عبدالعزيز الدغيثر يجسد الروح الوطنية بمساندته لنادي الوطن .. ألف مبرووك لكل الهلاليين وعقبال الكاس - نادي الهلال السعودي - شبكة الزعيم

مشجع نصراوي عاقل · #1 21/05/2009, 04:58 PM

السلام عليكم

ألف ألف ألف مبرووووك لنادي الوطن نادي الهلال على صدارة المجموعة الاسيوية والتأهل للدور الستة عشر ..

ويستاهلون الزعماء

بكل صراحه اعجبني الاستاذ النصراوي الكبير عبدالعزيز الدغيثر حضوره لمباراة الهلال ومساندته له امام باختكور ..

عبدالعزيز الدغيثر هاهو يجسد الروح الرياضيه والوطنيه بمساندة الزعيم..

المفترض من جميع الرياضيين السعوديين بكافة ميولهم مساندة اندية الوطن التي تلعب بطولات خارجيه

انا متأكد سيخرج علينا بعض المرضى بإتهام عبدالعزيز الدغيثر بأنه هلالي مندس مع ادارة النصر السابقة

واقولها بالفم المليان :: للاسف هناك بعض المرضى لايتمنون فوز بعض اندية الوطن بالبطولة الاسيوية

سيروا يا أنديه الوطن (الهلال والاتحاد والشباب والاتفاق) وبإذن ستجدون جميع الجماهير الرياضيه

السعودية العاقله خلفكم ..

قد يستغرب البعض باني نصراوي بينكم ..!!

لاننا بزمن كثر فيه إنفلونزا التعصب الرياضي وللاسف هؤلاء المرضى هم من يأججون الوسط الرياضي السعودي

وصار من الغريب ان النصراوي يساند الهلال وكذلك الهلالي يساند النصر ..

نلتقي على خير

هلالي ثنياني · #2 21/05/2009, 07:05 PM

يستاهل التقدير أبو سلطان
وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله

شكرا لك على تعقلك,, ونتمنى مزيدا من التعقل من جماهير الأندية دائما

الملك"توتي" · #3 21/05/2009, 07:25 PM

إقتباس

الرسالة الأصلية كتبت بواسطة هلالي ثنياني


	يستاهل التقدير أبو سلطان وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله شكرا لك على تعقلك,, ونتمنى مزيدا من التعقل من جماهير الأندية دائما

التعقّل و أخواتها

شفيك خلودي

هلا اخوي .. حياك الله بين إخوانك ..

و لله الحمد احنا يجمعنا الدين قبل أي شي ..

بس بعض الناس طويلة الأغراب .. مدري غريبة الأطوال .. مدري غريبة الأطوار .. اهم شي حولها

شكراً و بالتوفيق للهلال دائماً و أبداً

sweet tone · #4 21/05/2009, 07:27 PM

والله ياخوي لو يحصل ما نشوفه ابد
هو الي حاس النصر وطلع اسراره والحمدلله جا إبعاده عن طريق الامير سلطان
اتمنى يبتعد عن الهلال ..
الله يوفقه بعيد عن الهلال

زعيم المستديرة · #5 21/05/2009, 07:29 PM

مبروك التاهل للانديه الاربعه

و الف شكر للدغيثر على الوقوف مع الانديه السعوديه

البدائع بلاد الروائع · #6 21/05/2009, 07:34 PM

هلابك ياغالي
هلابك يانصراوي

شكرا لك على هذه المشاعر الطيبه
وشكرا لك على هذه الروح الرياضية

ونتمنى ان يعود العالمي لمستواه الحقيقي
ليكون في الواجهه مع الكبار
ويكون للديربي مذاقه الخاص المعروف

نتمنى التوفيق لكم

ونتمنى التوفيق للزعماء

تحياتي لك
ولمشاعرك
ولروحك
ولابداعك
ولتواصلك
والحبك للوطن

تحياتي ياغالي

===

لمسة طاارق · #7 21/05/2009, 07:42 PM

استغرب من اداراه النصر اللي يقول الحقيقه بينهم ماله مكااان

معن رئيسهمم مو متعصب مبين عليه عاقل

بس شكله كاااان رئيس اسم ما نشووف غير النائب

غريبه

اظن ارتاح صاار رئيس الله يهديه ويهدينااااااااااااااااااااااااا

ان الدغيثررررررررررر معروووف انه نصراااوي بس قبل ما يكووووون نصراوي هووووووووووو سعووودي

واللي يستغررب ما عند سالفه شي طبيعي

العاام في الاسيويه ساندونا جمهووور النصررر قبله ما استغربنااا لاانا لو بينا فيه تعصب المفرووض

لما نمثل السعوديه نكووووووووووووون واااااااااااااحد

وهلابك يانصراوي بينناااا الحمدلله ما نعرف التعصب وكلنااااااااااااااا واحد

احساس البشر · #8 21/05/2009, 07:45 PM

حياااك بين الهلاليين ونتشرف بوجودك

والدغيثر كبير مهما كان

مشجع الميلان · #9 21/05/2009, 07:49 PM

عبدالعزيز الدغيثر ما حضر علشان يدعم الهلال .. و إنما حضر من أجل ابنه
سعود الي يشجع الهلال .. فقط .. و طبعا هذا كلامه ..!!!

هلالي طرازه نادر · #10 21/05/2009, 07:50 PM

ماهي غريبة على بو سلطان وهو انسان نظيف حتى عندما كان معهم..!!
ولكن كان يواجه ضغوطات كثيره..!!

قسامي هلالي · #11 21/05/2009, 07:50 PM

يستاهل التقدير أبو سلطان
وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله

شكرا لك على تعقلك,, ونتمنى مزيدا من التعقل من جماهير الأندية دائما

تألم بس تعلم · #12 21/05/2009, 07:50 PM

هلابك

مع ان منتداكم كله سب في كل شي هلالي

بس نحن الزعماء اخلاقنا اكبر من اي شي

وقل لجمهوركم منافستنا في الملعب فقط <<مع ان هذا يزعجهم لانهم دايم ينلزخون

وقلهم يقول لكم ياسر عسى كوبارياتي في الخوجلي مازعجتكم هههه

فيكا · #13 21/05/2009, 07:59 PM

وتمنينا أن يجد مزيدا من التقدير داخل ناديه ولكن ربما أن مرضى أنفلونزا التعصب لم يعجبهم تعقله

شكرا لك وعلى روحك الرياضيه الرائعه

فتى الأمل · #14 21/05/2009, 08:07 PM

اتعجب من مشرفين الموقع يسمحون للنصراويين بالكتابة وحنا مواضيعنا المفيدة للزعيم تروح للتقييم !!!!

موضوعك مافيه اي فايده للزعيم !!

ياخي كرشوه النصر شر كرشه وجاي يتلزق باعمامه الزعماء <<--- هذا كل مافي السالفة

إن فاز الهلال بيتلزق فيهم ويباركلهم ..
وان خسر الهلال بيتشمت فيهم

ما يشرفنا وجودك يالنصراوي وبالتوفيق لاندية الوطن واللي عالمدرج يتفرج ..

يقولون كاس فيصل اقوى من الاسيويه

البطولة هلالية 2009 · #15 21/05/2009, 08:16 PM

إقتباس

الرسالة الأصلية كتبت بواسطة مشجع نصراوي عاقل


	قد يستغرب البعض باني نصراوي بينكم ..!! لاننا بزمن كثر فيه إنفلونزا التعصب الرياضي وللاسف هؤلاء المرضى هم من يأججون الوسط الرياضي السعودي وصار من الغريب ان النصراوي يساند الهلال وكذلك الهلالي يساند النصر .. نلتقي على خير

هلا فيك اخوي بين اخوانك والله يهدي الجميع