ـــــــــــــــــــ >> فاولات بالثمانينات << ـــــــــــــــــــ

## أول شي أقول انه الموضوع حبة عربي وحبة عامي عشان توصل الفكرة للكل

## أحب أبارك للجميع النتيجة والمستوى الرائع اللي قدموه لعيبة الهلال وبصراحة من زمان ما استمتعت بمباراة هلالية قد ما استمتعت امس ..

## امس الجمهور كان جيد بالنسبة لحضوره مباريات سابقة في هذا الموسم لكن من وجهة نظري كان الحضور مخجل جدا .. وش ذنب ناس خليتوها تتحسف عشانها جايه الملعب من الساعة 5 العصر !!

## غير كذا الرابطة لي عتب عليها لأنها ماشاء الله مشعللة الجو من بعد المغرب وهذا غلط المفروض توفر حيل الجمهور لبداية المباراة .. ومع ذلك ماقصر الجمهور كان مساند ومولع اغلب وقت المباراة ..

## بالمناسبة كان فيه واحد من الجمهور ينافس الرابطة (بس بدون مايك) ماشاء الله عليه وكان كل ترديده لكلمة يا هلاااااااااااااااااااال ..

## نرجع للجمهور اللي ما اعتب عليه الا بشغلة وحدة وهي ظهيرنا المجبورين عليه حاليا نامي واللي كل ماسمعنا اسمه سواء من مذيع الاستاد او من رئيس الرابطة قاموا يهتفون ضده وبشكل استفزني انا بصراحة اجل كيف اللاعب اللي حتى لو كان نازل متحمس وعنده شي بيقدمه وسمع الجمهور كذا مستحيل يقدم اي شي !! (الحين عرفت سر ملامح نامي المرتبكة دائما) ..

## قد مافرحت بالنتيجة امس الا ان فرحتي كانت اكبر باسترجاع افضل لاعب خليجي لجزء كبير من مستواه واللي خلتني امازح خويي اللي جنبي واقوله ليته انفقع راسه من زمان (الله لا يقوله وبعيد الشر عن ماجد) عشان يرجع لإبداعاته وكلنا شفنا الدعيع امس كيف مرتاح وماعليه اي ضغط بسبب وجود قلبين دفاع ولا اروع .. وعقبال نامي تجيه وحدة تخليه يبدع لو المباراة الجاية بس

## لما شفت اللعيبة من المدرج كل شوي طالع واحد يلف راسه بشاش توقعت (حسب نيتي الصافية) انه تكتيك من المدرب عشان يضغط عالحكم .. لكن لما شفت الاعادة وشاهدت الدماء تسيل صراحة ارتفع ضغطي واطالب الادارة بتقديم احتجاجها وان لا تكون المثالية موجودة حتى على المستوى الآسيوي !

## أسأل الله العظيم أن يرزق لاعبي هجوم الزعيم ويهبهم مارزق به المهاجم محمد العنبر من حظ ..

## غبنة وقهر الاصابات والدكة طوال الموسم كانت واضحة وبشكل كبير على وجه أحمد الصويلح بعد الهدف الثاني ..

## أحسن لاعبين لعبوا من وجهة نظري هم الأجانب باستثناء ويلي !

## على طاري أحسن وما أحسن .. قناة الآي آر تي بعد الاحراج الكبير لها من الاخراج القطري كان تبريرها سخيف جدا بقولهم انه بإمكاننا التعاقد مع شركات أجنبية كما يفعل الغير ولكننا نقدم خدمة للوطن بتدريب كوادر وطنية ستكون مؤهلة لقيادة العمل التلفزيوني في السعودية !! > سحقا لكوادر تدربونها على حسابنا وحساب مشاهدتنا لاخراجكم الفاشل المتحيز < .

مشكور أخ طارق على ردك المتميز ..

وبإذن الله يكون الجمهور عالموعد

السلام عليكم

جماهير الزعيم ستكون حاضرة باذن الله في لقاء ام صلال لزف الزعيم لدور 8 الاسيوي

ااااه يا ماجد ما ادري ايش قصتك مرة جاتك اصابة وهبط مستواك وجاتك اصابة ثانية ورفعت مستواك والله انت محسود ياماجد تلعب بكل ثقة بجانب العملاق الهلالي الاخر اسامة هوساوي الله يحرسكم من العين

الأخ قسامي .. الأخ سامي

شاكر مروركم ..

دمتم بود

ماجد المرشدي ورادوي حسب علمي انهم رفضوا التبديل وضحوا بأنفسهم من اجل الشعار


ما اقول الا يالبيييييييييييييييه يا ابناء الزعيم

مــاقصرت اخوي
..
الله يعطيك العافية
..

موضوع رائع من عضو ارووع

مشكور اخوي وان شاء الله نزف الزعيم لدور الثمانيه

إقتباس جماهير الزعيم ستكون حاضرة باذن الله في لقاء ام صلال لزف الزعيم لدور 8 الاسيوي

والله ما آآتوقع مثل امس كنا متحمسين للجمهور يكون فل بس العكس ..!
وبعدين ما ادري الجمهور الهلالي وش يمنعه من الحضور ..! ياليت الملعب يكون بـ مباراه ام صلال مليان بس ما اتوقع بتكون الاعذار حاضره من الحين اولها بتكون بيوم دراسه ..! وغيرها من اعذارهم...!

بالتوفيق للهلال

برافووووووووووووووووووووووووووووووووووا

يازينك ويازين نيتك الصافيه
المرشدي امس ياسلام سلم على المرشدي المعلم
اما الدماء امس والله اني خفة من هالدماء الجارفه <<<<اخس ياللغه
اما الحضور كفوا ووفو بس قليلين
اخوك
ابومالكـ

آهـ يآمآجد الله يحرسكم انت والأسطوره آسآمه

آمآ عن الجمهور فكان جيد

لآهنت