|
إقتباس:
انا عندي 20000 مشجع يهتف ومتحمس ولا 70000 نايم |
بصراحة انصدمت يوم شفتك انت تكتب مثل هالمواضيع .!! الحضور المجاني والله ياجماعه مساوءه كبيرة جدا ً جدا ً .!! ومو شرط يمتلي الملعب .. وش فايدة 70 ألف ثلاثة أرباعهم جايين يغيرون جو وماهمتهم المباراة .؟! أعتقد أن المباراة القادمه بإذن الله راح يحضرها ما لايقل عن 40 ألف متفرج .. وهالعدد ممتاز جـدا ً خصوصا ً إذا كان تفاعله كبير مثل ماحصل في مباراة بختاكور الأخيرة .! :) |
ليـت تتحـرك الاداره والاعضاء بشراء التـذاكر ..~ لضمـان الحـضور الكثيــف ...~ |
لا والله مانبيها مجاني الملعب راح يمتلي انشالله اذا صار مجاني بيدخلوووون ناس مال امهم في الكوورة بيشوفون الملعب مولع انوارة ويجون ومايدرووون وش السالفة بس جاايين يفلونها ويسوون مشاكل |
انا ارفض لأسباب عده احدها واهمها انه ما نلقى كل من هب ودب بالملعب حتى احتمال تلقى ناس من الفريق الجار يعكرون صفو هذا الجمهور والله لو يحضر نفس جمهور باختاكور بنفس الاداء للجمهور والله انه افضل من الجمهور مملي الملعب بس بدون فايده والمبلغ 20 ريال واذا ماتبي تدفعها انا ادفعها لك |
إقتباس:
صحيح وانا معك بالنقطه هذي باذن الله باكون موجود :alzaeem:s13s |
نقوشي سبقتني في كتابة الموضوع اليوم كنت ناوي انزل الموضوع أطلب فيه من أعضاء الشرف بشراء التذاكر لمباراة ام صلال و كلنا ثقة في إدارة النادي و أعضاء الشرف و موبايلي |
ما نبي تذااااكر مجانية .. والله ما نبي انا رجال ومعي مجموعة كبيرة من العشاق حاضرين بدون تذاكر مجانية .. اما اذا خليتوها مجانية فاستميحكم عذرا .. خلو جماهير النظيم والنسيم تعبي الملعب وتفشل الهلال باشكال ما تدري من وين طالعه !! |
ياليت والله يشترون التذاكر هديه للجمهور الهلالي ... وياليت يسيرون أكبر عدد من الحافلات وخاصة في المنطقة (الشرقية .. جدة .. القصيم ) لوجود الشعبية الكبيرهـ فيها ... ونتمنى من جماهير الهلال الحضور المبكر وبدون تردد ... |
إن شاء الله يارب محد يشتري أي تذكرة للجمهور سواء إدارة أو أعضاء شرف واللي يبي يحضر يحضر واللي مايبي بسلامته وإذا عن الهدية فأنت تحضر عشان تسعد نفسك وتستانس بفوز فريقك ,, هلحين صفقات بالملايين مدربين ولاعبين عالميين وفريق يفتح النفس وباقي تبي هدية نعبو أبليسكم وش أكثر من ذا الهدية وقسم بالله لو تحضر كل يوم تمرين الفريق في النادي + كل المباريات اللي يلعبها الفريق ما أظن تجيب راتب لاعب ممن هاللاعبين بلاش أن شاء الله مافيه بتحضرون والا بسلامتكم |
ياليت والله عشان نشوف حضور كبيييييييييييييير مشكور اخوي |
ياليت والله من شبيه الريح يشتري التذاكر مثل اداره محمد بن فيصل كان اي مباراه اسيويه يشترون التذاكر كلها :( |
إقتباس:
سامحك الله أخوي على كلامك و ذكر الأحياء أنا راح أحضر و انت راح تحضر لكن غيرنا مايقدر يفوت مقهى و يجي بجو حار |
إقتباس:
الجماهير اهدت 10 ملايين ريال منها للإدراة طيب لا تطالب جمهور الرياض انه يجي ينتقد هنا OK بعدين فيه نقطة مهمة ليش النصر الجمهور الوفي بسبب المجان و الله لو مافيه مجان كان كل مباراة تلقى عددهم 307 |
حسب تعليمات الاتحاد الأسيوي قبل البطوله على مااذكر يمنع دخول الجمهور بالمجان لمباريات الاتحاد الاسيوي المنتخبات والأنديه وبصراحه أتمنى عدم شراء التذاكر من قبل أعضاء الشرف وموبايلي ياأخوان مانبي اللي يحضر الا عاشق للزعيم ؟ ياأخوان مانبي جمهور الجار جمهور المجانـــي ؟ إن كنت عاشق للهلال فلن تعيقك عشرين ريال وتروا من ضمن تعليمات اتحاد بن همام ( ان سعر التذاكر في السعوديه رخيصه ..... ) افهموها زين وخلوا عنكم المجان فهو للجمهور الحالمي لو ماشروا له تذاكر امداه شجع الشباب ولا الدرعيه ؟ |
| الوقت المعتمد في المنتدى بتوقيت جرينتش +3.
الوقت الان » 03:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd