فاز العاجزون ... والفاشلون ... والمطبلون ... وخسر الهلال ... وخرج الزعيم ... وسقط الفارس - نادي الهلال السعودي - شبكة الزعيم

ريفلينو 10 · #1 27/05/2009, 06:03 AM

يا عالم ... يا ناس ... خسر الهلال وخرج من بطولة آسيا. خرج زعيم آسيا .. خرج فارس آسيا .. خرج قاهر آسيا.

لأنه

يلعب بالآماني فقط.. ولأنه يلعب بأشباح لاعبين فقط .. ولأنه فقير من لاعبين مخلصين مجتهدين أصحاب أرادة. لأنه

يحتضن عاجزون من الحركة .. عاجزون من الأمل .. عاجزون من الطموح .. عاجزون من الإخلاص . عاجزون من الرغبة .

عاجزون من كل شيء وفي كل شيء له صلة بكرة القدم .

ولكون منصفاً أغلب لاعبي الهلال . وهذا الأمر كان متوقعاً لكل من يعشق الهلال بإخلاص .. ولكل من يحكم العقل ..

ولكل من يهمه أمر الهلال إلا .. المطبلون .

الذين طبلوا .. وأستمروا في التطبيل لنجومهم . وقالوا وتبجحوا بحجج لابد من مراعاة نفوس اللاعبين .. رفضوا النقد

لنجومهم ولاشباحهم . وكانت الكارثة والتي توقعتها مراراً وتكراراً من لاعبين فاشلون يلعبون للهلال. ولكن

حصل ماتوقعته والسبب هو ..

ضم الهلال للاعبين فقراء الفكر .. فقراء الإخلاص .. فقراء المستوى. وأولهم ياسر القحطاني .. وويلي .. والصويلح ..

وسرور .. والغامدي .. والمفرج .. والخثران .. وعزيز .. والتأيب في كثيراً من الأوقات . ولكن الشلهوب غير.. والصمت

على مستواه المتواضع لمدة عامان غير ..

والسبب الثاني ... مدرب داهية أسمه عبداللطيف الحسيني ؟؟؟؟ ولا أزيد ولا أقول إلا ... وينك .. يا بلاتشي في

مباراة مثل هذة تتطلب الهجوم ولا غير الهجوم . وتتطلب مدرب شجاع مثلك .. يا بلاتشي..

السبب الثالث .. الخطأ الكبير الذي أرتكبته الإدارة بالتعاقد مع اللاعب العادي .. ويلي ... وبملايين الريالات.. لاعب

أجنبي فاشل من كل شيء إلا من الخوف من الإصابات ومن الخصوم .

وكذلك الدلال الكبير لنجوم أشكال وليس أفعال أمثال .. القحطاني ياسر. والشلهوب ..

وكذلك التعامل بفكر بعيد عن الإحترافية للسكوت عن أستمرار الشلهوب لاعب محترف .. ولم يعطى حرية الإنتقال

لفرق أقل مكانة ومستوى وتاريخ من الهلال والصبر عليه عامان دون تقديم أي مستوى يشفع له في أرتداء شعار

الهلال.

وللكريم أبن الكريم .. الأمير عبدالرحمن بن مساعد .. كل هلالي يعشق الهلال كان في نفس الوضع المحزن الذي

كنت عليه . ولكن نحن كهلاليين نعشق الفريق كان الأمر علينا أكثر منك بكثير .. تعرف لما .. يا كريم أبن الكريم..

لأننا نحبك .. نقدرك .. نحترمك .. وما كنت عليه الليلة من حزن شديد زاد حزننا وهمنا . أنت حزنت لخروج الهلال ونحن

حزنا لخروج الهلال ولزعل وحزن شخص كبير نحبه ونجله ونحترمه .. أسمه الكريم أبن الكريم . الأمير عبدالرحمن بن

مساعد. فكان الوقع علينا أكبر وأمر.

ولكن الأمل مازال معقود في سموك .. وفي فكرك .. وفي عشقك .. بعد الله . أن تغير وضع طالبت به أنا مراراً وتكراراً

وهو . مبدى الثواب والعقاب .. وهو البعد كل البعد عن المجاملة على مصلحة الهلال . هو .. تغير جلد الهلال وبنسبة

كبيرة . أتمتى عليك السعي جاهداً وأنت كذلك . بإبعاد أشباح لاعبين تشرفوا برتداء شعار الهلال ولكن الهلال لم

يتشرف بهم . ليس من الباب الشخصي لكل لاعب بل من .. الباب الفني والمستوى المتدني فقط .. وهم ..

.... المحليين ....

.. الشلهوب ... العنبر ... الصويلح ... فهد سرور ... السعود ... نامي ... الغامدي عمر ... الخثران ...

الأجانب ..

ويلي . التأيب .. سول

أما اللاعبين الذي يجب محاسبتهم بكل قوة حتى يمكنهم تغيير وضعهم ومستواهم ..

.. ياسر القحطاني .

.. وخالد عزيز .

والإحتفاظ .. برادوي ... رادوي .. رادوي

وجلب مهاجمين صريحين المركز فلا يعقل أن يعتمد فريق كبير كالهلال على مزاج مهاجم واحد أسمه ياسر القحطاني.

والتعاقد مع لاعبين محليين في كثيراً من المراكز وفي نظري .. الظهير الأيمن .. ورأس حربة .. والسعي لزج لاعبين

صغار من درجة الشباب .

هنا ممكن ... يرجع هلال زمان .

وللجماهير العاشقة للهلال .. حاسبوا كل مقصر .. ولا تسمعوا لمطبلين النجوم وهم كثر في منتدانا هذا أو في

الصحافة الهلالية.

وقفة.

سؤال لكبيرالمطبلين في منتدانا ( هل فاز الهلال وحصل على بطولة آسيا بتطبيلك أنت وأشكالك ؟؟؟؟؟ )

... ريفلينو 10 ...

الكــــندي · #2 27/05/2009, 06:09 AM

بتشوف اذا ما فرطوا في رادوي وخلوا لي التايب و ويلي والله خلاص قهر ولعيبه تخاف من الكوره وما تحتب تحتك ومهاجم ما احد معاه عشان ينافسه وفي نفس الوقت يفتح معه خانات في دفاع الفريق المقالب

والله تعبنا من هالمستويات اللي بالبركه يفوز الزعيم ورررررررررررررررررررررررربي قهر زعيم اسياء 6 مرات يقدم مستويات فاشلة والقهر الرئيس يسوي لهم كل شي يخي لا تدلعونهم اللي يبغى يلعب عشان يخدم نفسة قبل النادي لان ما فيه احد يخدم النادي قبل نفسه من اللي لعبوا امس غير
رادوي في المقدمه ... هوساوي .... مرشدي .... الدعيع ... الصويلح ( يقاتل على الكوره ما ينتضرها تجيه عند رجله )

الباقين اللي ما يعرف يلعب الله معه اللي عنده مشاكل نقول الله ييسر عليك خذ راحة بعدين ارجع اذا رجعت لمستواك

التايب الله معك ... ياسر اضبط وضعك ... ويلي الله معي .... سول والله ما قصرت بس ما انت حسب الطموح الله معك ....

رادوي خذ الكبتنيه والله بعد الدعيع

سفـــ الهلال ـــير · #3 27/05/2009, 06:10 AM

هنا ممكن ... يرجع هلال زمان .

والله ما أظن يرجع هلال ((يوسف))((التيماوي))((ابواثنين))((سامي))((التمياط))

الظاهرهabod · #4 27/05/2009, 06:13 AM

كلامك منطقي وعين العقل
لاكن ونا اخوك اخالفك بنقطة (الشلهوب والصويلح والعنبر ناس سوو الي عليهم مع قلو مشاركاتهم وبالنسبه لفهد سرور لاعب ما اخذ حقه يعني المفروظ ماننتقده
هذي النقاط الي احببت اني انوه عليها
ولا كلامك كله عين العقل

hf]

مطيري · #5 27/05/2009, 06:16 AM

هاردلك لكل هلالي عاشق ...
اسباب الخساره .. بكل شفافيه وليزعل المنافقين ,,
اول الاسباب هو سبيه الريح ,, الذي منذ استلم الرئاسه وهو يقول الاسيويه وبس !!كأنه كان يبحث عن مجد شخصي يسجل بأسمه !! هذا ما أحسست به ,, فأقول هنا ياصاحب السمو .. الهلال فوق الامجاد الشخصيه .. الهلال ,, لمن يتعب لأجل الهلال ,, ليس لمن يبحث عن الفلاشات واللقاءات الصحفيه !!
(( اتوقع انك ياشبيه الريح انك اكثر رئيس هلالي على مر التاريخ يخرج بلقاءات تلفزيونيه))
اين انت من سيايه الروؤساء الاشاوس من قبلك .. خالد بن محمد وبندر بن محمد وسعود بن تركي وعبدالله بن
سعد ..... تعلم منهم سياسه التعامل مع الاعلام الزعيم حورب هذا الموسم بشراسه بسبب مثاليتك الزائده ياشبيه الريح ..
ثاني الاسباب ... طارق التايب في هذه المباراه لبحثه عن مجد شخصي ينهي مشواره به مع الهلال
ثالث الاسباب والاهم ... الهلال لعب امام ام صلال وبختاكور والاهلي وسباباتري بخطة 4/5/1
امام هذه الفرق ويلعب بمهاجم واحد ... وش كان بيسوي قدام اليابانين .. بيلعب بدون هجوم !!
اسيا ياحبابي تبي فريق مايهاب .. !!تبي ابوثنين والثنيان والتيماوي والاحمد والجابر ..
تبي رجـــــــــــــــــــــال !!

ملوك الهلال · #6 27/05/2009, 06:37 AM

إقتباس

الرسالة الأصلية كتبت بواسطة مطيري


	هاردلك لكل هلالي عاشق ... اسباب الخساره .. بكل شفافيه وليزعل المنافقين ,, اول الاسباب هو سبيه الريح ,, الذي منذ استلم الرئاسه وهو يقول الاسيويه وبس !!كأنه كان يبحث عن مجد شخصي يسجل بأسمه !! هذا ما أحسست به ,, فأقول هنا ياصاحب السمو .. الهلال فوق الامجاد الشخصيه .. الهلال ,, لمن يتعب لأجل الهلال ,, ليس لمن يبحث عن الفلاشات واللقاءات الصحفيه !! (( اتوقع انك ياشبيه الريح انك اكثر رئيس هلالي على مر التاريخ يخرج بلقاءات تلفزيونيه)) اين انت من سيايه الروؤساء الاشاوس من قبلك .. خالد بن محمد وبندر بن محمد وسعود بن تركي وعبدالله بن سعد ..... تعلم منهم سياسه التعامل مع الاعلام الزعيم حورب هذا الموسم بشراسه بسبب مثاليتك الزائده ياشبيه الريح ..

والله ما ادري ايش اعلق على كلامك الله يصلحك واحد يدور على مجد شخصي ياخذ بطولة ولي العهد

ثمن كلامك ياخوي .. الامير عبد الرحمن كان ينظر للآسيوية لسبب وحيد انها البطولة الآخيرة ومبارياتها بعيده

يعني راح يتحسن وضع الفريق عند اللعب فيها .. لا تتكلم بما لا تعى ولاحظ السبب الرئيسي في

تدهور الفريق خروج كوزمين اولاريو وليس رئيس النادي

ريكا الهلالي · #7 27/05/2009, 06:51 AM

أحبــــــــــــــــــــــــــــــــــــــك يـــــــــــــــــــــــــــــا هـــــــــــــــــــــــــلال

ولو نزلت الدرجه الثانيه

قدر الله وماشاء فعل

هلالي +برشلوني · #8 27/05/2009, 06:52 AM

ماشاء اللّة ماشاء اللّة

فيرجسون يتكلم عربي ومعنا فـ المنتدى بعد

ياعزيزي لو تعبر عن مشاعرك وتفضفض بدون ماتقيم اللأعبين كان وش زينك؟

المشكلة لو تنتقد لاعب محلي على قد حالة ولا لاعب محترف مغمور كان زحلطناها بكل ود

المشكلة ماهو عاجبك ياسر أفضل مهاجم في أسيا

ولاعاجبك ويلهامسون ثاني رجل فـي منتخب السويد بعد أبراهيموفتش

ولاعاجبك التايب اللي يصنعلك كور من لاشي ويسجلك لين وصلك لـ دور 16

ولا عاجبك خالد عزيز أفضل محور عربي لخمس سنوات وراء وقدام

ولاعاجبك الشلهوب اللي مايلعب الا أخر ربع ساعة ويحسسك أنك تتابع مباراة فـ الدوري الاوربي

ماهو فـ الدرة والخطة 5/4/1

وتطبل لرادوي اللي مايعرف الا التمرير للخلف والانبراشات اللي على غير سنع

عموماً خلك في فريقك الليلة وأحمد ربك كماشو ماهوب لاعب :bx

:

وايلي الخرج · #9 27/05/2009, 07:02 AM

الموسم ونتهى ونا اقول هم شي وغلى شي حصل عليه الزعيم اكيد شبيه الريح فقط غير شبيه الريح مافيه شي يذكر باي اسياء العن ام القهر العن ام القهر طلع الصبح ونا ماني قادر انا م وش سويت ياهلال فيني

لاكن اوعدك ياشبيه الريح راح اظل هلالي لين اموت

فيروس ازرق · #10 27/05/2009, 07:03 AM

التاااااااااااااااايب لاحد يجيب طاريه كل شي الا هو

داااني · #11 27/05/2009, 07:25 AM

ما شاء الله .... تبارك الله

كفيت و وفيت ومن زين الكلام أعطيت

لكن الجمهور ما ينلام الملعب المليان وبنتصف الأسبوع
فريق كان بالإمكان تخطيه وبكل سهوله .....

بصراحة لو بنستمر على هذا الوضع فأنسوا الجمهور
لأن جمهور الهلال جمهور لا يستمتع سوى بالبطولات والمتعة الفنية
الفوز فقط لا يطربنا ....

التايب ما قصر اللي ما عمره سجل يخليه هداف وأنتم عارفيين من أقصد
ما شاء الله علينا عندنا مهاجمين كثر لكن لو تجمعهم ما يسون مهاجم واحد عليه القيمة

مهاجمينا ...

26 = توهااااااان تحس أنه يلعب في وادي والملعب واللعيبه والجمهور العالم كله بوادي ثاني ما عمره تحمس ولا عمره تحسر ولا يعرف يسجل من دون التايب ...

18 = لما أشوفه أتذكر بودي ماستر ( كمال أجسام ) ما عمري شفت لاعب كمااااال أجسام
فاهم التمارين غلط ....

الوسط ...

الغنام = أبرد لاعب مر على الكرة الهلالية يقتل الهجمة ... المفروض هذا ينزل إذا كنا فائزين
بأكثر من أثنين لأنه نفس الوقت توقع يحرج المدافعيين ويما أحرج أسامة هوساوي أمس ...

نامي = أنضم وبلا فخر إلى أسوأ اللاعبيين الذي مروا على الزعيم وهذا بحد ذاته إنجاز له
لأنه بكل الأحوال سوف يذكر في التاريخ بأنه من أكبر النكبات ...

الزوري و الشهلوب = يحتاجون إلى إعاده تأهيل لكن مو على حساب الهلال و بطولاته ...

المحترفين الأجانب = يجب إختيار أجانت مميزين جداً مو لاعبيين ذو أموال طائلة ولكن بدون فائدة ...

شبح15 · #12 27/05/2009, 07:38 AM

لانه فيه لاعبين خلاص انتهت صلاحيتهم نبي تنسيق وتغيير في الفريق

أستفهآم؟ · #13 27/05/2009, 07:46 AM

0
0

وش رايكم نقفل باب النادي ونطرد كل الاعبين

ياخوي .........
بخاطرنا اكبر من هالكلام لكن الحروف تعجز ...

ما اقول الا

حسبي الله على من شتت فريقنا

اياد الهلالي 20 · #14 27/05/2009, 07:54 AM

هنا ممكن ... يرجع هلال زمان .
اللي يسمعك يقول هذا فريقه ماحقق بطووله له عشر سنين ياخي حمد ربك ان الهلال اخذ بطوله هالموسم وبعدين الكووورة فوز وخساره

zizo.5 · #15 27/05/2009, 08:00 AM

يااوييلك من اعضاء المعجبين ..

واذا تكلمت بصراحه وجزم قالو عنك منفعل

كتابتك ميه الميه وكلامك عشره على عشره

الهلال مايوقف على لااعب فلاشات ولامجامله ودلع ومحاباااااه

يجب ان تكون هناك صرامه اكثرر

بدون روح ولاعزيمه ولابطوله بنشمها

ولاترد على اعضاء المحبين الذين يرون بعين الصور والفلاشات ..

مبدع :