|
صراحه الشخص اللي ضيعنا هو ابو فيصل لماذا ؟ لانه مدلع جميع اللاعبين وكل يوم جايب لهم طيارة خاصه وربي افضل رئيس شفته مر ع الهلال عبدالله بن سعد و بندر بن محمد بندر بن محمد في موسمين او ثلاث اخذ تقريباً 5 او 6 بطولات خارجيه عربيه واسيوية |
بارك الله فيك على التوضيح وارجو من جمهور الهلال ان يتعرفون على هذه الحقائق المرة والصحيحة وليس الاخطاء من الفريق |
إقتباس:
شكرا على إحترامك لي و لكلامي المصفصف أولا !! لكنني أتمنى أن تضيف حسنة القراءة الهادئة و المتمعنة للموضوع مع حسنة الإحترام !! |
اعجبني سردك للأحداث فقد نسيتها تماماً وانت ذكرتني بها ولكني اعيب عليك القاء التهم جزافا على الامير ابو مساعد فقد سلطت السياط نحوه وبعنف الامير ابو مساعد ستشاهده السنه القادمه كفكر كروي وعقليه احترافيه وجيب مليان " الله يزيده" |
السبب والله اعلم ان الفرق السعوديه والخليجيه القوي فيها والضعيف ماتلعب الا قدام الهلال خاصه الفرق الضعيفه انا احس انهم اذا فازوا على الهلال يجلسون موسم كامل فرحانين والله ماهوا مزح هذا الواقع وشوفوا النصر بالكديش وشلون يلعب قدام الهلال ويجي قدام ابها ويمهزله ابها حتى الفرق الخليجيه نفس الشئ وكل هذا بعد تحقيق الهلال البطولات الاسيويه وابتعاده بعدد البطولات عن الفرق الاخرى |
يا عزيزي لماذا نسمي سرد الصفات و الحقائق بكيل الإتهامات !! عموما كلنا نتفائل و نتمتى أن يكون الموسم المقبل مختلفا !! تحياتي لك .. |
أعجبني بعض النقاط اللي طرحتها .. لكن في كلامك تناقضات كثيرة.. مثلا تعيب على محمد بن فيصل إنه جاب ديسيلفا ليلو.. وبعدها تعيب غلى ابن مساعد إنه وكل الأمر للمدرب ؟! غير كذا نظرتك سلبية بدرجة كبيييرة .. يعني تمدح كوزمين وتقول إنه مدرب ممتاز ثمن تقول إن الادارة تعاقدت معه لأن تفكيرها سطحي ؟!! محمد بن فيصل خرج بحصيلة ممتازة من البطولات .. خرج من أمام الوحدة الاماراتي والسبب كان إنها أول مبارة لكوزمين ونكبة المفرج وياسر ! وخرج قبلها ثانية بـ بركات الاتحاد السعودي ! والموسم اللي خسر الدوري فيه ما يلام.. أي فريق ماشي صح ثمن تسحب منه مدربه بيضيع :) والكلام نفسه على ابن مساعد.. الفريق مستواه تصاعدي وخذ ولي العهد وتصدر الدوري فجأة أصبح بدون مدرب ! طبيعي يتأثر :) عبدالرحمن بن مساعد سلبيته الأوضح هي تدليله لـ اللاعبين بزيادة .. بعدين الحين مزعجنا فكر كروي و.. وبعدها تقول ليش ابن مساعد مخلي الأمور الفنية للمدرب ؟! يا حبيبي في كل دول العالم هذي شغلة الرئيس.. ولا تبيه يحط الخطة ويحط برامج لياقية للاعبين ؟! غير كذا تعاقداته مع الأجانب أغلبها جيدة ماعدا سول رادوي مميز.. طارق مميز.. ويلي مييز وإن انخفض مستواه نهاية الموسم.. نيفيز.. يكفي اسم اللعب واللي محد كان متصور إن فيه نادي خليجي يقدر يشتري عقده ! وبعد كلامك عن خطة 4-5-1 يفتقر كثير للثقافة الكروية ! ياعزيزي المان الموسم الماضي حقق التشامبيونز بهالطريقة.. إيطاليا ما حققت كأس العالم إلا بهالخطة .. الدوري الايطالي الأفضل تكتيكيا بالعالم يعتمد كثير من الفرق فيه على هالخطة .. |
فعلا كلامك سليم الهلال ينقصه فكر كروي احترافي يواكب العصر الذي نحن فيه لذا نحن على انتظار ان يتطور الفكر الكروي لدينا او ان ننتظر ادارة جديده صاحبة فكر جيد نتمنى من الجميع التعاون لكي يظهر الهلال بمستوى يليق به كما عهدناه وعلى الادارة الحاليه ان تتنبه الى ماوقعت به من اخطاء وهي ليست بالقليله وان تحاول ان تجدد وتصحح بالمواسم القادمه كل الشكر لك ياكاتب الموضوع ... |
اخوي كلامك فيه من المنطق بس فيه اشياء كثثثثيره غلط وخصوصا على الامير محمد بن فيصل يعني هو حقق 7 بطولات كلها كذا حظ ؟؟؟؟؟ حدث العاقل بما يعقل كان الارتكاز اقوى ارتكاز في المملكه بوجوود عزيز والغامدي وبعدين لمن استلم محمد بن فيصل الرئاسه كان الهلال دمااااااااااار وهو اليي شال الفريق وهو اليي صعد كثير من اللاعبين لاتقولي المدرب هو كان في كل تصريح له يقول احنا نبي نبني فريق وعن الاجانب ياخي كل انديه المملكه فشلت بالاجانب واولهم الاتحاد اليي تمدح فيه وبعدين انت شكلك ماتابعت الهلال في الاسيويه كان في عزه نواف في مستواه الغنام وسامي والقحطاني بس الاتحاد السعودي هو اليي دمرنا ومع الوحده الهلال مر بظروف صعبه الشلهوب اليي كان في قمه عطائه توفى ابوه والتايب كان مصاب يعني كلامك عن محمد بن فيصل بالتحديد غلط في غلط |
يــــــــــــــــــــــــــوه وينك عنا من زمان بس تراك نسيت شئ وهي المثالية الزايده يعني لاعب مميز يلمح انه يبي الهلال ما ياخذه الفريق |
اقول والله ما عندك ما عند جدة جدتي ياخوي لو رؤساء الهلال ما عندهم فكر كروي اجل عند مين عندك ياالفاهم خل عنك الكوره بس وخليك بدرساتك يا ولدي ماحد عاجبك لا وعاجبك البلوي واخلاقه ما نبي بطوله تجي بالمبزره وحركات دون اخلاق مو كافى كل الانديه تكرهنا وحنا نمشي باخلاقنا في تعاملاتنا ياناس والله ما ضيع الجمهور الا امثالك يا المحلل |
كلامك فيه صحه بس فيه اخطاء كبيره جدا,,,,ويا احترافي انت ماودك تمسك الفريق ؟؟؟ وبعدين ترى كل الافرقه الاوروبيه تطلب المال اما الاشياء الفنيه للمدربين فقط ....ولا تطالبهم يجيبون مورينيو بعد ... |
تبحث عن الزلات فقط ..! لم تبحث عن اي نجاح لهم ..؟ 9 بطولات تم تحقيقها من عهد عبدالله بن مساعد الى الآن ..؟ وغيرنا ماجاب شي ..؟ لنفكر بمنطقية يا أخي .. |
خلاص باذن الله الموسم الجاي مافيه شي اسمه نجم |
عزيزي اولا هناك اخطاء في موضوعك فقط اولا بعد استقالة الأمير سعود بن تركي كان النادي يعاني من فراغ رئاسي كبير وكان وقتها المسعد رئيس للنادي وجميع رؤساء النادي تقريبا تخلوا عن الفريق حتى تولاها الأمير عبدالله بن مساعد في موسم ونصف تقريبا عندما أحضر أديموس وفاز الهلال في كأس ولي العهد بعد ما كان الهلال يعاني في الدوري وكان في مناطق بعيده ووصلنا للمركز الخامس واستمر اديموس للموسم القادم وكان الفريق يعاني حتى أعلن اكثر من عضو شرف انهم قادرين على احضار المدرب الفلته احمد العجلاني و أولهم عضو الشرف صالح الصقري وللأسف بعد المطالبات الكثيره وافق عبدالله بن مساعد وتم اقالة اديموس واحضار الفلته احمد إلي ما قصر ولعب بطريقة 4-4-2 وجت الكارثه بهزيمتين كارثتين من الاهلي والشارقه وكلها بسبب اعضاء الشرف وليس الرئيس وبعد نهاية الموسم استقال عبدالله بن مساعد وتولى رئاسة النادي الأمير محمد بن فيصل اما من ناحية ان الرئيس لازم يكون له فكر كروي فهذا شي حتى في اوروبا غير موجود او ليس اساسي ان يكون الرئيس صاحب فكر كروي مثلا ابراهيموفيتش رئيس تشيلسي انا متأكد انه ما يعرف ايش كرة القدم بس بنى فريق قوي لأنه عنده مستشارين اذكياء وكل اندية اوروبا لديها ما يسمى بالمدير الرياضي وهذا شغلته يكون المسؤول عن التعاقدات مع المدربين والتفاوض مع اللاعبين إلي يبيهم المدرب ويكون حلقة وصل بين المدرب او اللاعبين والرئيس حتى فقط للعلم رؤساء الأنديه في اوروبا ما يحضرون تمارين الفريق ومع ذلك تلقى الأداء عالي إلي قاعد يطبقه الأمير عبدالرحمن هو الصح وكان هذا واضح يوم كان كوزمين موجود كان كل اللاعبين منضبطين في الفريق لأن اختيار المدرب كان سليم والمدرب يعرف مستويات اللاعبين بشكل ممتاز حتى الشلهوب إلي ما عرف دكة الاحتياط إلا مع كوزمين قالها اكثر من مره انه يعتبر كوزمين كأب له وهذا يوضح ما كان يعمله كوزمين والصلاحيات إلي كانت معطاه له والفريق ما كان فيه اي شي وماشي بطريق سليم ولا كنا نسمع الانتقادات إلي نسمعها ولا سمعناها إلا بعد ما أقيل كوزمين اكررها للمره المليون الرئيس ليس من الضروري ان يكون ذو فكر كروي عالي وللإضافه ايضا اغلب رؤساء الأنديه في العالم اجمع لم يكونوا لاعبين كرة قدم او حتى يمارسوها والأغلبيه تعتمد على مستشارين لعبوا كرة القدم وابحث في كل أندية العالم ستجد ما اتكلم عنه |
| الوقت المعتمد في المنتدى بتوقيت جرينتش +3.
الوقت الان » 12:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd