|
الجمهور سيحضر لكن المخرج سيعمل عمايله السلام عليكم اليوم لقاء كبير للهلال وبه إن شاء الله سيصل الهلال لدور الثمانية لكن ملاحظه أرجو من الجميع ملاحظتها غداً بإذن الله وهي مخرج اللقاء اللي بيحظب الجمهور ولا راح يجيب إلا على كم لقطه وقريبه بعد والكل شاف مباراتنا مع بختاكور اللي راحت اللي بدع الجمهور فيه بالشالات والأعلام لكن ما شفنا شيء يعني أنا شفت موضوع لأحد الكتاب هنا ومنزل صور على كيفك للجمهور وشالات وأعلام وحركات وحنا ما شفنا شيء لذلك يجب عدم حجب ظهور الجمهور وأن نرى اخراج ممتاز يكفي ما أكلنا من الأخراج تذكرون اعتزال الأسطورة سامي وكيف حجبت الجماهير أتمنى الحضور للمباراة لكن بعد المكان يمنعني فيارب أرى الفوز حليف الهلال وأشوف فعايل الجماهير في المباراة وأن يرزقنا الله بمخرج يخاف الله |
كعادة العارتي ..!! لو المباراة للاتحاد كان الاخراج يكون فرق 180 درجة ..!! |
والله انك صادق وهالشي تعودنا عليه من مخرجينا بالذات art كنت اتمنى من ابن مساعد يطلع بتصريح على الجوله فيه تلميح على سالفة الاخراج عموما بكره تذكروا كلامنا هنا وبتشوفون المخرج كيف يحجب الجمهور |
خله يعمل ويسوي اللى يبي اهم شي نحضر ونوقف مع زعيمنا بكرى وماعلينا من المخرج ,,, كل الود ,,, |
يابن الحلال اهم شيء نفوز بس .... انت فكر في المباراة ولا تفكر في الجمهور ... |
هذا اللي متعودينه من الارتي واللي سووه في اعتزال سامي وتشويهه محد نساه من الهلاليين ولا حتى سامي !! والمشكله يقولون حيادييييييييييييييين !!!!!!! اللي يبي يشوف فضيحة الارتي ومحاربتها للهلال ؟؟ يرجع لمباراة ام صلال مع الاتحاد وبعدها من بكره مباراة الهلال وباختكور ويشوف الفضيــــــــــــحه بنفسه كتم صوت جمهور الهلال بشكل غريب !! مع ان صوت جمهور الاتحاد كان اعلى من صوت المعلق !! :to: احسن حل لهالقناة المقاطعه مثلي :D |
احنا بنحضر ان شاء الله وبنساند الفريق مو عشان المخرج يطلع الجمهور ماعلينا منه اهم نبي الملعب يهتز من التشجيع والمؤازه هذا اللي يهمنا والا المخرج اخر شي نفكر فيه للتواصل يازعمــــاء نصف الارض [email protected] |
احنا ليه ننزل افكارنا للمستوى هذا مالنا وللاخراج ياخي جبنا كاس اسيا وصرنا نادي القرن بأسيا أيام ماكانت الاخراج بكاميرا وحدة بس تلاحق ورى الاعبين امنعونا من ذا الهرج نبي الاسيوية باخراج او بدوووون اخراج وبالنسبة للقناة الغبية الا ار تي خلها عنك تحيزها واضح واخرتها وشيكة لان اعداءها كثيرين وووووووبس |
الله يستر من المخرج ... وإن شاء الله يعطون الجمهور الهلالي حقه |
خل الجماهير تحضر ويحلها ألف حلال ... ثم بالله فكونا من مثل هالخرابيط. العالم جاية تشوف عرس وإلا مباراة؟ لازم الطقطقة والإزعاج عشان يقال لنا داعمين؟ شوفوا الجماهير الإنجليزية، غناء قبل المباراة وبعده ولما تحسم الأمور، حتى الجماهير الشرق آسيوية لما تدخل بالطبول، ما تقعد تطبل طول المباراة! |
إقتباس:
الدعوه وما فيه أن الأخراج الآن يبي يثبت أن الأحصائيات الأخيره كاذبه وأن جمهور الهلال لاشي هذا القصد |
ما علينا من العااار تي همنا زعيمنا خلهم يرجعون لزعيمهم مثل الكلاب |
وش علينا من الاخراج ؟؟ اهم شي الحضور الجماهيري .. ومستوى اللاعبين .. |
يرجال الحضور من فتره وهو قليل , يعني لو حضر الجمهور مثل الوحده الاماراتي , كان غصب يتصور لانه كثير , بس ترى جمهورك قليل جدا.!! والمصور مايقدر يملى لك الملـعب ., للاسف وصلنا لمرحله نتوقع كل الناس ضدنا , بما فيها التلفزيونات والكاميرات والمخرجين والمصورين , وهذا ترى من طبع النصراويين , ليش نسوي مثلـهم.!! ترى جماهير الهلال ماكانت كذا , كانو يهتمون بفريقهم بس , لكن من بعد حادثة كوزمين , صرنا نحس ان العالم كله ضدنا , وهذا خطأ , لانه يؤثر على عقلياتنا .!! المصورين طال عمرك , مايقدرون يفضون المدرجات , حتى لو ماصوروها وكلهم متعمدين , انت احضر وادعم فريقك .!! الدعوه ماهي تفاخر بانني حضرت وابن خالي حضر .!! كل الدعوه خدمـة هلالنــا.!! ماعلينا من الكاميرات.!! وترى السالفه ذي , مستهلكه ومجوفــه وفاضيه , لانها اعذار واهيه .!! الحين نقول المصورين متعمدين , وحنا مانحضر .!! اللي نبـش ها السالفـه ,. هي سوء الاخراج في اعتزال سامي , ولا غيره شي واااهي ولا معنى له .!! ياليت نحضر بكره , ونترك الاعذار من الحين.!! |
اذا حضر جمهور الزعيم محد يقدر يعمل عمايله الا جمهور الزعيم .. وباذن الله كلمة الجمهور غدا ستحضر وبقوة :ba: |
| الوقت المعتمد في المنتدى بتوقيت جرينتش +3.
الوقت الان » 02:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd