نادي الهلال السعودي - شبكة الزعيم - الموقع الرسمي - هذا اللاعب مصاب بـ انفلونزا الـ................. !!

بسم الله الرحمن الرحيم

نواف الهلالي يعود لكم من جديد :yes:

بصراحه المزاج الأسبوع هذا راايق .. بسبب إن الهلال كان راايق في مباراة بختاكور

وكالعادة طبعا طارق هو أروق واحد s121s

لكن اللي ما هم رايقين هم هالأفغانية اللي لعبنا معهم :mad: لعنبو دارهم شكلهم

كانوا يبون يروحون لمخبزهم حق التميس وجو للملعب بالغلط وقاموا يخبزون بلعيبتنا :ranting:

لا ولا اللاعب اللي معهم اللي لابس أسود على ما أظن شكله السواق حقهم يقولون إنه

كان طموحه إنه ياخذ رخصة عمومي عشان يبي يسوق ثقيل لكن فجأة لقى نفسه بالملعب

ومعه صافرة ويقولون احكم يا حكم :ranting: ويا ليتهم قالوا : البس نظارة يا حكم s121s

http://www.al-jazirah.com/109289/slim.jpg

المهم ما علينا الحمد لله جت سليمه محد توفي :to: والله يشفي المصابين !!

وأنا متفائل إن شاء الله المباراة الجاية مع أم صلال تبي تشوفون الزعيم غييييييير :ba1:

http://aycu11.webshots.com/image/296...1828834_rs.jpg

مـامـادو نـيـانـج

اللاعب الفلته .. اللاعب الـ مش طبيعي !! يعني ما أخفيكم أنا من جماهير مرسيليا وأتابع الفريق من زمان

وأعرف مامادو نيانج زين .. اللاعب هذا من طراز نادر .. لاعب نجم بكل ما تعنيه الكلمه

لاعب مصاب بـ انفلونزا الإبداااااع !! وكل من شافه يعرف هالشيء ويستغرب كيف هاللاعب ما يلعب

في برشلونة أو مدريد أو الأندية الكبيره هذي !!

من ميزات اللاعب المهارة العاالية والسررعة الفائقة وهو مزززعج للخصوم بشكل غير طبيعي :naughty:

يعني أنا طلبت من بعض الشباب يشوفونه في المباراة السابقة لمرسيليا ضد ليون .. مع إن فريقه انهزم

إلا إنه لعب في ليون لعب مهب صاحي لكن الحظ ما حالفه وهو صنع الهدف الوحيد وهذي من ميزاته إنه

إضافة إلى إنه هداف ماهر هو صانع ألعاب ماهر !!

عاد آخر المباراة يوم ضمن صعوبة تعديل النتيجة قعد يستهبل على الظهير اللي قدامه يروح ويرجع من عنده

وكل شوي يسحبه على وجهه لين هذاك المسكين ضرب فيوزه s121s

طبعا من ناحية مدربنا الجديد يمكن البعض ما يعرفه .. المدرب داهية وذكي جدا ودائما تغييراته تقلب المباراة

وللمعلومية مامادو نيانج هو اللاعب المفضل عنده !!

طبعا أنتم عارفين إنه المفروض من اللاعب الأجنبي إنه يكون أفضل من اللاعبين الموجودين حتى يستفيدون منه

وحنا عندنا طارق :ba1: ورادوي :ba1: يعتبرون أفضل من الموجودين وأظن اللاعبين استفادوا ويستفيدون منهم

أما سول فـ كيف الحال !! يعني أنا عندي إن سحبة الشلهوب في المباراة الماضية تسوى مشوار سول مع الهلال كله :naughty:

أما ويلي فإذا كانت قيمته 50 مليون أو يزيدون .. فـ أعتقد إن نيانج يسوى 80 مليون أو أكثر !!

عشان كذا أنا أقول لو طلب المدرب إحضار نيانج بدل ويلي فلا تضيق صدروكم لأنكم تبي تشوفون سرعة ويلي إضافة

لمهارات ياسر في هذا اللاعب !!

يبي يجي واحد ويقولي نيفيز .. طيب أنا أقوله إنه أفضل من نيفيز وأراهن على هالشيء ومن يشوفه يعرف :yes:

وترا من مميزات نيانج إنه من الأفارقه اللي ما عندهم مثل الأعذار اللي ندورها لبعض اللاعبين .. يعني يبي يجيك

متأقلم من أول مباراة :to: والله ما عليه من شيء s121s

طبعا صعوبة حضور نيانج للهلال هو إنه يعتبر اللاعب الأول حاليا في مرسيليا وما هم مفرطين فيه بسهوله

لكن مهب غريبه على ابن مساعد إذا قدر يجيبه :smilie47:

للي يبي يتفرج يرعص هون ويختار مقطع

# # # # #

# السياسة الجديدة لرئيس الهلال بالمداخلات والرد على من يتطاول على الكيان سياسة ( تعجبك ) بصراحه .. والله يعين أبو فيصل عليهم !

# تتوقعون لو الصويلح ماخذ فرصه مثل فرصة العنبر وش يبي يصير ؟!

# والله يا أنت بردت كبدي يابن سعيد :naughty: بيض الله وجهك !!

# عماد - خبيلان - كنعاني - الرشيد - المريسل - الصرامي << هالعالميين هذولاء يجمعهم شيء واحد وشو s121s

الجواب بالقفلة !!

قفلة

تكرهه يابن سعيد ونكرهه .:. ويجمع أهل العالمي يا مافقره

كنعان ومريسيل عده وأبرهه .:. مسخره في مسخره في مسخره

.
.