{ .. ~ دقـــة قــديمــة ~ .. } .. مع ذلك افتخر - صفحة رقم 3 - نادي الهلال السعودي - شبكة الزعيم

dal3_uae · #1 22/05/2009, 01:24 PM

السلام عليكم ورحمة الله وبركاته

{ .. مدخل ~
لاتتصل بي طابـت النفـس مابيـك
مابيـك دامـك فـالمشاعـر تسـلا
مسحت رقمك والرسايـل وماضيـك
مابيـه يااللـي منـك مابيـه كـلا

أحمد طفل لم يتجاوز العاشره من عمره تفوق في مدرسته .. والده اشترى له هدية ... { ~ موبايل ~ }
سألته ذات يوم فيما تستخدمه ؟؟ أجاب التحدث مع الاصدقاء .. والمراسلة والبلوتوث .. والرسائل الـ SMS
استغربت من حديثه .. طفل بهذا العمر يعرف كل هذه الأشياء .. أكملت الحديث .. الى النهايــهــ ... الخ

بهذا ابدأ ما يدور في راسي .. أو في مخي

من تساؤلات كثيرة

منذ متى وأطفالنا الذين لم يتجازوز السن العشرة وبايديهم احدث انواع الهواتف النقاله ..؟؟
منذ متى واطفالنا .. يبعثون الــ SMS والبلوتوثات .. دون مراقبة او حسيب .. ؟؟

أنا ما اتكلم اهني عن هذا الطفل .. فقط ...
في عوائل .. توفر لأعيالها الموبايل غصبن عنها ..
ليش لأنه الأب في صوب والام في صوب والابن ايضا في صوب ثاني ..
وما يقدرون يتواصلون الا بالموبايل ..

فلنبتعد قليلا من حاجة الطفل للموبايل .. ولندخل الى عالم الفتاة .. في كيفية استخدامها للهاتف او متى
حق لها ان تبتاع هاتفاً لها .

في احد المرات.. كنت يديده على كلاسي ..في الجامعه وما كنت اعرف من البنات اي حد ..
كنت يالسه و يتني وحده من البنات وقعدت اتسولف معايه عن كل شي .. لأنها اول وحده اتكلمني
من بنات الكلاس .. فارتحت معاها .. وفي اليوم الثاني بعد نفس الشي .. نفس البنت يتني وقعدت
اتسولف معايه .. شوي شوي .. صرنا ربيعات .. بعدها باسبوع تقريبا .. كنت يالسه معاها .. طلبت
رقم تيلفونها .. بحجة انه يمكن اغيب .. او يصير يشي .. ابا اعرف شو خذو في الجامعه
على فكرة هي بنت ناس ونعمة .. المهم ..

قلتلها : فلانه عطيني رقم موبايلج ؟
قالت : والله ما عندي .؟؟
قلتلها : غريبة ..!!
قالت : ليش غريبة ..؟
قلتلها : انتي في الجامعه وما عندج موبايل ..!
قالت : العايله جيه عاداتها وقوانينها .. عيب عندنا بنت مب معرسه تاخذ موبايل ..
قلتلها : ( ونعم التربية )

انزين ومتى بيخلونج اهلج تاخذين موبايل ..؟
قالت : اممممممم والله بعد ما املج ( الملكة )

وكملنا الحديث .. ودخلن كم بنت في السالفه واتناقشنا .. وكان النقاش جدااا جميل عن الهاتف

قلت في خاطريه ليت كل العوايل شرات هالعايله .. صح انه البنت مرات تحتاج لموبايل في الجامعه ..
لكن مب شرات هالزمن الوحده بعدها ما مخلصة الاعداديه وعندها تيلفون .. ويمكن تيلفونين .. !!!!!!

ابا اعرف وحده في سن ما بين 12- 17 شو تبى في الموبايل .. ؟؟
شو استخدامها للموبايل ..؟؟
أهلها كلهم عندها .. يعني ما تحتاج .. وما يطلعون الا مع اهاليهم .. شو بيكون حاجتها للموبايل اذا هي دايما
مع اهلها .. وفي تيلفون البيت .. اذا بغت اتكلم حد من اهلها .. او من ربيعاتها ..

أنا احس انه بنت في هالعمر .. بعدها ما خلصت دراستها ما تحتاج للموبايل ..
ترى الموبايل كله دمار في دمار ..

هو صحيح انه استخدام الصحيح للهاتف .. ما يؤدي الى مشاكل .. في احيان قليله ..
لكن كم وكم سمعنا او شفنا انه بنات اختربن بسبت هالجهاز الصغير ..

وحده ما محتاجتنه حق شو اهلها يعطونها موبايل >>> كل هذا ثقة ..؟؟ !!
ترى الشيطان

يلعب بالوحده ..

وكم وحده الحين صارت في مجتمعنا الخليجي .. قامن ويتباهن بموبايلاتهن ..
لا والاخس من هذا كله .. في الجامعه .. البنت اللي ماعندها موبايل يعتبرونها البنات { ~ دقة قديمة ~ }

أثبتت دراسه اجريت مؤخرا .. أن اكثر من69% من الفتيات التي تحمل الموبايل وهي لم يتعدى سنها الـ 20 عاما
لا تحسن استخدامه ؟؟

فعلا والله اشوفه او اللي اسمعه في مجتمعنا الخليجي من المواقف التي تجرح القلب وتبكي العين
على هؤلاء الفتيات المراهقات ...
اللي يستخدمونه استخدام غير صحيح وسئ ويعود عليهم بلأمور السلبية ...
انا ما اقول الكل .. انا اجزم انه نسبة كبيرة منهن .. يستخدمن في اشياء غلط × غلط

::

* للنقاش :
1- هل أنت\ي تؤيد إنه بنت ما بين 12\17 يكون عندها موبايل ..؟

2- ما هي الفترة المناسبة للفتاة بأنه يحق لها أن تحمل موبايلا ..؟

3- في اعتقادي أنا .. الوقت المناسب للفتاة بأنه يكون لها موبايل ..
بعد الملجه ( الملكه ) ..>> هلو توافقني\ توافقيني الرأي .. ؟؟

4- اذا خذت وحده مب من النوع اللي دقتهم قديمة .. يعني عندها موبايل وهي بالمتوسط ..
بتخليها تغير رقمها .. وله يكون نفسه اللي هو ما قبل الزواج ..؟

5- ممكن تسدح\ين صورتك اوووه اقصد صورة موبايلك اهني

..؟

معلومة :

إحنا عايلتنا .. من النوع اللي دقتهم قديمة ..

} .. مخــرج ~
لا تتصل بي خطي اليـوم مشغـول
دور على غيري عسى الله يعينـك
لا تتصل مشغول خطي على طـول
حتى الرقم باغيـره لاجـل عينـك