نادي الهلال السعودي - شبكة الزعيم - الموقع الرسمي

السلام عليكم

مين فيكم يبي يصير عربجي

اللي يبي يصير عربجي

يتبع التعليمات

للعرااااااااااابجة ..او من يريد ان يصبح عربجياَ

يابوالشباب <==بداية العربجه .. اذا اردت ان تصبح عربجيا فلا بد من مراعة مايلي .. والا تبطي ماتعربجت:
=عدم الأهتمام بالمظهر الخارجي ولا ننسى الداخلي أيضاً:rolleyes وعلى ذلك يترتب عدم استخدام اي نوع من العطور (اصلا عطرك في جيبك اتحدى اقوى عطر يتغلب على تركيزه ..لان نسبة التركيز 100%100.
=لاتدخن غير ماربور احمر او روثمان <==عطرك اللي في جيبك وحاول ان تدخن أكبر كميه ممكنه من الزقاير ..مع عدم تفريش الأسنان لأن هذه تعتبر (مخكره) عند العرابجه
=النظر إلى الناس بنظره اللا مباله.. ويستحسن أن تكون نظرات إنتقاميه لإدخال الرعب في نفوس الآخرين .
=بالنسبه لعرابجة المتوسطه والثانويه يستحسن أن يمارسوا الرياضه في آخر الدوام(الصرفة) وتكمن هذه الرياضة في المضاربات ويستحسن إستخدام ادوات حاده غير مميته لإضافة نكهة ولون اخر على هذه الرياضة ولزيادة الحماس لدى الجمهور المتحمس والمتعطش والمترقب لمن سيفوز في هذة الجوله والتي بعدها والتي بعدها .....
= اي واحد يطلب حرش ..لاتتركه ابدن لو تدري انه ولد بوش والا بوش براسه
=يجب الأستماع وبشكل خاص لأغاني (بشير حمد شنان) أو (مزعل)او(فهد بن سعيد) ورفع الصوت ماأمكن وهذه النوعيه من الأغاني لاتتناسب إلامع نوعيه محدده من السيارات,
=إضافةً إلى ماسبق يجب أن تكون جميع الأشرطة التي تستمع إليها (جلسات) ولايسمح بإقتناء (النسخ الأصليه).
= عند مرورك من امام المملكه او الفيصليه ..احذر تقول ماتنفع لنا هالاماكن .. خش ..وانت بثوب النوم ولايهمك احد ..وحاول كل مامر واحد من ذولي اللي راز خشته تنااااااظره بص عين ..ولو حاول يفتح فمه الزخه بكف يمشي مليوون ..وحاول يكون قدام بنات حتىيطيح كرته ويشيل نفسه ويمشي
=دق اللطمه اربعه وعشرين ساعة حتى في عز الصيف و في البيت وأثناء النوم.
=أزرار الثوب لازم تكون مفتوح منها اثنين ومقفل اثنين (حركه)
=الرجوع إلى البيت في ساعات متأخرة من الليل ويستحسن عدم الرجوع لإشغال الأهل عليك.
= أن يكون اغلب اخوياك من نفس نوعيتك ..حتى تكتمل الرصه وتركب صح
=أن تكون كلمتك هي الصحيحه وغيرك خطاء حتى ولو كان غلطان لأن في ذلك انقاص لعربجيتك
=لا يفوتك التفحيط .. في اي مكان كان ..وتحت اي ظروف خصوصا اذا كان التفحيط بكامري او سوناتا والمفحط بدر عوض او قروص او واحد يوازيهم في فن التفحيط ....ملاحظه ( لاتحمل معك اي اثباتات شخصيه .لانك قد تتعرض للعريف شعيد ومن ثم <==اموت يامن ثم ..لازم ترفع ثوبك وتشيل نعولك ..وتشغل التيربو ..وتحط رجلك)
= بالنسبه لموضوع الاكل ..لاتاكل الا كوارع (في الشميسي ) او معصوب ..وكثر من الكبسات .. واحذر تمر على هارديز والا بلاويز .. لان في ذاك ضياع لقروشك<==تحاجها في اشياء ثانيه وايضا سوف تتسبب في اضعاف عضلاتك اللي تحتاجها وقت الغشنات <== جمع غشنه ..بمعنى طقاق

...............
هذا مع خالص دعواتي بالتقدم لجميع العرابجه في فنون العربجه ..واصول التحدي في مواجه الغزو المخركي الغربي

اخيرا اقووول :كلن تعربج وسوا عمّ .....في حارته يحبك العمّه
يلبس فنيله بنص الكمّ...... وفالليل يضوي على عمّه
............
منقووووول