|
ااقول لا تخليني احط حرة الهزيمه فيك |
الغريب فالأمر وجود أشباه لاعبين في نادي بحجم الهلال ! مفروض الهلال كل نجم أفضل من الثاني لمكانته الاسيوية ! |
إقتباس:
التايب ( يتنرفز لو من الهواء )!! والشلهوب صار عنده عقده من المرمى!!!! على كل شكرا على المرور. ويا ليت تحسن اسلوبك كماهم الزعماء!! |
يروح ذا اليبي ويظبط كل شي اجل بلنتي مهم ويشوته باص عيون الشلهوب اختلف معاك كان اليوم فوق الممتاز لكن التايب هو الى شايف نفسه على الفريق |
تبون سامي ينزل يلعب ويسجل ياناس وش دخل سامي تكلموا بعقولكم الادارة فرد فرد ماقصر كلها من الرئيس الى الطلاسي الاعبين السببب |
الهلال بحاجه الى انتخابات في الرئاسه بعيد عن حركات الخويا والتطبيل والتزكيات و اذا ماحصل هذا خذوها مني الهلال على خطى النصر مرشحين كل واحد فيهم يعرض برنامجه الانتخابي على الجماهير والـ70 الف اللى تحترق وتحضر للملعب من حقها تقول رأيها وبـــــــــسـ |
قدر الله وما شاء فعل، ولأبو فيصل نقول كثر الله خيرك وما قصرت ونتمنى ما ينقطع سيل عطاءك عنا الموسم الجاي. عموماً، أنا قايلها من طلعنا من الدوري: "إن كنا بنلعب بهالأسلوب السقيم، بنطلع من كاس الأبطال ومن الآسيوية ... وبأذكركم، وتعالوا وقتها قولوا لي أن السبب سلطان بن فهد أو الجماهير!". ويا لسوء الحظ ما خابت توقعاتي! وخلونا واقعيين، هالخطة اللي نلعب بها من يوم كوزمن كان معنا وحنا نعاني بسبتها، ولا أحد يجي يقول لي "هالخطة هي اللي جابت لك بطولات يوم باكيتا فيه وجابت لك الدوري يوم كوزمن فيه"، طيب يا أخي بس ما توصل لدرجة أنك تلعب بمهاجم واحد على أرضك وبين جمهورك، وخصمك اللي ينصك بالسبعة والثمانية واللي توه طالع من دوري درجة أولى يلعب باثنين؟! حتى يوم كوزمن عندك، كنت تعاني قدام الوطني والوحدة والأهلي في الرياض، وحتى في جدة قدام الأهلي ... ما صدقنا على الله نجيب هدف في أول خمس دقايق عشان نرجع ندافع، ولا كأن النجعي ما كان بيومه (بغى يدخل هدف على نفسه، يالله يقدر يمسك الكورة ذيك المباراة!) ومالك ما لعب معهم، ومع هذا كلنا رجعنا مع بعض، حتى ياسر رجع يدافع خوفاً من "الراهب" ... ! ولما جينا ننتقد قعدوا المطبلاتية يقولون "ذا وقته؟ ورانا كاس فيصل!". وجاء كاس فيصل، وبعد ما سجلنا، رجعنا ندافع ببلاهة، وفي الأخير طلعنا بنفس الطريقة اللي طلعنا فيها اليوم، لكن محد لام كوزمن، لكنهم لاموا الحكم ولجنة الحكام والآي أر تي والحمام اللي في الملعب والقرطاسة اللي في المدرج! ولما جينا ننتقد قالوا "ذا وقته؟ ورانا كاس ولي العهد!"، وجاء الكاس وقعدنا نعاني لدرجة أن لاعب أساساً ما كنا بنشركه كأساسي، لأنه غير مرغوب به، حسمها لنا ... مدافع غير مرغوب به حسمها لنا، ومتى؟ في الأشواط الإضافية! والناس فرحت، وبعدها زعلت على روحة "الداهية"، ولما جينا نقول "الله يستر"، وفعلاً بدينا نعاني في بقية المباريات، قعدنا نقول "الظروف والظروف وسلطان بن فهد ومادري وشو"، أوكي سلطان بن فهد خربط حساباتنا، لكن حتى مباراة اليوم نحطها على راسه؟ هو اللي قال "البلنتي عطوني اياه باص عيون على فوق"؟ هو اللي قال العبوا بمهاجم واحد؟ عموماً، ضاع الدوري، والناس تفرض النقد بحجة "ذا وقته؟ ورانا كاس الأبطال والآسيوية". وطلعنا من كاس الأبطال (واللي تأهلنا فيه بفضل التعادل على أرض مين؟ الفقراوية!)