بلنتي عيون!! وتخبط الحسيني!! وسجود الشلهوب في كل بلنتي وتحميلة مسؤلية الحسم - صفحة رقم 2 - نادي الهلال السعودي - شبكة الزعيم

الذئب النمر القناص · #16 27/05/2009, 03:32 AM

سبب الخساره بعد الله الحسيني ماوفق بتغيير ياسر المفروض يغير سول او ولي وينزل الصويلح.
وركلات الترجيح ركلات حظ وتوفيق والهلال مو وفق بركلات الترجيح.

مثالي جدا · #17 27/05/2009, 03:37 AM

الظروف ضدنا من بعد كأس ولي العهد !!!! واللله يستر !!

مــلــك الاحــســاس · #18 27/05/2009, 03:37 AM

لالالالالا حدك الا الدعيع

m1234 · #19 27/05/2009, 03:40 AM

إقتباس

الرسالة الأصلية كتبت بواسطة أســطورة الأســاطير9


	بلنتي عيون والا خشم ما علينا هو لعبها صح قوية وفي زاوية لكن الله كاتب انها تضيع كبير يا طارق ويفداك مليون بلنتي يكفي حماسك واخلاصك يكفي تمريراتك في المباراة لاعب كبير ومبدع وفنان عبقري وخرافي الله لايحرمنا منك يا برنس الابداع

والله إنك جبتها شوف حماس طارق في المباراة وتمريراته اللي من ضمنها للشلهوب وضيعها

طلال ارسنالي · #20 27/05/2009, 03:42 AM

بعيدا عن العاطفه حلوه هالكلمه طيب باستخدمها معك واناقشك بكل هدوء

اولا الحمدلله على كل حال وقدر الله ماشاء فعل

ثانيا انت جالس تبرر للشلهوب وانا ماالومه لانه كان عليه ضغط

طيب طارق لعبها بمهاره وانت تدري ان طارق من النادر انه يضيع مثل هذه الكور لانها طريقه احترافيه وليست استعراضيه وهذي تحسب لحارس ام صلال الي انا متأكد انه عارف طريقة طارق بلعب البلنتيات وتحسب ايضا على طارق لعدم تغييره الحركه لان اناس ماهيب جاهله بطارق او اي لاعب من لاعبين الهلال ,

وبعدين سألتك بالله هل انت مقتنع بأن طارق لاعب غير مفيد وفعال في الهلال ؟؟؟

والله ثم والله ان جوابك هو . لا والله انه هو المؤثر في الهلال ويكاد يكون الوحيد في الفتره الحاليه

ارجع بذاكرتك للوراء ماراح اذكرك بمباريات الدوري او الكؤؤس بل ابيك تتذكر مباراة باختكور لا تقولي استعراض ابقولك تذكر التمريرات وجاوبني

وانا اخوك يعلم الله اني قاعد اكتب وانا مخنوووق ولا انا عارف وش اسوي لكن ابيك تحكم عقلك وتفكر باللي جاي

واسأل الله ان يصلح حال الهلال عاجلا غير اجل

واسف عالاطاله

السفيرالهلالي · #21 27/05/2009, 03:43 AM

خلااااااااااااااااااااااااااص يادعيع يرحم لي والديك اترك الفرصه للشباب امثال العتيبي ولا كوره مسكتها اه يالقهر اه

كيف لا وانت العملاق وعميد العالم

خلاص يالدعيع اعتزل الله يخليك وخلي غيرك يشوف مصلحته ويأكل عيشه ويبدع مع الزعيم

QADAH 19 20 · #22 27/05/2009, 03:47 AM

بلنتي عيوووووووون

الله يستر علينا بس وين كنا ووين صرنا

الهلال حـبي · #23 27/05/2009, 03:49 AM

الحمد لله على كل حال
ويجب محاسبه المقرصين في النادي وياكثرهم والله

عشقي الدائم هلال · #24 27/05/2009, 03:49 AM

إقتباس

الرسالة الأصلية كتبت بواسطة أســطورة الأســاطير9


	بلنتي عيون والا خشم ما علينا هو لعبها صح قوية وفي زاوية لكن الله كاتب انها تضيع كبير يا طارق ويفداك مليون بلنتي يكفي حماسك واخلاصك يكفي تمريراتك في المباراة لاعب كبير ومبدع وفنان عبقري وخرافي الله لايحرمنا منك يا برنس الابداع

يرحم أمك وين حماس وإخلاص ... على عيني وراسي كبير ومبدع وفنان يوم يشتهي ...عبقري وخرافي .. بس ما نفع الفريق في أكثر من مباراة حاسمة .... الله يفكنا منك ياتايب ,,,,

والله لو الشلهوب اللي مسوي خبال طارق ... كان قامت الدنيا وما قعدت ... وهي قايمة أساسا عالشلهوب ... كأنه هو اللي يتحمل خسارة المباراة ... مدري ال10 فنايل وش كانت تسوي ....

