اول شي الحمد لله الذي لايحمد على مكروه سواه

والله ياناس حتى لو مورينهو مدربنا ماراح نتأهل شي ماهو مكتوب

بالنسبة لي ان الموسم هذا رغم كل الظروف اللي مرت على الهلال لكن استطعنا تحقيق بطولة وصرنا الوصيف بالدوري وهذا يكفيني لانه لو فريق غير الهلال والله راح تشوفونه ينافس على المركز الخامس

اما مباراة ام صلال فراح اعتبرها مباراة للنسيان وراح انظر للإيجابيات واللي من اهمها بالنسبة لي عودة المستوى لكل من المرشدي والشلهوب والصويلح . كنت اتمنى يكون معهم ياسر لاكن اعتقد ياسر يحتاج لإجازه طويله

نجوم الزعيم في المباراة كانوا هوساوي ( وهو اهم بطوله حققها الهلال لهذا الموسم ) والمرشدي ورادوي وبنسبة اقل الصويلح والزوري في الشوط الثاني

عموما في الموسم القادم الهلال محتاج لتدعيم صفوفه في أكثر من خانه واعتقد ان اهمها هو مركز الظهير الايمن وفي خط الهجوم
طارق التايب كفيت ووفيت بزياده وعشنا معاك ايام لاتنسى لكن اعتقد الهلال محتاج لعقلية جديده في خط الوسط
فهد المفرج ماقصرت والله يوفقك وين ماتروح ذكرياتك الجميله مع الهلال ماراح تغيب عن البال[/LIST]
ياسر القحطاني إلى متى ؟؟؟؟؟؟؟

الحسيني جميعنا نعلم ان المسؤوليه كانت كبيره عليك لكن بصراحه انت تستحق الاحترام لكل شيء بذلته واتمنى ان تبقى في الطاقم التدريبي الجديد
وفي الاخير نبقى زعماء اسيا