اول شي السلام عليكم ..


طبعا ما يخفى على الكل مدى كثرة حضور جماهير الهلال اثناء المباريات


سواء مباراة بنص الدوري او نهائيّه

جميعها ماشاء الله فل .. الا ما ندر طبعاً ..



لكن ياشباب وش الفايده هالحضور ...!!؟؟


ما اشوف تفاعل من الجماهير بتشجيع الفريق الا قليل

..


طبعاً كلامي هذا اعنيبه الجمهور الحاضر ككل يعني


ملّينا من خمسه نفر ماسكين الطيران " القدور " وعزبة المطابخ


وجالسين يطقطقون فوق روسنا ..!!؟؟


قسم بالله ملينا ..!!


انا ابي جمهور اذا حظر الملعب يهز الملعب هز .. مو يجي ينقّم " فسفس " !!


نبي جمهور يربك الخصم ..


والله اني ما اقول هالكلام الا اني متحسّف على هالألوف المؤلّفه اللي تجي الملعب وما نستفيد منها بالتشجيع


والعيب ماهو فيهم العيب بالرابطه اللي ما تحركهم بالشكل الصحيح


انا اقترح على نادي الهلال يحطون ناس ذو كفائات ادارية <<-- انت تتكلم بالكفائات الادارية انت ووجهك :bx:



لا جد يا شباب نبي النادي يشكّل لنا كم واحد ينسقون بين الجماهير ويكونون تفاعل بالمدرجات


ولا مانع من صرف مكافئات لهم نظير مجهودهم اذا كان مميّز



انا ابي اعطيكم مقطع شفته بالصدفه على التيوب وصراحه انقهرت من اللي حاصل عندنا



اتمنى منكم ياجماهير الزعيم تطبقونها بالشكل الصحيح زي اللي راح تشوفونه بالمقطع



انا شفت محاولات لجماهير الهلال يطبقون حركة الزلزال ولكن انتم شوفوا اللي بالمقطع وراح تضحكون على انفسكم


اتمنى تطبيقها بالشكل الصحيح ..



* ملاحظه :

نظراً لكثرة المواضيع اللي تتكلم بهالشي بمنتدى الزعيم لاحظنا ان صوتنا مسموع وصرنا نلتمس بعض التحسنات بالجماهير ..



* امنية اتمنى ان تتحقق :

انهم يشيلون مع احترامي " شلّة الطقاقات " اللي اسدرة روسنا من كثر الطقطقه ..

وخاصة اللي ماسك المايك



هذا المقطع للي يبي يشوف فنون التشجيع


http://www.youtube.com/watch?v=zEPuKuXqU8E

تمنياتي لنا بمزيد من التطوّر ..


احترامي ..

اشكرك جزيل الشكر على هالموضوع الرائع والله اندبلت كبدي من التشجيع بالطيران

الهلال جمهور جماعي وحتى يكون عندك جمهور بهذا الشكل تحتاج عدد كبير من الروابط تتوزع بالملعب

والحين الهلال لا يوجد فيه اي رابطه غير حقين الطيران

الطريقة سهله جدا الرابطه الواحده تحتاج 100شخص فلو جبت 10 روابط اليوم خلال سنتين راح تصير

الرابطه الواحده فوق الالف مشجع وكذا يكون عندنا تشجيع مثل اللي باللمقطع

اشكرك:rose:

ويالليت الاداره تتابع الموضوع من خلال المشرفين :rose:

الرسالة الأصلية كتبت بواسطة انتراوي الهلال (مشاركة 12137552) اشكرك جزيل الشكر على هالموضوع الرائع والله اندبلت كبدي من التشجيع بالطيران الهلال جمهور جماعي وحتى يكون عندك جمهور بهذا الشكل تحتاج عدد كبير من الروابط تتوزع بالملعب والحين الهلال لا يوجد فيه اي رابطه غير حقين الطيران الطريقة سهله جدا الرابطه الواحده تحتاج 100شخص فلو جبت 10 روابط اليوم خلال سنتين راح تصير الرابطه الواحده فوق الالف مشجع وكذا يكون عندنا تشجيع مثل اللي باللمقطع اشكرك:rose: ويالليت الاداره تتابع الموضوع من خلال المشرفين :rose:

الرسالة الأصلية كتبت بواسطة hamoodi69 (مشاركة 12137446) شكراً اخوي على المقطع المرعب وين فريق يفكر يفوز عليك وجمهورك كذا و على فكره ان شاء الله ان تأهلنا يوم الثلاثاء رح نشوف تشجيع الجماهير اليابانية و الكورية التي تتسم بالتنظيم و التشجيع الحماسي