لا والله كل شي يهون عشان المجلس
حتى مشاراكاتي اللي ماا ابيها تزوود تفدااهـ
..
وعليكم السلام ورحمة الله وبركاته ~> بدري ..
ما شاء الله تبارك الله تغطية مميزة
والبطوولة أكثر تميز
جمعتوا شباب الشبكة على الخير بإذن الله
الله يجزاكم خير
و الله يبيض وجه صاحب الفكرة
وجميع من وقف خلف هذه البطوولة
الله يتممها على خير وتنتهي بنجاح وبفووز المجلس بالكأس بإذن الله ~> وهذا هو اللي بيصير إن شاء الله
.. قبل ماابارك
خلينا نرد على الخبر العاجل اللي وردنا قبل قليل من مدربنا القدير
إجتماعكم وتكفل الصخرة فيه
الله يبيض وجهه ويجزااه خير ويبارك له ويرزقه ويفتح عليه ~> وش تبي أحسن من هالدعوه بالثلث الأخير
هالحين صدقنا إنك كرريم
الله يجعل اجتماعكم اجتماع مبارك
.. هالحين نلتفت للنتيجة ونبارك ألف ألف مليون ...الخ الاعداد اللي يقولهن الآغا مبرووووووك لمجلسنا
ما شاء الله واضح انكم مبدعين بالمباراة زي ماتوقعنا
وأنتم قدها إن شاء الله بالنهائي بتبيضون الوجه وفالكم البطوولة
الله يعطيكم العافية وانتبهوا لأنفسكم مانبي إصابات قبل المباراة
.. ابو ميار
ما شاء الله يقولون لمساتك واضحة على الفريق
الله يعطيك العافية
وعقباال البطولة إن شاء الله
وان شاء الله نشوفك مدرب لأحد أندية البكيرية
أمزح أقصد مدرب للهلال
..
المشرفين على فريقنا
والمستشار الي يوجهكم ~> فهمت ان المشاغب مستشاركم
الله يعطيكم العافية وما قصرتوا
والشكر أيضاً للجمهووور
بس ليش ما معكم لافتات ~> اللافتات عليكن يا بنات الرياض
لو انا بالرياض أرسلت لكم لا فته بخطي الجميل
.. الفيرووسة
كفوووو
أفحمتيهم أنتِ ومتابعة
ياملا العافية
متابعة قومي ذاكري وانا اختتس
رديتي عليهم ولا مارديتي مصيرهم بيباركون لنا الخميس با ذن الله
الله يوفقتس
..
..
وش بعد
إي هذولا اللي بيقابلونا بالنهائي
مبروووك ْ~> عسى ماتكلفتي
لا والله صدق تستاااهلوون
وزي ماتوقعنا النهائي بيننا وبينكم ~> تقول بيننا تقل تبي تلعب
.. عندكم بناات بالعالمية
توي أدري
وينكن عنا يا سنيورة وصديقتتس الثانية ؟
منوررات المجلس
خلوونا نشوفكن هنا ..
..
قبل ما أختم
أمس كتبت قصيدة ~> استغفر الله
انت المجلساوي ولاتبالي .,*,. وانت الكبير في العلالي
وانت الذي في القلب غالي ,*,. وانت الذي عالي وعالي .* امش ماقدامك احد .,*,. انت البطل قبل وبعد
انت اللي اهدافك شهد .,*,. لما تطل كلن هجد .* الكاس بيدك ارفعه.,*,. لما تشيله ماأروعه
كلنا نهتف معه .,*,. هذا المجلساوي واسمعه .* مديرنا* الغالي سلمت مساعيه .,*,. قدم لنا مفاخر تسعد بها اوجيه
اسماء ماكبرها الكل يفخر فيه .,*,. والكل منهم ياعسى تسلم اياديه .* يامجلسنا شد المسيرة .,*,.ارضي الجماهير الغفيرة
كلنا في كل ديره .,*,. نهدي للغالي عبيره .* * مديرنا / بالأصل أميرنا لكن مدري وش أحط كتبت مدرينا
تخيلوها مدربنا ولعيبتنا ومشرفينا وجمهور ,, كلها تجي
..
انتهى كلامي رحمني الله وإياكم
~> ردي صار أطول من التغطية
فيــ تصريح أدلـــى به الاعــب أحمد رقم 5 (اللي سجل هدفيــن) ..لسعـــادتي...!!
بعد صلاة العشاء منــ مساء أمس الجمعه..!!
يقول: أنهم عازمين أشد عزيمه ..بالظفر بنتيجة المباراة..وشـــرفــ السلام علــ سموه<<أشوى انه يقصد المكافأه..وأنهـــم علــ أتــم الأستعداد لمواجهة الغريم التقليــدي العالميه..
ويقـــولــ : من الصعب أنــ ترى هذه الجماهير الغفيره ..سوائاً فيــ الملعب ..أو من خلف الكيبورداتــ ..وهم يقومون بالتشجيع والمؤازره..ولم تقدم لهم كأســ البطوله ..كهديه بسيطه لجهدهم..!!
وفيــ سياق أخر: أكد المدير التنفيذي للفريــق السير أبو ميــار..أن الاعبين الانــ تجاوزوا فرحة الأنتصــار..وأنـــ جل تفكيرهم صوبــ يوم الخميس ..حيث نهائــــي الدم..وكلاسيـــكو الأرضــ ..!! وأكد السير أيضاً: أنه لايكترث بالتصريحات اللتي أدلـــى بها مدرب فريق العالميه ..مستر قول ..اللتي فيها شــئ من التشكيك فيــ قدرات الحكام..لكــي يرضخوا لمطالبــه..!!
الجدير بالذكر أنه وإلى الان ...نرى خمول وسكوت من المدرب نفســـه..وهذا مايدل علــ تفسير بسيط أنــ المدرب الان يضرب أخماس بأسداســ ..لما لقيه من ضعف فيــ طاقم فريقه..!!
وأخيــرا نتمنى التوفيــق لفريقنا العظيم..!!
همســـه:التصاريح كلها من راسـي ..لشنــ الحرب ..وبداية الهيــــاط...!!
يالله صباح خير عجزنا نقوم من النوم من التعب مبروك للمجلس العام وهاردلك للجمهور
يوم الخميس النهائي ان شاء الله يمدينا نريح لين تجي المباراة ياخوفي يجي الكوتش ويقول فيه تمرين
شكرا لافراد الفريق والاحتياطيين وماجد وعادل وابو صالح - الصخرة وسلطان واياد وعبد الله وابراهيم ومحمد وكل اللي جو علشان يساندونا
فوزنا بعد توفيق الله من حضوركم وتشجيعكم
باك أحب أشكر اللاعبين على قتاليتهم في الملعب .. ولأنهم يستحقون الشكر رجعت أرد وما سحبت كعاداتي << مستر قول أنت متعرف على المصمم من منفوحة والا كرنتينا مول؟ من وين جايب هالفيس الخال؟
30 - عمر الظفيري [ حارس مرمى ] يا لبى الحراس اللي كذا .. أسد حراسة ما شاء الله عليك يا عمر هجمات خطيرة تصديت لها بكل بسالة .. أعجبت الجميع .. كمل إبداعك بالنهائي
2 - عادل العتيبي (زعيم إفريقي) .. الله يعطيك العافية يا كابتن .. مستواك ممتاز ولكن ودي تكون أكثر توجيه للاعبين خصوصاً في بداية المباراة .. أدري ان صوتك راح بس ولو , امسك اللاعب بيده ونبهه ..!
19 - أحمد الحارثي يا ناس أدووخ انا على صخرة الدفاع ما شاء الله تبارك الله .. ( الفيصل ) نجم المباراة بعد أحمد العبود .. الله يعطيك العافية يا أحمد أنا اشهد انك مثل ما قال لك حكم الراية ( كتمتهم )
16 - إبراهيم العماج ممتاز يا إبراهيم الله يعطيك العافية .. مستوى رائع وثقة عالية لا خوف بإذن الله على الخطوط الخلفية بوجودك يا بطل
10 - إبراهيم العتيبي إبراهيم مستواك بالمباراة كان جيد ولكن مستواك الحقيقي أكبر من كذا .. كنت نجم ولكن بالنهائي بإذن الله بتكون نجم النجوم
6 - محمد الراشد يا لبى ريحة الغالي كان هنا ما شاء الله يا محمد ظهير ممتاز حجرت لهم كثير رغم قوة هجومهم .. ما شاء الله عليك والله ما كنت أتوقع بيطلع منك هاللعب كله
17 - توفيق بامطرف وش أخلي ووش أقول .. دوّر معي بعض الحلول توفيق لاعب وسط من طراز نادر .. وقتالي على الكرة بشكل رائع ما شاء الله.. صحيح ان يوزر ( كابتيانو ) غبي شوي بس والله انك يا توفيق لعيب
5 - أحمد العبود يكفي أننا نقول انك ياسر القحطاني وبس وش عاد أقول غير كذا؟ هم حطوك نجم المباراة وما بعد هذا كلام ..! بس ترى نبي القضيبي يصير الهداف وأنت أفضل لاعب .. مو تصير كلهن يالطماع أنت
12 - محمد القضيبي رأس الحربة الخطير .. يعجبني لعبك ولو اني حاس أن تكتيك المدرب باللعب على مهاجم واحد ظلمك كثير .. لكنك اظهرت نجوميتك وجبت الهدف الأول بالمباراة الجاية لازم تجيب هدفين على الأقل يا كابتن
15- ريان القويعي (rayan99) اذا يوزرك غلط فمشي حالك والله نجم يا ريان .. صحيح ان هذا مو مستواك لكنك كنت تلعب ضد مجموعة لاعبين لحالك قدمت مستوى كبير وأبدعت وننتظر منك الكثير بالنهائي ضد الكديش
سليمان الظفيري بسم الله ما شاء الله عليك يا سليمان .. عساك على القوة وتواصل بنفس الأداء بالنهائي وتبيض الوجه أتوقع منك الكثير بالنهائي بتجنن العالمية
معاذ الطريف (معاذ اليوفي) تغيير المدرب كان في محله .. ومن اول كرة أبدعت فيها ما شاء الله عليك كنت أقول عنك زلابة بس أمس طلعت نجم يا خطير أنت الصدق أن لعبك عاجبني من قبل والحين وبعدين .. واصل وان شاء الله تسجل هدف في الكديش
محمد العنزي هلا والله بالمحور المحارب بين الشوطين سألتك اذا كان المدرب بيلعبك .. لأني كنت واثق أن مدربنا المتمكن مستحيل يتركك بدون ما يستفيد من موهبتك وفعلاً بعد التغيير كنت تقطع الكرات بمهارة وأعجبتنا وأعجبت المدرب أولاريو ..
فيه لاعبين نجووووم كانوا على دكة الاحتياط وكان ودي ان أسماءهم عندي حتى أشكرهم بهالرد لاعبين ان ما كان مستواهم أفضل من الأساسيين فأكيد مو أقل منهم .. مع هذا كانوا يشجعون الفريق وفرحوا بالفوز وما اعترضوا على عدم دخولهم التشكيلة ..! مثل هاللاعبين الأبطال هم اللي نحتاجهم ونتشرف فيهم .. على عكس لاعب انسحب عشانه ما لعب
شكراً متعب .. مهما قلت ما راح أوفيك حقك .. قسم بالله انك مدرب ورجل نفتخرفيه .. بيض الله وجه من جابك لمجلسنا دليل اخلاصك مع المجلس انك مدرب داخل الملعب وإداري وعضو شرف خارج الملعب
ماجد مقبل .. تكفى خلني ساكت عشان ما أجيب العيد ..! ان تكلمت صدقني ما راح يوقفني غير جمس الهيئة وربي يا ماجد أنت نادر الأوصاف أكثر من تعب مع المجلس وتحمّل ضغط العمل وحجز الملاعب والاستراحة وغيرها .. عزّ الله انه أكل تبن
الكلاسيكي .. عدوول كنت من أول المحاربين له الأمر ما يتعلق بتصفية حسابات أو غيرها بالعكس عادل محبوب الجميع لكن أنا ما أحبش المجاملات بوقت الحماس عشان كذا قلت رأيي وقتها .. أما الحين بعد الفوز .. ولأن عين الرضا عن كل عيب كليلة فإن الكلاسيكي أثبت نجاحه حتى الآن عادل آسف أن كنت قسيت بردي وقتها .. لكن باقي لك مباراة أنت ومتعب وماجد قسم بالله لو تنهزمون ان ما يردني عنكم غير الإيقاف
ريكيلمي هيه انت وش سالفتك ؟ خويي بالتمارين وبالمنتدى تذب علي؟ والله ظلموك يا ريكي .. أجل يقولون عنك عميل؟ هذا وانت عضو شرف داعم تقط معهم وتحضر اجتماعاتهم وبالأخير يكون هذا جزاءك؟ بيني وبينك .. والله انك تستاهل لأنك زلابة طس يا عميل
مواصل كفو يا مواصل يا المحارب الشرير يا حبك للهياط على الكديش تصدق؟ بما أنك دايم نحس وما عمرك حضرت مباراة وفاز فيها الهلال .. هذي المباراة الوحيدة اللي حضرت أنت فيها وفاز الفريق اللي تشجعه لا فيه تحسن ما شاء الله
الحاير ما تشوف شر يا عبدالله دوووم يا رب للحين وأنا مصمم أني شايفك باستراحة بس مدري وين أنت تجي استراحات بالخرج؟ والا قد جيت البحرين أنت؟ فندق الفرسان؟ أستغفر الله بس
كان هنا ألف سلامة يا بعد شعر خشمي ما دريت إلا بعد المباراة بالحادث .. أبشر بالعوض بنتلي ترضيك؟ موب مقصر الأمير راشد .. لأن سيارتك أصيبت في سبيل البطولة فبيصلحها لك على حسابه أقل شي << ان شاف راشد ردي وصلحها صدق فترى لي نسبة يا عبود البطل
ليو ميسي يعجبني العضو الداعم اللي مثل يسلم يحترق بالمدرجات ويحرق اللي جنبه من قوة حماسه سلم لي يا يسلم على خويك الشنب هذاك
شبوط ترى ما ذكرت إلا اللي حضروا .. هلا بالسمي تصدقون قبل المباراة والله شفت شبوط رايح للموج يسلم عليه .. مدري كنّي سمعته وهو يسلم على الموج ويلصق الخد بالخد يقول له " أخبارك يالسمي؟ عساك بخير يالسمي؟ وش مسوي يالسمي؟ " اللي مو مصدق يسأل أبوميار ويقول له
أما اللي ما حضروا فالله يستر علينا وعليهم كثير ومنب فاضي أعدد
أنا داشر؟ للأسف ما أقدر أرد عليك لأنك مشرف .. المهم .. وش صار على موضوعنا هذاك؟ عساهم وافقوا أني أصير مشرف بالمجلس؟ << هالفيس يعتبر ثقة عند الأعضاء , بيصدقون على طول أما لو أكون مشرف بالمجلس .. لأخلي الشعب يهيّص وأسوي عدة مشاريع اجتماعية وتنموية .. وسأعيد حقوق المرأة وأخلي كل المسابقات ما يشارك فيها غير النساء والمشرفين بس طارق وسيمو احتمال نخليهم يحطون لكم صندوق المجلس يسكتكم شوي وأي عضو يتميلح بينصك إنذار .. التميلح للمشرفين بس وأي موضوعات توعوية تنقل لصيد النت لأن الناس ملّت من التوعية .. توعية المرور توعية الصحة توعية الزراعة توعية الشرطة .. حتى البحرين خربوا حاطين على شارع المعارض لوحات توعية عن الحج ههههههههههههـ المهم خلوني أوقف هنا لأني بديت اتهور وأكتب وأمسح .. لو أواصل راح تترحمون على يوزري وتشوفوني بعد صلاة الجمعة أنجلد 100 جلدة
إقتباس
الرسالة الأصلية كتبت بواسطة ع ـشقهـأ هلألـي
يا اصحاب المجلس لاتصيرون لق لق آلفـووز للعــآلميــــــــــه ..
والله موب سهل جواد العلي ستايل جديد أبو مقبل بالله حوّل موضوعها للواء ركن : سهل خله يتصرف في توقيعها المخالف عشان تعرف أن الله حق وان لحمنا مرّ
![إنطلقت بطولة الشبكة .. و النهائي سيجمع المجلس و العالمية [ تقرير - صور ]](iconimages/t772184_rtl.gif)
الوضع العادي