، لكن الناس ما تبغى تقتنع أننا نعاني، حتى في الآسيوية كان لنا تخبطات ... حيث ما قدرنا نحافظ على حظوظنا لولا ركلات الجزاء والمدافعين أمثال أسامة ... لكن الناس للآن تبي تدس راسها في التراب! بس للإنصاف، هالخطة اللي نلعب بها فعلاً مخلية الهلال الأقوى دفاعياً، وصعب ينهزم، صعب صعب صعب، لكن الأصعب أنه يفوز بأكثر من هدف أو هدفين! أما الشباب والاتحاد، فهزيمتهم سهلة، لكن إن هاجموا فهم يكتسحون خصومهم! ومرة ثانية لحد يقول لي "الظروف، ومادري وشو"، هناك إن هجموا يهجم هزازي وأبو شروان ونور عماد متعب والنمري ومادري مين، وفي الشباب كماتشو وعيال عطيف والشمراني والسعران وحسن معاذ، كل واحد يجرب حظه ... أما حنا: ناول ياسر، ناول ياسر، ناول ياسر، ناول ياسر! وإن ما جابها ياسر يجون اللي يرقعون "ياسر لحاله ياخي، شلون تبيه يسجل؟"، طيب يا دبشة ليه ما تبي أحد يدخل معه! بس تدرون وش اللي يقهر؟ اللي يقهر هو أنه في مثل هالأوقات، معروف من اللي بيلام: نامي، سول (مع أنه من أفضل اللاعبين اليوم)، رادوي (باختلاق أعذار وهمية، مثل أنه متأثر برحيل كوزمن ويبي يلحقه، مع أنه قاعد يبدع أيما ابداع!)، وويلي (مع أنه احصائياً أفضل من التايب هالموسم)، والجماهير (وكأنها هي اللي يندفع لها ملايين، واللي تروح على معسكرات خارجية في إيطاليا وسويسرا، ومحمولة على كفوف الراحة!)، والاتحاد السعودي، وبقية الأندية، والجرايد والقنوات! وبنقعد نطبل لمين؟ لأبو كبري وكعب وباص عيون، اللي بكل مباراة يدور هواش، وإن جته الكورة لازم يوقف عشان ينتظر خمسة من الفريق الثاني يحاورونه عشان يعلمنا أنه يعرف يعدي! ما أقول إلا آآآآآآآآخ يا القهر! |
ما ضيع الفريق الا ثقافة المؤامرات الي صارت شماعة اللاعبين قبل المشجعين مع احترامي لوجهت نظرك اخالفك الرأي في الحسيني و التايب و الشلهوم الحسيني رفض التدريب وقال انا مدرب لياقه وهذا مجالي و انا الان مكان المدرب لان النادي يمر بظروف صعبه يعني الرجال ما ضرب على صدره وقال ابشروا بالكاس المفروض يا استاذ انك تقول اسوء لاعب و الي انصدموا الناس فيه وانقلب حبهم و عشقهم له هو الكابتن الكبير السوبر ستار ياسر القحطاني الي يشوفه اليوم مايدري وش قاعد يسوي في الملعب لا تمركز مهاجم ولا كنترول على الكوره و لا اي شي واقسم بالله العلي العظيم ان سيول افضل منه في المبارات وانا اعرف ان رد بعض الاخوان الي ثقافتهم (( تفداك 1000 بطوله يا ياسر )) كيف تبي ياسر يتحرك و هو لحاله قدام والله عيب علينا المجامله بعد اليوم انا احب ياسر لكن مصدوم فيه للغايه لا روح ولا حماس ولا كأنها مبارات خروج مغلوب طبعاً كلامي هذا ينطبق على اغلب اللاعبين لكن اخص ياسر لانه هو الي كان ممكن يشيل الفريق لكن خاب ظننا فيه |
إقتباس:
كان لابد ان يطالبه باللعب بمهاجمين! لا ان يتركه لمدة 120 دقيقه بمهاجم واحد!!!!!! كأننا من يبحث عن التعادل!!!!!!!!!! شكرا على المرور. |
متأكد الأسماء اللي ذكرتها انت هم سبب النكسة ؟ وإلا ياسر معصوم من الخطأ والمبرر له الزلات , والأعذار جاهزة ؟ عجبي على زمن مات فيه الأنصاف , الحين الشلهوب عشان ضيع بلنتي صار سيء وهو اللي قلب المباراة فوق تحت بعد ما كانت ميته ؟ |
اما الشلهوب احسن واحد اليوووم في الفريق مو علشانه ضيع الفرصه الاخيره قلتوا ماتبونه وغيره كم مره ضيعنا ولا قلتو شي وهوساوي بعد ممتاز اليووم |
الحمدلله ......................................... |
عادي متعودين سامي اي هزيمه على راسك :( شوف اللاعبين اشباه اللاعبين التايب ياسر .. مافي غير رادوي وبس .. |
,, كالعاده .. سامي أول من يُنتقد |
ياخوي وش تبي يسوي التايب مافيه الا مهاجم واحد قدامه وعشره ماسكينه ميسي هو ولا كرستيانو !!!!!!!!! |
| الوقت المعتمد في المنتدى بتوقيت جرينتش +3.
الوقت الان » 09:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd