|
كلامك كله تجريح بتجريح اذا ع الخطه هذي خطه الهلال وحقق معها بطولات العنبر حسم بطولات اكثر من اللي حسمها ياسر مع انه اقل منه مشاركات ..!!! الحسيني اخطأ في المباراه الاخيره لانه لو لاعب بمهاجمين افضل وهو طلع ياسر لانه طول 85 لمس كورتين بس ..!! والاداره الكل يشوف انها من افضل الادارات فكر إحترافي & كروي ... بس الظروف هي اللي صارت ضدها والكل بيتفق على هالشي |
مجددا .. المشكلة أكبر بكثير !! |
يا كم بطولة ضيعناها ونحن نلعب مهاجمين وبقوة نفوز ونفوز وبكم وافر من الاهداف وفي الاخير نخسر تذكر مباراة النصر في نهائي الدوري عام 1415 كم نجما موجود في الفريق وكم لعبنا في الهجوم وفي الاخير ثلاثة اهداف من هجمات مرتدة وخسرنا الدوري الذي تصدرناه وبقوة هجوم ودفاع وأفضلية في كل شيء هل تذكر موسم 1419 الهلال مكتمل وفي الاخير خسرنا كل شيء تذكر كيف جاء هدف الشيحان في نهائي كأس ولي العهد هجمة مرتده وانفراد بحارس المرمى خمس من ست بطولات اسيوية كانت بفارق هدف واحد تعيب البطلات المحلية وهل تأتي البطولات الخارجية الا عن طريق البطولات المحلية من أخرجنا من البطلات الآسيوية الاربع الاخيرة ثلاث منها الثقة الزائدة عن الحد بالفوز وواحدة بسبب الاتحاد السعودي عندما منع اللاعبين الدوليين من المشاركة ( 9 ) لاعبين ======== أخيرا أمضيت من عمري أكثر من ثلاثين سنه في تشجيع الهلال والصياح والزعل والشد العصبي والنفسي في السنوات الخمس الاخيرة فكرت في هذه الجملة( أنت تريد وهو يريد والله يفعل ما يريد ) بطولة الدوري لهذا الموسم كانت مكتوبة ومقدرة للاتحاد فهل لو أتينا ( بميسي وصمويل ايتو ) هل كنا سنفوز بالبطولة هل تستطيع إخباري بمن سيفوز ببطولة آسيا لهذا الموسم من يعلم فقد يفوز بها فريق ام صلال او بختاكور +++++ في دوري 1424 تصدر الاتحاد بكم وافر من الاهداف وبدون هزيمة وفي النهائي أحضر لاعب ارجنتيني شهير اعتقد انه ( زاراتي ) وفي الاخير هزم من الشباب بهدف وحيد وخرج من المولد بلا حمص ولم تنفعه كمية الاهداف ولا طريقته الهجومية التي لعب بها مع تحياتي لك |
رؤية تقنية بحته ,, ارفع القبعة لما كتبت ,, شخصت وانت المتربع بعمق الالم الهلالي ,, لكن اختلف معك بنقطتين :- الأولى / الحسيني ليس بهذا السوء الذي تراه ,, الثانية / معرفك اختلف فيه , لانه لن يمر ملك غير دي ستيفانو ,, تحيتي لعقليتك الكروية التي سنجد التعاطف االا مبرر طريقاً لـ قتل موضوعك ,, |
معليش أخوي بس ما أتفق معك بأسلوبك لانك جرحت في بعض اللاعبين وبعض الاهرام الهلالية اللي ماكنت أتمنى ولا كنت أتخيل من عاشق هلالي ومحب لهالكيان انه يقوله عموما انا أختلف معك في الكثير من طرحك بل كلللللللله تقريبا لكل مو مشكله فالاختلاف في الرأي لا يفسد في الود قضية.... على مايقولون لكن مثل ما أسلفت.... أسلوبك.... أتمنى انك تراجع نفسك وتقبل مروري وعساني مازعلتك بس!! |
ماشاء الله عليك ابدعت في تحليل الوضع الهلالي ومازال البعض يكابر ويقول الهلال فوق الكل ومازالت الإداره تتفرج على الأنديه في ابرام الصفقات الكبيره وسد خاناتها بلاعبين محليين جيدين والهلال يريد صفقه واحده عالمية بدون اي فائده تذكر يا ادارتنا اهتموا في الاعبين المحليين واستقطبوهم وفكونا من اشباه الاعبين يا ادارتنا الموقره ادفعوا الملايين في الاعب المحلي وسدواخاات الهلال المظلمة اجلبورا راشد الرهيب او ادخلوا في الصفقه ضد الإتحاد ادخلوا في صفقة السهلاوي قدموا عروضكم على حسن معاذ وعبدالله شهيل وفكونا من صرف الملايين في الاعب الأجنبي |
الهلال ناقصه كل شي التكتيك غير موجود ؟ تشيلسي طردوا المدرب وجابوا غيره لعب تكتيك مغاير وغير الفريق واحنا كل المدرببين الي جو بعد كوزمين لعبوا نفس تكتيكه وماعرفو يتقنوه ؟ ياخي العب صح او لاتلعب بالاساس؟ وين هيبة الهلال ؟ في أحد يقولي وينها وين أيامنا مع جابيليوا الياباني في آسيا رغم تأخرنا بهدفين قلبنا الطاولة وكنا الأبطال .. احنا محتاجين مدرب يتقن دفاع كوزمين مع هجوم بلاتشي ... وينك ياسامي الجابر وينك يايوسف الثنيان وينك يانواف و و و و و أبدعتوا .. ناس على قد من المسؤولية مو مثل الي الحين .؟ :mad: يوم يلعب وعشرة ماله خلق ؟ الهلال ناقصه كثير وقبل لايكون ناقصه شي داخل الملعب ناقصه الكثير خارج الملعب وداخل الكيان الملكي الأزرق |
طرح رائع ومجهود تشكر عليه ولكن الإداره وإن كانت ركيزه أساسيه مهمه إلا أنه يبقى الأهم وهم اللاعبون وكلنا يرى الفرق بين من كان يمثل الهلال في ماتحقق من البطولات الأسيويه وبين يمثل الهلال حاليا ... رغم أن إمكانيات الجيل الأخير أفضل إلا أن الروح والإخلاص والعطاء داخل الملعب كان مهرا لتلك البطولات ... أستثني من ذلك اللاعب /أسامه هوساوي فهو الوحيد اللذي يذكرني بجيل الذهب والزعامه ولا أعلم سبب مقنع لذلك رغم التبريرات اللتي لايمكن أن تمر على جمهور يعشق ناديه بأخلاص ويحفظ تاريخه وإنجازاته ونجومه ويقدر كل من بذل جهدا في سبيل إعتلاء القمه ليس إلا........................................................ ويبقى الأمل قائما في محبي الزعيم |
يا الله ادارة محمد بن فيصل فاشلة ادارة حققت ثمان بطولات فاشلة يا الله وش هالفشل اللي يجيب لي ثمان بطولات واذا على كلامك الاسيوية ماجبناها المنتخب السعودي الفاضل اخذ باكيتا من الهلال والاسيوية باقي فترة بسيطة وكنا المرشحين لها والموسم هذا طرد كوزمين وقبل كم موسم حرمان الهلال من لاعبيه الدوليين في الاسيوية عشان حضرة المنتخب صحيح ان فيه اشياء لازم تتغير ولاعبين لازم تنسيقهم كالشلهوب والصويلح العنبر المفرج نامي والاهتمام باللاعبين الشباب واعطائهم الفرصة قبل مايضيعون واهم شي الموسم الجاي في المعسكر الاوربي ان اللاعبين المتواجدين فيه يستفيد منهم النادي ماهو اعدهم للاندية الثانية مثل ماصار مع الكلثم والبرقان واتمنى الموسم الجاي يكون في دكة الاحتياط صالح وعزوز الدوسري سلمان الفرج نواف العابد وسلطان البيشي حسن خيرات ونجوم درجة الشباب |
إقتباس:
من يقرأ ردك يا عزيزي يعتقد انني لا أرى مشكلة في الفريق سوى أسلوب اللعب العقيم !! ولكن هذا سبب خروجنا من البطولات هذا الموسم .. أنا لا أتحدث عن الأسباب .. بل عن مسببات أسباب الخروج .. لأننا نخرج بخفي حنين كل موسم .. تعددت الأسباب و المحصلة واحدة !! تحياتي لك .. |
إقتباس:
لكن ( بأخش في عيونهم ) كلهم كاعضاء شرف و مسيرين للبيت الهلالي .. لاواقع يقول أن خيارات الإدارة الهلالية في التعاطي مع الظروف التي يمر بها الهلال سيئة جدا !! هذا غير غياب دعم اعضاء الشرف .. يسنترون كلهم في النادي إذا فيه مباراه مهمة .. و يليتهم يدفعون كثر ما يحضرون .. كل واحد ما يدفع إلا إذا كان له مصلحة .. فيصل بن سعود كان الداعم الأول لما كان ولده محمد بن فيصل رئيس النادي .. و الحين ماعاد نشوفه .. عبدالله بن مساعد صار الداعم رقم1 لما جا أخوه عبدالرحمن وهلمجرا .. رواتب اللاعبين و مكافآتهم غطتها موبايلي بكل إقتدار .. لكن وين دعم الشرفيين عشان التعاقدات !! في الإتحاد عضو الشرف الداعم جاب الرهيب .. و الدب الداشر جاب الدوخي .. و الفعال جاب كريري .. و حنا لاحس و لاخبر !! |
إقتباس:
أنا لا أحمل الإدارة مسؤولية القصور في الرؤية الفنية .. لكن أحملها القصور في إختيار المستشارين الفنيين للفريق .. |
يبيلنا والله هاللي بصورتكـ ..!! |
قراءة قوية جداً وكلام قوي .. انا اقوله في منتديات ثانية ،، لكن بصراحة كنت خايف لا اقوله هنا ثم تطير العضوية نعم الهلال يفتقد من ست سنوات تقريباً لإدارة تملك فكر كروي والهلال ليس الهلال الأول .. من كم سنة والهلال يمشي بالحظ و بالدف والحمدلله ان الاندية السعودية كلها ما عدا (( الاتحاد ، الشباب )) تمشي بالدف وإلا ما اظن بنشم رائحة اي بطولة محلية |
إقتباس:
تحياتي لك .. |
| الوقت المعتمد في المنتدى بتوقيت جرينتش +3.
الوقت الان » 11:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd