؟؟؟

الصيف ضيعة اللبن طال عمرك

لو من بداية الموسم طالبت بحقوقنا الشرررررعية الى من حقنا ماكان ضاع حقنا

حتى الاتحاد الاسيوي تعامل معانا مثلهم لانه عارف انه لاحس ولاخبر

واللاعبين تحملوا بمافية الكافية

ينظربون وينهانون ويتمصخرون وانت تتفرج

كيف تبغون ياسر يبدع وهو ينهان ولا احد يحرك ساكن

ايام قالت الجماهير نيجيريا نيجيريا قامت الدنيا وماقعدت

لين جات العقوبة على الهلال

وكانت عقوبة صحيحة لكن شوفو الاسد محمد بن فيصل وش سوا

مااااااااااااسكت ولاتخااااااذل

رد عليهم قال ليه مانزلوا عقوبة على بعض الجماهير الى قالت كلمة بدايتها حرف الـ ( ك )

وكان رده طبيعى وقوي ومؤؤؤؤؤؤثر

عشان كذا ماكانو يرجؤن عليه طال عمره

كان موقف سرطان الرياضة واسير الشوك والدب منصور عند حدهم

ماكان احد يقدر له الله لايحرمنا منه

بدون مانتكلم يطالب بحقوقنا واكثر وكان يوقفهم عند حدهم

ولكم في قصة البلوي وكالون عبره

انا متاكد لو انه بزمانه احد تكلم على ياسر والله لو بشوط واحد انه ليوقفهم عند حدهم

مو عاد مباريات وبطولات والاداره تتفرج

يقولون هذي الفاظ مو عنصرية هذي اخلاقية هههههههههههههههه

والعنصرية تندرج تحت شو بالله ...؟؟؟؟ مو تحت الاخلاقية

الاخلاقية تندرج تحتها الالفاظ العنصرية والعرقية والدينية والخلقية وغيرها كثير كلها تندرج تحت الاخلاقية

لكن وش نقول بس دام هذا وضعنا

بس قبل أنتهى بذكر شي

الأمير عبدالرحمن بن مساعد صدق ماقصر

بذل من المال الكثير لتطوير النادي

مثل المعسكر والعقود والملعب الان وغيرها كثير فقط بالتطوير

لكن بالمطالبات بالحقوق الشرعية اسقط جميع الجهود المبذولة هذا الموسم

ضيع جهوده وجهود الادارة وجهود اللاعبين

اتمنى يغير نظرته لرياضة في بلادنا ولا يضيع حقوقنا الصغيرة حتى لاتلحقها الكبيرة

وبقلكم شي تذكرون ايام محمد بن فيصل

خسرنا الاسيوية وبالخمسة بعد

لكن ماقصر عدل الوضع واصحبت الامور عال العال

اتمنى تتعدل امورنا بذا الوقت ونشوف تعامل جديد مع الاتحاد السعودي لرعاية الاصفرين

تحيتي