ماجد شمر · #25 27/05/2009, 03:51 AM

والله كلامكـ على العين والراس

العب بمحور واحد ودخل مهاجم يساند ياسر يعني 4-4-2

>>أما طارق فأقول الله يسامحكـ بلنتي حساس تستعرض أأأأأأأأأه لو بكم حماس مثل حماس نووور

>>المرشدي وهوسأوي ماقصروا

>>الاظهره ... لاتعليق

>>سيول عفوا مكان ليس بالزعيم

>>ولي .. ودي أفهمكـ

>> ياسر .. ريح هالموسم .. وطلق المحياء قاادم

>> الصويلح .. يعجبني حماسكـ بس لو تهتم بوزنكـ مثل همكـ بشعركـ

>> الحسيني أأأأأأأه يالحسيني مادري وش تبي بالضبطـ .. عندكـ ثلاث تبديلات .. تبدل أأثنين ..

لاكن

تسير الرياح بما تشتهي السفن

20 القـــنـــاص 20 · #26 27/05/2009, 03:56 AM

معك في نقطـة الدعيع

متـى فاز الهلال ببطولة او مباراة خروج مغلوب في السنوات الاخيرة
والحارس كان محمد الدعيع ؟

آلـكـآسـر20 · #27 27/05/2009, 03:56 AM

الى متى ونحن نجآمل التآيب ؟

..

وصدق مآجد يوم قال لاعب استعراضي ,

كلام الحق ماينزعل منه ..

اذا صلح لك كم قول في الدوري قلنا التايب والتايب

وينه من المباريات المصيريه ؟

لاعب اخلاقه زفت في الملعب وهواش معا الحكام

ولازم يطلع بأصفر ابسط حقوقه

وقسم نجآمل على مصلحة الفريق في الف لاعب

افضل منه واقل منه سعر وافضل منه امكآنيه

أبوجناان · #28 27/05/2009, 03:56 AM

ما ضيع الزعيم الا سامي الجابر ياناس ياعلم سامي الايصلح اداري وايام كوزمين كان واطي على رقبته وما يخليه يتدخل وانا اتوقع

ومليوون بالميه كل التغيراات من سامي

Webmaster · #29 27/05/2009, 03:59 AM

شوف الترقيع والتطبيل بس!

قال طارق لعبها بطريقة احترافية!

يا أخي، من هالحارس اللي يطالع بوجه اللاعب وما يطالع الكورة وحركة ساقه؟!!؟!؟!؟!؟

طيب طيب ... افرض جدلاً أن فيه حارس يطالع بوجه اللاعب عشان يستشف منه المكان اللي يبي يشوت الكورة عليه، هل اللعيبة عموماً بهالغباء عشان ما يموهون على الحارس ولو بحركة العين؟ هذا هو الطبيعي صح؟ أنك تطالع بمكان، وبعدين تطالع بالكورة، وتشوتها بالمكان الآخر ... هذا طبعاً إن كان الحارس بهالسذاجة!

لكن أنك تطالع "فوق" وأنت تشوتها، وتبالغ بالتمويه، وكأن اللي قدامك معاق ذهنياً، فهنا أنت دبشة!

قال ايش، مهارة!

شف شلون لعبوها لعيبة أم صلال، شاتوها من قلب!

حتى الصويلح لزقها بسقف المرمى عشان يلعب على السليم ... مو تجيني تطالع فوق وكأن الحارس بيطلع من مرماه وينقز فوقك لأنه يحسبك بتشوتها هناك!

راهن على الأحوط والأسلم لك، سقف المرمى أو بزاوية ضيقة، مو تطالع يمين وتشوتها يسار وكأن العالم ما حفظتك!

هلالي الجوف 911 · #30 27/05/2009, 03:59 AM

ضربات الترجيح ضربات الحظ والشلهوووب لم يوووفق
لو كونو كل الاعبين مثل رووح الشلهووب اليوووم قسم بالله غير نطلع ماكلينهم مثل ماكلووهم الأتحاد بس يالله الله يعوض السنه الجايه ان شاء الله

آنا مالومم غير الحسيني آخطأ في تطليعته لـ ياسر
يعني لو نزل الصويلح بدل عن الغنام يكوون افضل ياسر يركب المدافعين والصووويلح يشووف شغله
بس قهر راحت البطـوله