خليكم صريحين : غرورنا هو اللي ذبحنا - نادي الهلال السعودي - شبكة الزعيم

ريم الرياض · #1 27/05/2009, 04:21 AM

السلام عليكم ورحمة الله وبركاته

بدون مقدمات

انهزمنا وطلعنا من أبطال آسيا مع إننا كنا أسيادها <<< وحطوا تحت كنا عشرين ألف خط أحمر!!!

الحمد لله وماشاء فعل

المصيبة إننا إلى يومنا نبكي على الأطلال ونقول كان ياماكان!!

ياناس والله ماضيعنا إلا غرورنا الزايد عن حده وتمجيد الماضي وإستهتارنا في الخصم <<< لاتنسون تراه خصم ,, يعني ماجاء من حواري!!

خلينا أبدأ فينا احنا يالجماهير : أم صلصال ,, أبو صلال وأمه والعيلة الكريمة ,, ,,,ماله ترتيب في الدوري ,,الخ!!!!!!
فينا ثقافة : ترانا أحسن ناس والتاريخ يشهد!!! <<< حتى في بعض الأحيان يدخلون الجغرافيا في الموضوع وياليتها نفعت!!

نجي داخل الملعب : اللعيبة مستهترين بأم صلال(لايغركم تصاريحهم في التلفزيون)
والدليل : بالله عليكم ماقدرنا ولو نخوفهم بهجمة زي العالم!!
لاتتعذرون بالمدرب وخطته ,,هدف واحد كان يكفينا ,,بس نرجع للجرح : مغرورين وكنا أبطال آسيا!!!
نتعادل في أرضنا مع سابا باتري اللي يعتبر رضيع في كرة القدم ( عمره تقريبا خمس سنين لا أكثر!!!!!)

إلى متى نتغنى بتاريخنا وبماضينا ونكابر واحنا نخرج من بطولة كنا أسيادها على فرق صغيرة وماتنشاف إلا بالمجهر!!!!

ايه نعم التاريخ يدعم ويبث فيك ثقة بس مايعطيك الفوز إذا إنت متكي وحاط رجل على رجل وتردد : نحن قوم لا توسط بيننا ,,,, لنا آسيا دون العالمين أو الفضيحة!!!

الدوري الألماني هالموسم فاز فيه فريق أول مرة ياخذ دوري ,, ويمكن أول مرة يوصل للخمسة الأوائل!!!
ياناس احنا في زمن إحتراف ,, تقدم كورة حلوة ,, تجيك بطولات حلوة ,, بتقعد تبكي على الأطلال ,, بتندفن مكانك!!

ايه نعم كنا أسياد آسيا ولانزال ,, بس اللي يشوف الناس من فوق جبل يشوفهم صغار ,, وهم بعد يشوفونه صغير!
حرام نمسح تاريخنا بإستهتارنا ,, حرام الهيبة الهلالية تروح بين الرجلين ,, الهلال زعيم آسيا غصب عن الكل ,, فاحترموا الزعيم وخصومه يحترمكم ياسادة!

ترا الكلام طالع من حرتن في قلبي لاتدققون عاد

شعبولا الهلالي · #2 27/05/2009, 05:58 AM

الجميع مستهتر بالفريق المقابل الله يعينك ياابن مساعد على نامي وطقته والتايب باص عيون الله يلعن الباص عيون الي تعرفه

هلآلي535 · #3 27/05/2009, 06:02 AM

هههههههههههههه

والله انهم يضحكون علينا اللاعبين

لان عندهم عذر يحول المسآكين اقالو مدربهم واااء

بس ياليت اي واحد رافع خشمه ومتكبر ومغتر بنفسه انه يقهويهم بالنادي ويغسل الملابس..

ياااســــــــــر · #4 27/05/2009, 06:11 AM

المسأله والله مو مسألة استهتار لكن عندنا لاعبين حرام والله يكونو بالزعيم

نامي الزوري سوووول الصويلح (عبد اللطيف الغنام <<<<افضل السيئين)

مع وجود هؤلاء اللاعبين بيكون مستوى الزعيم ضعيف وهو ماحصل امس

يعني مو استهتار بالخصم بالعكس هذا مستوى الزعيم مع هؤلاء اللاعبين

مشكوره اختي

DiDo0o · #5 27/05/2009, 06:14 AM

مدري انت بنت ولا ولد ,,
<< لانه لو لـ بنت راح استغرب جدا ,,

لكن بصراحة موضوع عن صفحتين من المواضيع الي راحت وكلها صراخ ومهايط وتلعين بزران

بدر _ 10 · #6 27/05/2009, 06:17 AM

سبب هزيمتنا من ام صلال سببين :
1_ ام صلال مدافع ويلعب على المرتدات ويتمنون الوصول الى الاشواط الاضافية ثم ركلات الترجيح
هاذا ماقالوه بالسنتهم في تصريحاتهم .. !!

2_ الاعبين الهلال هاوين ليسو مدافعين وليسو مهاجمين
ولم يقدرو على الوصول الى مرماهم وان السبب لهاذا
كلة هو اللعب بمهاجم واحد .. ومهاجم واحد ما يقدر يسوي شي
ولاكن ام صلال قدر يمشي الهلال بما يريدون حتى وصلوا الى الركلات الترجيحية

وخيرها بغيرها وبتوفيق للهلال الموسم الجاي والحصول على جميع البطولات ,,وشكراً

F.C.H · #7 27/05/2009, 06:18 AM

صـادقة أختي ريم

فعلاً غرور لاعبيـنا هو السـبب

والسبب الأقوى أنهم ما يحسون ولا يبالون بالشعار والجمهور اللي واقف وراه

وهذي مصيبه

الحمد لله على كل حال

مشكورة أختي

شكرا لك · #8 27/05/2009, 06:26 AM

صحيح ,,

كلامك بمحله

اهنيك على طرحك

اذكر واحد كان كاتب موضوع قبل مباراة النهائي مع الاتحاد

واحد ينتقد الغرور والبجاحة في التفائل

يقول ككنكم بتلعبون مع ضمك

يالله يالخساره

مزيون قطر · #9 27/05/2009, 06:29 AM

لا فائدة من البكاء على اللبن المسكوووب

هلالي +برشلوني · #10 27/05/2009, 06:29 AM

ياااااااااااااااااااليت الغرور سبب هزيمتنا

كان على الأقل شكلنا بعد الهزيمة أحلى من كذا

المصيبة أناهزيمتنااااااااااااااا جات من الخووووووووووووووووووف

ومن من أم صلال اللي مرقوع 7 قبل كم يوم

حسبي اللّة عليك يـ الحسيني قسم بـ اللّة لو كان البارح يدرب الهلال كهربائي

ليعلب بـ 3 هجوم ويمكن يلعب بدون محاور

تصدق البارح ذكرت مباراة السعودية والمانيا اللي لعبنا فيها 5 دفاع و3 محاور

وأنرقعنا 8 هههههههههههههههههههههههه

مشكلتة مايفرق بين أحترام الخصم والخوف من الخصم شكلة البارح مشبة على أم طلال يحسبها برشلونة

فرانك ريكارد · #11 27/05/2009, 06:30 AM

مو غرور .. لو فزنا ماقلتي هذا الكلام أختنا ..

الهلال لعب بمستوى جيد جداً ..

أم صلال لاعب مداااااافع

تحيتي

فارس كردي

الثيان الصغير · #12 27/05/2009, 06:36 AM

بصراحة ما ظنيت ان الغرور هو السبب

يعني على شنو بالله ينغرون لاعبين الهلال ، على بطولة الدوري التي حققنها وبفارق كبير من النقاط بيننا وبين اقرب منافس
اما على حصولنا على كاس الملك في مبارة كلاسكية ابدع فيها الهلال

سبب هزيمتنا : ان هذا هو مستوى الهلال وهذه هي خطة الهلال من بداية الموسم

ريم الرياض · #13 27/05/2009, 06:36 AM

شاكرة تفاعلكم و ردودكم أخواني ,,

أخوي فارس كردي : من صدقك الهلال لعب اليوم بمستوى جيد وجدا؟؟؟؟؟؟
120 دقيقة وزعيم آسيا حيران مايعرف طريق الباب وتقولي جيد جدا؟؟

ريم الرياض · #14 27/05/2009, 06:39 AM

أخوي الثنيان الصغير : أنا ما أتكلم عن هذا الموسم بس ,, أنا أتكلم عن خروجنا المبكر ( اللي تعودنا عليه للأسف!)من الأدوار التمهيدية لأبطال آسيا في السنوات الأخيرة وعلى يد فرق صغيرة !! وصلت الفكرة؟؟؟

طلال السالم · #15 27/05/2009, 06:52 AM

الهلال لازم يجلب لاعبين في كل المراكز زي مافعل الاتحاد عام 2004 جاب في كل مركز لاعب اولاعبين

والى متى الهلال معتمد على الدعيع والتايب والقحطاني