إقتباس الرسالة الأصلية كتبت بواسطة zaeemzom التايب برا من النادي ،، ظهير يمين ،،،،ياسر يراجع علومه ولا يقظب الباب ،،،عزيز لا يررررووح ،،،، ويلي برا من النادي ،،،،مهاجم محترف داهييه ،،،، تصعيد شباب الهلال ،،، و تنسيق الشياب ،،، محترف اسيوي يكووون صانع لعب او مهاجم فلته ،،،، والله مانمت لما الان مواصل من القهر ،،،، والله شاب الشعر ياهلال و طولت الغيبه ياسيا

نفس الشعور تعبان من عقب مبارة أمس وعندي أختبار الله يسهل بس ..

التايب برى
ويلي برى

كفااااااااااااااااااية تطبيل لكم ..

كم إفتقدنا الدوخي

كابرنا على رحيله .. لكن إلى الآن ونحن نعاني

لكن في ضل غياب الدوخي ورحيله عن أسوار الهلال لم يأتي ظهير أيمن يليق بالهلآل

نحتاج أيضاً لاعب يُجيد التسديد من خارج الـ 18 وبتركيز عالي (( سقى الله أيامك يا عبدالله الجمعان ))

نحتاج لاعب صانع لعب بجانب الفريدي

نحتاج مهاجم سريع + مهارة و أعتقد هالحل موجود بتواجد عيسى المحياني

يعطيك العافيه اخوي نواف وبإذن الله كل شىء يتغير مع أبوفيصل

الحكمه والدرايه في الاداره هذي الشىء الكثير وبالتأكيد راح تتخذ قرارات من مصلحة الفريق ..

يفكونا من المجاملات واحنا بخير ..

أتمنى تكون فيه جرأه من الاداره وتتخلى عن النجوم المتهلهله الي بالنادي مثل الشلهوب الي أنا بصراحه ماني مقتنع أنه بيعمل أضافه للفريق والخثران وغيرهم كثير ..

لاعب زي عبدالعزيز الدوسري السنه الي فاتة كان شعله من النشاط والدكه السنه ذي حرمتنا منه وشفناه قدام الحزم في كأس الملك كيف زاد وزنه واتأثر بجلسته على الدكه حرام والله لاعبين زي كذا يندفنو والسبب المجامله ..

والله مدري وش أقول ياهلالكو



أمس نمت بعد الهزيمة <--- ياشين نومة الغبن .. وتوني صاحي <-- وقافلة أخلاقي

طق على الباب الهندي يبي فلوس حقت غسيل السيارة كرشته .. الهلال مهزوم وذا مزعجني على عشرين ريال المشكلة لو عطيته خمسين ما معاه صرف


ياخي والله ارتفع ضغطي الدعيع في ضربات الجزاء كان تعبان .. جداً ماهو من حقه يرفض التبديل نهائياً



أبيهم يقشعون كل اللعيبة .. كلهم " أهم شي رادوي وأسامة هوساوي " <-- فديت ذا الثنين والله وحووووووووووش بمعنى الكلمة


رادوي قتالي من الدرجة الأولى


يوم حضن على الكورة القطري .. قام يشوته فديت قلبه .. " على طول أنا قلت ياليته محمد نور اللي محضن عشان يشوته " <-- أكره الحركة ذي لاسواها نور

المهم رد علي اتحادي كان قاعد معنا وقال .. " محمد نور شايل فريقه .. !!!!! "



يا اخوان ما تلاحظون ما عندنا لاعب قيادي " بمعنى الكلمة " !!!!!!!!!!!!!!!!



إإإإإيه يا سامي والله لو تلعب بنصف مستواك .. كنت تهز الملعب هز .. " أيـّام حلوة "





شكراً

إقتباس الرسالة الأصلية كتبت بواسطة قاسموف يفكونا من المجاملات واحنا بخير .. أتمنى تكون فيه جرأه من الاداره وتتخلى عن النجوم المتهلهله الي بالنادي مثل الشلهوب الي أنا بصراحه ماني مقتنع أنه بيعمل أضافه للفريق والخثران وغيرهم كثير .. لاعب زي عبدالعزيز الدوسري السنه الي فاتة كان شعله من النشاط والدكه السنه ذي حرمتنا منه وشفناه قدام الحزم في كأس الملك كيف زاد وزنه واتأثر بجلسته على الدكه حرام والله لاعبين زي كذا يندفنو والسبب المجامله ..

