انا شايله هم شبيه الريح ومحمد الدعيع - نادي الهلال السعودي - شبكة الزعيم

اورند · #1 26/05/2009, 03:02 PM

والله ملينا قبل كل مباراه لازم دعوه ونطلبكم الحضور ليش تبخلون على الزعيم بحضوركم اول قلتو اختبارات والحين مافيه اختبارات ومره قلتو ان المباراه جت وسط لاسيوع وبعدين خلوها لكم يوم الاربعا وبعد ماحضرتو كثير يعني لازم تذاكر مجانيه علشان تحضرون انا اتمنى اليوم بس تمتلي الواجهه بس بصراحه مو متفائله كثير خايفه انصدم واتمنى يخيب ظني وتملون الملعب
لاتعتمدون على التذاكر المجانيه والي بيجون عن طريق الباصات يعني الباص تتوقعون يشيل كم برضو ماتوقع يكونون كثير مع التذاكر المجانيه والمباراه جدا مهه اعتبره اهم مباراه هذا الموسم بنظري انا

هذي اسياء تدرون وش معنى اسياء

اللي اشتاقة لزعيم
انا اتمنى اليوم افتح المنتدى والقا موضوع عاجل نفاذ التذاكر قبل بداية المباراه بساعه كامله
يالله ماتوقعون وش كثر راح افرح ويفرحون جماهير الزعيم بالمناطق الثانيه ويفتخرون فيكم
مانبي احد يضحك علينا يكفي مدرب ام صلال تخيلو وهم ماعندهم جمهور اساسن يضحك علينا ويقول انا ماتوقع حضور الجماهير افا بس والله
يعني الاعبين مقدمين مستويات حلوه في الفتره الاخيره والله مالنا عذر
تدرون انا شايله هم مين محمد الدعيع اول مايدخل يطالع بالجمهور ولما يشوفهم مو كثير يشيل بخاطره والله مايستاهل انه يزعل علينا وبعد طارق التائب اخر مباراه له ويبي الملعب فل وشبيه الريح لاتخلوه يجي يوم يندم انه دخل المجال الرياضي شوفو كيف وجهه لما يشوف الملعب مليان ينبسط وهذا كل اللي يسويه لمين كله لنا احنا تكفون الحضور الحضور ولا تعتمدون على المجاني ترا والله لو حسبتوه مع حقين الباصات مو كثيرين
يارب تخيب ظني واليوم يكون الملعب فل ويكون ازرق بزرق ولاتطالبون ان الدخلو مجاني ترا فيه بعض الجماهير الحاقده ماتصدق ويحضرون ويشجعون الفريق المنافس اتوقع يسوونها يمكن الاداره حسبت لهذا الشي وتعرفون وش كثر الحاسدين لنا ولكم بمنتدى ام صلال خير دليل (ويالله دعواتكم لزعيم بأذن الله يتأهل ويقهر الحساد )

اورند · #2 26/05/2009, 06:03 PM

متى تفرجون عن موضوعي والله مو مخالف بشي

سـ نواف ـامي · #3 26/05/2009, 06:58 PM

شكـر .. لـكـ .. إختي وإن شاء الله جمهور الزعيم مآ يقصّّـر .. بالحضور

وبالتوفيق للزعيـم

البدائع بلاد الروائع · #4 26/05/2009, 07:02 PM

باذن الله

الملعب فل

والفوز للزعيم

وسعي صدرك انتي مع الزعمااااااء

بالتوفيق للزعيم
في الاسيوية

الـ[ع]ـسيري · #5 26/05/2009, 07:03 PM

[ آسـيآء ] << : )

آسـيآ } < هيـك يا بعدي ..!

جمهور الـريآض ما راح يـقصر ان شاء الله .. ويـبيضون الوجـه !

بـ التوفيق للـ هلال .. فوق كل أرض وتحت كل سماء ..!!

السيناتور15 · #6 26/05/2009, 07:11 PM

بالتوفيق للهلال ان شاء الله

اول ما ينتهي دوامي ان شاء الله راح اكون بالملعب

بس اهم دعواتكم ويارب وفق الهلال

وكل الشكر

زعـ-ـيـ-ـم · #7 26/05/2009, 07:18 PM

ايه ايه زين

يجيب الله رين

بيجون بعد شوي كلهم

الموج الازرق في الطريق

جمهور المناطق قادمون

الملك الأسطوري · #8 26/05/2009, 07:25 PM

كلامك سليم 100%

الله يعطيك العافية

falcon.fa · #9 26/05/2009, 07:40 PM

إقتباس

الرسالة الأصلية كتبت بواسطة اورند


	هذي اسياء تدرون وش معنى اسياء يالله ماتوقعون وش كثر راح افرح ويفرحون جماهير الزعيم بالمناطق الثانيه ويفتخرون فيكم مانبي احد يضحك علينا يكفي مدرب ام صلال تخيلو وهم ماعندهم جمهور اساسن يضحك علينا ويقول انا ماتوقع حضور الجماهير افا بس والله (ويالله دعواتكم لزعيم بأذن الله يتأهل ويقهر الحساد )

تمنياتنا بالفوز للزعيم
ولو اني بالرياض كان حضرت وفرحتكم

الكثيري هلالي · #10 26/05/2009, 07:41 PM

الموج الازرق جـــــــــاي بإذن الله

القنــــ309ـــاص · #11 26/05/2009, 07:42 PM

يا جماهير الرياض هذي اخر مبارات

يا اخوي لو انا شفت الملعب فاضي بتحطم مو عاد اللاعبين والاداريين بالنادي

HiLaLi_pRiNcE · #12 26/05/2009, 08:25 PM

شيء يقهر والله

انا ماني في الرياض حاليا ولو اني موجود والله لأحضرها بإختصار لأنها اهم مباراة في مسيرة الهلال هالموسم
الله ينصر الهـــلال بس

هلالي فور آفر20 · #13 26/05/2009, 08:27 PM

شكـر .. لـكـ .. إختي وإن شاء الله جمهور الزعيم مآ يقصّّـر .. بالحضور

وبالتوفيق للزعيـم