ظرب - اهانه - تعب - حرمان - وابالاخير خساره ؟! - نادي الهلال السعودي - شبكة الزعيم

خــــالـــد · #1 27/05/2009, 05:14 AM

والله باتكلم على عدة نقاط واسمحولي اعبر عن مابداخلي

هالحين اجي من العصر واشجع واتعب وافضي عمري وبعض الاعبين يتمرقص

ماعبر هالجمهور الي جى واذا ما لعب قالو جمهور الرياض جمهور الرياض

والله مدري وش قصة بعض الاعبين الي اذا جمع كم ريال وظمن مستقبله قل عطائه

خلونا صريحين الى متى نجامل مثل مافيه ثواب لابد من عقاب

بعدين هالحين بادخل بالنقطه الثانيه باسئل الي مزعجين جمهور الرياض ما يحظر واهو جالس برى الرياض خلف الشاشه ولا يدري وش يصير لنا من رجال الامن

انا اقرب مثال اليوم حظرت من العصر واساعد الرابطه وعلشان علم مو لي ولا لي خص فيه انمسك

واحط في باص الشرطه بالله اي قانون هذا مسوي جريمه يوم احط بالباص من الساعه 8 ولا طلعت الا الساعه 12 ونص

والله لو اني مدخل ديناميت في الملعب عسكري في الملعب يبلغ وراعي العلم ينحاش وتطيح براسي

وبيني وبينكم والله من شاف مصيبة الناس هانت عليه مصيبته

طبعا انا اول واحد يركب باص اليوم واخر واحد طلع منه انا

طبعا واحد بعد المباراه ينتظر اخوه المعاق تكلم مع الامن ودفه واهان المواطن ودفه وركبه الباص

وش الجريمه الي ارتكبها ما ادري يعني يجي جني منتف يهيني علشان انتظر اخوي المعاق اي قلب هذا

ما ادري وش قصة الامن في الملعب والاداره تبي جمهور والعالم تبي حظور مشرف

ولا يدرون بالي يصير خلف الكواليس والله يا عالم فيه كلمات قيلة لنا وفيه مصايب صارة لنا وفيه اهاااانات بمعنى الكلمه

لكن وش في اليد حيله وهالحين

بالنسبه لي انا اعلنها من الان اعتزالي حظور جميع المبارايات في اي مكان بالعالم حتى مباريات حارتنا مو حاظرها

والله يلعن الواسطه الي طلعت رياجيل وبقت رياجيل

والله فكو شخص نفس مشكلتي بس الفرق بينا ان هذا عنده واسطه وانا لا

فاطلع ولا قعد دقيقه والله ما كملها وانا الي حاظر من الساعه 5 ولا طلعت الا الساعه 12 ونص وراحت علي المباراه

وبيني وبينكم خيره لو شفت المباراه يمكن انفجر من القهر

لكن كلمة حق اقولها اشكر اشخاص معينه من الامن الي سولفو معي ولا خلوني لحالي اطفش

واحب اطمنكم الامن يصرفلكم مويه ابو نص حار تشرب منه ما يخلونك تضمى بس ما تروح لدورة المياه ههههه

وبعد هذا كله اقول للجمهور الي حظر بيض الله وجيهكم وهارد لكم

وان شاء الله نعوض الموسم الجاي

طبعا بعد ما شفت التحليل من اخوياي اشكر بعض الاعبين

دعيع هوساوي رادوي طارق شلهوب

والباقي اقولهم كيف الحال ليتك تجي نص ساعه بالباص تعرف معاناتنا علشان تلعب

تقبلو خالص شكري وتقديري

توني احس بالراحه يوم عبرة

ريم الرياض · #2 27/05/2009, 05:21 AM

حسبي الله ونعم الوكيل !
معقووووولة؟؟ وش أسلوب المافيا هذا؟؟
بس تصدق ,, تراها خيرة لك ماشفت المباراة وإلا كان تنفقع مرارتك!!
ودك من يحط بعض اللعيبة في هالباص ويقفلون عليهم أسبوع علشان يتخللون و يعرفون يلعبون صح !!
الله يصبرك وجعل ماجاك تكفير ,, من جد أسلوب هالأمن تطفييييييييش ,, مدري مستقصدين جماهير الهلال ولا هم كذا دايمن؟؟؟

ياسلام ياهلال · #3 27/05/2009, 05:21 AM

حسبنا الله ونعم الوكيل في الى حرمنا فرحه الفوز بكاس ولى العهد وطرد كوزمين

وخلى شبيه الريح يدفع الملايين للاعبين الى اختارهم كوزمين حسب تكتيكه
وترا شبيه الريح ماختارهم بنفسه اكثر من 110 مليون راحت كذا بلوشي
حسبنا الله ونعم الوكيل اللهم انصرنا على من ظلمنا

والله الامير عبدالرحمن ماقصر بس الى حصل للزعيم هالموسم مستحيل يتكرر
هارد لكم يازعماء وعلى دروب الزعامه نلتقى .......

وسن الهلالية · #4 27/05/2009, 05:23 AM

اتوقع هذا اهم سبب يخلي الجماهير مايحضرون الله يعينكم

Azef_al3ood · #5 27/05/2009, 05:28 AM

الششششششششششششششششرهه على الي يحضر لهم مباراه

حر قرف لعب مثل الزق يطفششششششششششششششش

أأخ بس

فهد وهلالى · #6 27/05/2009, 05:31 AM

على العموم كفاره بس هل تتصور ان يكون الباص جاى فاضى ويرجع فاضى ليه ما يصدقون يلاقو واحد لو يكح ركبوه الباص بعدين تتشرط تبى مويه بارد؟؟؟

القطري بس سعودي · #7 27/05/2009, 05:33 AM

نص العسكر ......... نصراويه .... معفنين ......... وجهله ....... كفاءة متوسطة

الله يقطع وجيههم ذيك ............... يحطون حرة ناديهم .... بجماهير الهلال .

شروهي · #8 27/05/2009, 05:38 AM

راح زمان اللاعبين اللي يحسووون بالجمهور إذا شجعهم ويقدورون حضورهم

خــــالـــد · #9 27/05/2009, 05:44 AM

انا الي قاهرني الواسطه شغاله

طيب انا انسان ماعندي واسطه جلست بالباص وانحرمت من المباراه

والله ياجماعه ياهو الباص حررررر يعني حمام شامي قليله بحقه

موووت حر موووت يعني المويه حاره وزياده على ذالك حرارة الباص غوانتنامو مو باص

بعدين ياخي شي يقهر احضر من الساعه 5 وانا الي مصمل اخوياي وانحرم من المباراه وينهزم فريقي والله قهر بقوه

ورجال الامن بس فالحين عصيرات وفله وطايحين دعوات على الهلال بالهزيمه

كرهت الملعب والسبب رجال الامن

ولد مطير الهلالي · #10 27/05/2009, 06:38 AM

إقتباس

الرسالة الأصلية كتبت بواسطة خــــالـــد


	انا الي قاهرني الواسطه شغاله طيب انا انسان ماعندي واسطه جلست بالباص وانحرمت من المباراه والله ياجماعه ياهو الباص حررررر يعني حمام شامي قليله بحقه موووت حر موووت يعني المويه حاره وزياده على ذالك حرارة الباص غوانتنامو مو باص بعدين ياخي شي يقهر احضر من الساعه 5 وانا الي مصمل اخوياي وانحرم من المباراه وينهزم فريقي والله قهر بقوه ورجال الامن بس فالحين عصيرات وفله وطايحين دعوات على الهلال بالهزيمه كرهت الملعب والسبب رجال الامن

من بعد هذا الكلام الله يلوم الي يلومكم في الحظور
ابد ماعلي كرامتي ونفسي

F.C.H · #11 27/05/2009, 05:48 AM

’’

جيل النعيمه

جيل الثنيان

جيل سامي

هذول اللي كانوا يحرثون الملعب لعيون الجماهير الحاضرة

للأسف جيل ياسر ما يهمه الا جيـبه وبس

’

خــــالـــد · #12 27/05/2009, 03:39 PM

اشكر الكل من رد ورفع من معنوياتي

وعسى المدرب الجديد يخفف من معاناتنا شوي

وان شاء الله ابن مساعد راح يفرحنا بصفقات جديده من طراز عالي