| وش فـادنـا تـحـطـيـم المـوهبة |
 

السلام عليكم ورحمة الله وبركاته

اول موضوع اكتبه بحسره وهم وغم .. للأسف حتى الكدر اعتلاني بعد ماكنت املك الحماس الواضح .. في الكتابة في شبكة الزعيم العملاقه .. مافائدة ادخال معلومه على معلومه والسبب مصدر مجهول .. وحتى لو كان المصدر حقيقه والجريده كبيره .. الجمهور له كلام ثاني .. قضية تقولون لي عزيز بيروح هذي منتهيه .. ولو كان فيه احد مفكر فيها من ادارتنا الكريمه .. فأقول له بالفم المليان انت مخطئ .. نعم انا مجرد مشجع ولكن لدي النظره الإيجابيه .. قضية انك تتخلص من محور مسوي لك شغل في الأندية الأخرى ومستقعد لنور اللي يقاله صاحب شعبية وهو هابط مستواه .. نعم هذا الكلام فيه تجريح .. لكن اقوله اذا راح عزيز .. ونا عالم ومتيقن ان الإداره الهلاليه كما قال سمو الأمير عبدالله بن مساعد ان عبدالرحمن بن مساعد يستطيع ان يرأس 4 اندية سعودية .. أتت في الصميم وبثقة كامله لن ترضى برحيل عزيز .. لماذا لانقتدي في مقولة سموه .. ؟ لمجرد خساره فادحه لفريق تياقو حملت المسؤولية على تياقو .. وقبل ذلك كان هو اللاعب كما تلقبونه (آلة التهديف) وتمدحون فيه وترزونه كانه بيكون الكابتن .. وبيسوي زي ماسوى ريفالينو او التايب او حتى كماتشو .. ويوم خسر فريقه بالأمس قامت القيامه .. وين الحيادية والمنطق في تعصب لمجرد لاعب .. قادم للهلال قادم ؟؟ .. خلاص العقد منتهي والأوراق تثبت هالأمر تياقو هلالي .. بدل مانبدى نتفلسف في امور تياقو .. خلونا نشوف الطريقه الأنسب اللي راح تعين له مستواه .. في السابق كنت اتوقع مجيئه يبكر .. ويلحق على التايب فديته .. ولكن للأسف الإيقاف حال على كل هذاا لطموح .. لكني مايأست ولا خليت للكلل في قلبي مكان .. بعكس البعض اللي يرى الامور لمجرد منظور واحد وحادثه واحده يستشهد بها .. ولله ياناس ياشعب الزعيم نحن اكبر من هذي التفاهات.. ولدينا مبارات ضد ام صلال ولا يجب التفريط فيها .. خلونا لانستبق الأحداث .. وندع لكل حادث حديث .. لمن تنتقد بوقت الحدث افضل من قبله .. يمكن تياقو اذا جا ينسيك حتى التايب .. مثل ماقالو كبار المحللين والأسماء كثيره .. ان الكره تسمى بالمجنونه .. لا تتخذ لها مسار معين .. ويمكن هالمسار الغير معين يقع على تياقو .. واقترح بدلا من هذي الحوسه الموضوعية في قضية منتهية الصلآحية وثابتة الوقوع .. ننتبه لعبدالعزيز الدوسري .. ولمحمد الشلهوب .. ترى هؤلاء موهبة .. الشلهوب خذ لك ايام زمان .. وعبدالعزيز مالك من سنة طافت وراك ابداعه ولقب بهالسنه ميسي الصغير .. المواهب اللي ترى بالعين لاتفرط في نظر الجمهور ولكنها في نظر البعض الآخر .. انها مجرد احتياط اذا انصاب لاعب انزله ..ماهو مجرى تعصب بالعكس وجهة نظر .. ماعتقد ويلهامسون على سبيل المثال بيبتل يقدم هالمستوى زي ماشفنى يهبط ويرقى .. ماقول نضع عبدالعزيز مكانه ولكن .. يكون فيه تبديل مستمر .. لتجديد الروح .. مسألة الهلال بل مشكلة الهلال المتواصله مايغير الا بعد الف دقيقه .. اهلك لاعبينك وانتكب المبارات الجاية باصابات اشكال والوان .. ضحي بخساره ولاتضحي بلاعب .. مهما كان المدرب وحتى قبل وسأقولها بعد مجيئ جيريتس .. التبديل سلاح للعقلاء .. ويجب ان يستثمر .. صحيح كل لاعب له مستواه .. ولكن هناك نجوم .. محط انظار التفريط .. ودائما ابواب الإبداع تغلق في وجوهها .. ماذنبهم انهم انمدجو بحل الهلال .. هل مغزى الإشتراك هو البقاء على دكة الإحتياط بعد جهد جهيد .. وصعود من ناشئين بالنسبة للدوسري على سبيل المثال ؟؟؟ .. الفقر اللي هو الفقر اكتشف موهبة اسمها ابراهيم .. والشباب وجد السعران .. والإتحاد اكتسب عبيد الشمراني واعاده لمستواه .. والهلال باقي على التايب وويلي وسول واذا كان فيه تغيير فقط يكون لنفس هؤلاء اللاعبين باختلاف اسماء .. هنا نقطة تحول .. واقول لازم تستغل نقطة التبديل .. الله يعيد ايامكم يامكتشفين الهلال .. عن طريق اي مدرب يود الإنضمام للهلال .. هذا اللي عندي .. واخص بالذكر الشلـــــهــــــــــوبـــ الـــــــمــــوهــــوبـــــ

وسامحوني لو اخطيت باختيار اسم او اسمين .. (نقص ابن آدم كمال)


.. هل ستبقى المواهب تداعب دكة الإحتياط الجواب لدى الإداره الهلاليه ..

يا محلى المقناص مع سيحت البال>>>كيف الحال

عليك شين وقت لا الشرهه على الي خلاك تكتب

والله انك صادز :d
المباراة باتسر وذا يتكلم عن المواهب
اجل الموضوع يومين بس وبعدين خذ راحتك

كلامك جميل بس ياليت اجلت بعد المباراه
للتواصل [email protected]

يستاهلون المواهب كل الاهتمام في المعسكر الجاي ان شاء الله يهتمون بهم
يااااااااااااااااااارب التأهل من نصيبنا

7
7
7
7
يعني الرجال كتب الموضوع عشانكم وأنتم تلومونه

طيب ليش مارحتم للكاتب موضوع عزيز والإشاعة

ولا كاتب موضوع ويلي هامسون

يعني اللي كتبوا المواضيع هذي ليش ماقلتولهم أجلوا الموضوع


وعلى فكرة

كوزمين صرح في إحدى القنوات إنه لم يفاوض ويلي هامسون ولا رادوي
حتى إدارة ناديه لأنه لم يطلب منهم ذلك

يعني كفاية إشاعات

المقصد واضح ياللي تهمك السلبيات ع الأقل انا تكلمت عن لاعبين موجودين مو لاعب قادم ^_^

واقصد بكلامي ( اننا نعطيهم فرصه اذا ماقدمو النجوم المعهودين ..)

والله لو كان الكلام بعد المباراة كان افضل

يعني ماتقدر تشرك الدوسري او الشلهوب الا بعد المبارات ؟؟؟!

معليش المباراة الجاية اهم مباراة في الموسم
والدوسري خارج الفورمة مصاب من بعد مباراة الوحدة الدور الاول في الدوري ولعب مع الحزم فقط
اما الشلهوب فاتمنى انه يكون بدل سول لكن المدرب اقرب مني ومنك
انتقادي على توقيت الموضوع
اتمنى منك تحفز الجمهور بهالوقت الحساس ومثل ماقلت اهم مباراة في الموسم لانها راح تبني التخطيط الموسم الجاي والخسارة لاقدر الله سوف تعيدنا الى الصفر
اتمنى اني اشوفك في الملعب بكرة
تقبل تحياتي

لا يهمونك

كلامك رائع .. وانا ايدك

مشكور يالغالي 00 ونا والله تهمني ردودكم .. زي مايقولون ومنكم نستفيد .. انتو البصمه والشخص اللي يحكم على الموضوع ليس انا .