كلامك في الصميم ... وعين الحقيقه .. شرفني تواجدك يالغالي

إقتباس الرسالة الأصلية كتبت بواسطة زعيم المدرجات والله مدري وش أقول ياهلالكو أمس نمت بعد الهزيمة <--- ياشين نومة الغبن .. وتوني صاحي <-- وقافلة أخلاقي طق على الباب الهندي يبي فلوس حقت غسيل السيارة كرشته .. الهلال مهزوم وذا مزعجني على عشرين ريال المشكلة لو عطيته خمسين ما معاه صرف ياخي والله ارتفع ضغطي الدعيع في ضربات الجزاء كان تعبان .. جداً ماهو من حقه يرفض التبديل نهائياً أبيهم يقشعون كل اللعيبة .. كلهم " أهم شي رادوي وأسامة هوساوي " <-- فديت ذا الثنين والله وحووووووووووش بمعنى الكلمة رادوي قتالي من الدرجة الأولى يوم حضن على الكورة القطري .. قام يشوته فديت قلبه .. " على طول أنا قلت ياليته محمد نور اللي محضن عشان يشوته " <-- أكره الحركة ذي لاسواها نور المهم رد علي اتحادي كان قاعد معنا وقال .. " محمد نور شايل فريقه .. !!!!! " يا اخوان ما تلاحظون ما عندنا لاعب قيادي " بمعنى الكلمة " !!!!!!!!!!!!!!!! إإإإإيه يا سامي والله لو تلعب بنصف مستواك .. كنت تهز الملعب هز .. " أيـّام حلوة " شكراً

باالتأكيد الهلال يفتقد القتاليه في وسط الملعب ولا لاعب سعودي يحس بالفريق ويقود الفريق في وسط الملعب ونأمل خير في الموهبه الفريدي المقاتل ..

لكن الهلال لابد أن ينظر في التعاقدات القادمه الكثير من هالامور ويجيب مهاجم ليش مايجيب أجل ننتظر ياسر لين يصحى على سرحانه في المباريات والا غيره مايقدر يشيل الهجوم إطلاقا,,
وأما قصة الهندي الله يعينك معه لو أنا مكانك بيروح فيها عاد ضيقة المبار لين الحين ههه ..

إقتباس الرسالة الأصلية كتبت بواسطة قاسموف يفكونا من المجاملات واحنا بخير .. أتمنى تكون فيه جرأه من الاداره وتتخلى عن النجوم المتهلهله الي بالنادي مثل الشلهوب الي أنا بصراحه ماني مقتنع أنه بيعمل أضافه للفريق والخثران وغيرهم كثير .. لاعب زي عبدالعزيز الدوسري السنه الي فاتة كان شعله من النشاط والدكه السنه ذي حرمتنا منه وشفناه قدام الحزم في كأس الملك كيف زاد وزنه واتأثر بجلسته على الدكه حرام والله لاعبين زي كذا يندفنو والسبب المجامله ..

ياهلا وغلا فيكم زعمااااااااااء أضن على هاالحـــــــــــــــــــــــــــــــال راح يتغير أسم الزعــــــــــــــــــــــيم
من الي بيسمع كلامنا من الي بيعبرنا أحترقت أعصابنا جانا الظغط والسكر من نامي وشاكلته؟؟؟؟؟؟؟؟؟؟؟؟؟
الفريق أمـــــــــــس بدون رووووووووووح قال احضر ياجمهور وحضرنا بس لاحيات للمن تناااااااااااااااااادى
نتمني من أدارة الزعيم تصفيت الفريق ؟؟؟؟؟؟؟؟؟؟؟ ورب الكون عندك لاعبين حراااااااااااااااااااااااااااااااااااااااااااااااااااااااااااااااااااااااااااااااااااااااااااام يلعب بشعار الزعـــــــــــــــــــــــــــــــــــــــــــــــيم

تحياتى لكم

إقتباس الرسالة الأصلية كتبت بواسطة عاشقة حب الهلال مع احترامي للاداره الحاليه لكن من وجهة نظري الشخصيه اطالب برئيس اخر للهلال (بندر بن محمد او سعود بن تركي ) مو معناة كلامي ان الامير عبدالرحمن فشل لا بالعكس بس الامير عبدالرحمن مثالي وطيييييب والوسط الرياضي يبي له واحد زي الامير بندر والامير سعود بالذات انهم مانوا في يوم من الايام رؤساء للهلال يعني عارفين البير وغطاه على قولتهم ثاني شي ... طبعا كغيري اطالب بظهير ايمن مميز .... واصبروا ع التايب ... لاتنسون متى ماتحرك التايب تحرك الهلال وهجوم الهلال اطالب ايضا في الاداره بوجود الكابتن الكبير صالح النعيمه ............... تقبلوا ارائي ودعونا نتناقش لمصلحة الهلال اولا واخيرا" تحيـــــــــــــــآتي ...

أول شىء أحيك على شجاعتك وأبداء رأيك لكن للاسف أن فيه ناس تطالب أن يبتعد أبو فيصل عن الفريق وأهو روح الفريق بأكمله وأنا من هنا أطالبك بالتراجع عن كلامك ..
لإن أبوفيصل تعب من أجلنا وصفقات لين آخر الموسم وش يسوي مسكين ..

أما التايب لاتعليق على هالاعب الكبير هههه

اهم شي يوقعون مع التاااايب ويريحونا نفسيا
من ناحية نفيز انا شفت له ثلاث مباريات بالدوري البرازيلي بصراحه وبدون اي مجامله مايجي على ربع لعب التايب
ويلهامسون يحطونه بخيشة بصل ويحرجون عليه بأقرب مسجد
سيول راح نحمد الله ونشكره
رادوي بصراحه مستواه ممتاز ولاعب قتالي بس احيانا يتصرف برعونه

التايب+ نفيز+مهاجم مثل ماركة كيتا يكون سريع وقوي +ضهير ايمن آسيوي

حرام امس نامي ماقصر كويس لعبه الي مالعب امس هو طارق كورتين يواجه المرمى ولا يشوت وهم الشلهوب ضيع كوره قول والهجوم كان محتاج اكثر من مهاجم تلعب قدام ام صلال بمهاجم واحد المفروض لم يلعب الفريق الي قدامك بخطه 4-5-1 انت تلعب على الاقل بمهاجمين يعني المفروض تشكيله الهلال امس 4-4-2 على الاقل الشوط الثاني .

الحسيني امس ماقصر سيطر وضغط على ام صلال لاكن هذه المباريات تحتاج مدرب كره قدم وليس مدرب لياقه اعتقد الحسيني كم دوره تدريب ويصلح يدرب فرق كبيره .
عدرا ادارتنا الحبيبه سوف اطرح سؤال كل الفرق تجلب لاعبين يمتازون بالمروغه والتسديد الا محترفينا لا رادوي ولا ولي ولا طارق ولا سول يجمعون صفات التسديد والمروغه والذكاء والدها ء .
طارق حتى البلنتي باص عيون .
صدقوني ياجماعه لو لعبنا امس بخطه 4-4-2 لخرجنا فائزين على الاقل 2-0
وشكـــــــــــــــــــــــــــــــــــــرا

إقتباس يا اخوان ما تلاحظون ما عندنا لاعب قيادي " بمعنى الكلمة " !!!!!!!!!!!!!!!!

مافيه قيادي بفريق الهلال ألا رادوي ان شاء الله الموسم الجاي يعطونه الكابتنيه لاعب يلعب من القلب وتحسه مولود بالنادي ..


الدعيع الموسم الجاي اتمنى اشوفه بدكة الاحتياط خلاص ياخذ عمره وعمر غيره يعطي فرصه للشمري وولد اخوه ..


مانبي ظهير أيمن وبس نبي حسن معاذ وحلال فيه 30 مليون بدال هالملايين اللي تصرف على أشباه لاعبين ..

ويلي يشوف له نادي اوروبي .. وطارق مانجدد معه ...

وياسر من بداية الموسم الجاي يذوق اللطعه بالدكه الى نص الموسم وان مافلح ينتقل لأي نادي الهلال ماياقف على أحد ...

إقتباس الرسالة الأصلية كتبت بواسطة فيروس ازرق اهم شي يوقعون مع التاااايب ويريحونا نفسيا من ناحية نفيز انا شفت له ثلاث مباريات بالدوري البرازيلي بصراحه وبدون اي مجامله مايجي على ربع لعب التايب ويلهامسون يحطونه بخيشة بصل ويحرجون عليه بأقرب مسجد سيول راح نحمد الله ونشكره رادوي بصراحه مستواه ممتاز ولاعب قتالي بس احيانا يتصرف برعونه التايب+ نفيز+مهاجم مثل ماركة كيتا يكون سريع وقوي +ضهير ايمن آسيوي

بلاتايب بلاهم اذا تبي مهر البطوله تجيب لاعبين يحسون بالفريق لاعب سريع يصنع اللعب صح مو يلعب لنفسه والا استهتار فوق اللزوم علشان يحصل تصفيق من الجمهور وبطىء وراح يوقف نصف الموسم ويأثر التوقيف عليه ومايلعب الاقدام الافرقه الضعيفه الحزم وطقتها .. وكل هالكلام مني ومن غيري من لاعبية الهلال السابقين أمثال فيصل أبواثنين .. اللي شكر الاداره وسامي على المجهود وحمل الاعيبه المسؤوليه الاكبر