|
ياادارة الزعيم....تكفون...لا تفرطون في التايب فتندموون؟؟ مساء الخير للجميع .... ماني مطول عليكم بالموضوع....موضوعي يدور حول ما سمعنا ودار في أخبار الصحف عن قرب رحيل البرنس وساحر الكره(طارق التايب) عن الزعيم... حقيقه لا أرى مبرر واحد يستدعي الأستغناء عن خدمات البرنس طارق... لاعب من طراز نادر...يصنع الأهداف للمهاجمين...يسجل اهداف...مستواه يقنع أكبر مدرب بالعالم....متفاهم مع جميع زملائه....يضع المهاجم امام الامر الواقع في مواجهة المرمى....ماذا نريد اكثر من ذالك....بمعى أصح ..لاعب متكامل نادر الطراز....ويجب على الجميع بأن يعرف بأن التايب الآن هو ثنيان جديد في زمنا هذا نامل من الاداره المحافظه على البرنس العجيب والتجديد معه أحسن من ما تنهي عقده ثم نتوهق بواحد ما يجي ربع مستواه....ولنا في ليلو ألف عبره؟؟ تقبلو تحياي |
الله يستر بس إن شاءا لله مجرد اشاعات بس |
الاداره ابخص المدرب ابخص اهم شي الحظوووور يوم الثلاثاء تحيتي لك |
يستاهل التايب البقاء في صفوف الزعيم لكن لازم يدرسونها ادارة الهلال خصوصا ان التايب عنده فترة ايقاف |
ان شاء الله ابو ابراهيم باقي في الزعيم فهو عشق الهلال وجمهوره وجماهير الزعيم عشقته جماهير الهلال والتايب قصة عشق لاتنتهي |
اخى العزيز بخيث طارق التائب مطلب كل من يعشق الكرة بغض النظر عن ميوله واهميته لا تنحصر على اداءه فى الملعب فحسب ... ولكن على جذب الحضور للملاعب خلال اداءه الاستعراضى الجميل الذى يعطى المبارة نكهة خاصة....وهذه كلها خصائص يتذكرها كل من تعايش عصر توهج الثنيان وسامى وغيرهم من المبدعين المشكلة الحالية لها ابعاد اكبر من تعاقد من عدمه.....وان شاء الله اذا تكرمت ادارة الشبكة وسمحت لى بكتابة مواضيع فسأطرح موضوع يشمل كل حقائق قضية طارق مع الصفحات الموثقة لكى نكون على دراية تامة ونقدر موقف كل من طارق والادارة اتمنى طارق هلالى الى اعتزاله....لأن المتعة جزء كبير من هذه الكرة التى نعشقها الف شكر على موضوعك الجميل |
المشكلة الحالية لها ابعاد اكبر من تعاقد من عدمه.....وان شاء الله اذا تكرمت ادارة الشبكة وسمحت لى بكتابة مواضيع فسأطرح موضوع يشمل كل حقائق قضية طارق مع الصفحات الموثقة لكى نكون على دراية تامة ونقدر موقف كل من طارق والادارة الله يستر يا طرابلسي هلالي من هالعباره اللي ذكرتها...ان شاء الله ما يكون هناك مشاكل وحقيقه طارق ممتع في كل شي...فنان يرسم بكلتا قدميه على المستطيل الأخضر أروع واجمل اللوحات الفنيه والابداعيه....لذا دعواتي بأن الله لا يحرمنا فنيات طارق شكرا لك اخوي الكريم على مرورك ولجميع من عقب على الموضوع تقبلو تحياتي |
لا انشاء الله مهاب رايح \\\الا انا سمعت ان الهلال الموسم الجاي بيلعب في ملعبه صحيح هاالكلام |
مآ أتــوقع أنه يروح ,, لأنـــه جــدد ست شهور فتره الإيقاف ,, وهذا يدل على شدة تمسك الهلال بــه ... وبالعقل : لو كآنو مايبونه ليش يجددون معه وهو موقوف ... يعني أطمئن إن شاء الله مايروح الا معتزل ,,وهو قال بالحرف الواحد : سأنهي مسيرتي مع الهلال ... يعني كبر الوســآدهـ ونآم ,, ما رآح يروح التايب ... |
أخوي يعطيك العافيه على موضوعك بالنسبه لطارق فهو نجم وما نختلف على ذلك ولكن لو فكرت الإداره التجديد معه فلن يتم تسجيله إلا في الفتره الثانيه وأنت تعرف متى بداية الفتره الثانيه في شهرذي القعده أي بعد ستة أشهر من الآن وإن كان يبي ينضم في الفتره الثانيه فالفتر الثانيه قصيره جدا لأن الدوري هالسنه إستثنائي بسبب بطولة كأس العالم أي أنه سينتهي قبل موعده المحدد بشهر أو شهر ونصف والتايب كلاعب محترف لن يبني مستقبله في الزعيم سيبحث عن مستقبله وأنت وأنا نعرف ذلك والإداره عارفه مصلحتها مع طارق أو مع غيره وماهي بحاجة نصايح منا كل مايهمنا هو الزعيم يوم الثلاثاء ونترك أمور اللاعبين لأصحاب الشأن تحياتي |
أزعجتونا انتم وطارق الحين هذا وقته المفروض نفكر بيوم الثلاثاء |
إقتباس:
وش حنا مزعجينك به يا اخوي...لاعب له ثقله في الفريق وله بصمته الخاصه ودوره مؤثر في نتائج الزعيم....نطالب ببقائه....هل هذا الشي يزعجك كهلالي؟؟؟ اذا ما عجبك الموضوع ...كان ما شاركت ...وبعدين وش وقته هالحين اجل....حنا مو داخلين حرب...حنا نناقش أوضاع النادي بكل أريحيه... لك خالص التحيه والتقدير |
إدارة تفاوض أفشل مهاجم بالدوريات الاوربيه مامادو ديانق ... شي طبيعي أن الساحر طارق ما يقنعها ... أجل ممادو بيجي الهلال والله مصيبة لمن تابع الدوري الفرنسي لاكثر من موسم ... لاعب فاشل يضيع اسهل الفرص ... |
إقتباس:
|
اتمنى من الاداررره اتجديد معه لانه لاعب لا يستهاااان به وشــــــكــــــرا |
| الوقت المعتمد في المنتدى بتوقيت جرينتش +3.
الوقت الان » 01:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd